Zekâya 14:9 - MUKANDA WA MYIDI MUKULU

⁹ Dituku adi, Maweja-Nangila neikale mukalenga wa buloba bujima. Bantu kabakukukuila kabidi mukuabu to, kadi amu Yeye nkayende Mvidi Mukulu. Bonsu nebatumbishe amu dina diende.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Yehowa neikale Mukelenge wa buloba bujima. Mu dituku adi Yehowa neikale anu umue, ne dina diandi nedikale dimue.

Zekâya 14:9 ပူးပေါင်းရင်းမြစ်များ

Genese 49:10

Nsesu wa bukalenga neashale mu diku dia Yuda. Dikombu dia bumfumu nedishale kudi ndelanganyi yende, too ne pafika muena bukalenga, udi bantu bonsu ne bua kutumikila.

Misambu 67:4

Mvidi Mukulu, bisamba bia bantu bikutumbishe, bisamba bionsu bikuele tuasakidila!

Misambu 72:17

Lumu lua mukalenga lushale kashidi, bamutumbishe too ne muajimina diba tshiendelele! Bantu belangane lupemba, bamba ne: Mvidi Mukulu akusankishe, muvuaye muenzele mukalenga! Mu matunga onsu bantu bamutue makumbu!

Misambu 86:9

Wakafuka bisamba bionsu, nebifike bua kukukukuila, ne kukutumbisha wewe Maweja-Nangila.

Misambu 97:1

Maweja-Nangila udi mukalenga, buloba bujima busanke, bantu bonsu badi kule basanke!

Yeshaya 45:21

Buelayi mu bipangu, nukebe tshinudi mua kuamba bua kudibingisha! Kadi uvua munumanyishe ku kale bidi bienzeka lelu nnganyi? Uvua mubisokolole bangabanga ne kuenzekabi nnganyi? Ki mmeme Maweja-Nangila anyi? Kakuena Mvidi Mukulu mukuabu to, amu meme. Mvidi Mukulu wa diyi dimue, Mvidi Mukulu udi usungidilangana, kenaku, amu meme.

Yeshaya 54:5

Bualu uvua mukufuke, ke washala bu bayebe. Ke yeye udibu binyika ne: “Maweja-Nangila muena bukole buonsu.” Yeye ke wa tshijila wa Izrayele, udi ukupandisha. Yeye mene ke udibu binyika ne: “Mvidi Mukulu wa buloba bujima.”

Yirmeya 23:6

Pabuelaye mu bukalenga, kabakukengesha kabidi bena Yuda kudi baluishi babu. Bena Izrayele nebasombe talalaa. Nebinyike mukalenga awu ne: ‘Maweja-Nangila ke musungidi wetu!’ ”

Danyele 7:27

Nebapeshe tshisamba tshia tshijila tshia Mvidi Mukulu, Muena kulu, bukalenga, bukokeshi, ne lumu, bia makalenga onsu a pa buloba. Bukalenga bua tshisamba etshi nebushale kashidi. Makokeshi onsu a pa buloba neatshitumikile, atshienzela mudimu.’

Amosa 9:12

Diba adi, bena Izrayele nebakuate tshiakabidi matunga, avua anyi ku kale, a bena Edome, ne a bena bisamba bikuabu. Meme Maweja-Nangila ndi njadika nanku. Nenkumbaje kabidi bindi ngamba.”

Obadya 1:21

Bobu bamane kutshimuna, nebabande pa mukuna wa Siyone, bua kuikalabu bamfumu ba bena Edome. Ke mudi Maweja-Nangila ujadika bumfumu buende nanku.

Mika 5:4

Yeye neafile ditalala. — Pikala bena Ashure bafika bua kukuata ditunga dietu, babuela mu nzubu ya bakalenga betu, netubatumine bamfumu tshisumbu tshinene bua kubaluisha.

Abakuke 2:14

Tshikondu netshifike tshidi bantu mu buloba bujima, bamanye amu kumanya munda muabu muonsu, butumbi bua Maweja-Nangila, amu mudi mayi muwule mu mayi manene tente.

Sefanya 3:9

“Pashishe nenkudimune bantu; nengumushe mikiya idi ku mishiku yabu. Nebantendelele meme Maweja-Nangila, nebankukuile ne muoyi umue.

Zekâya 9:9

Yerushalayime, sanka bikole! Wewe tshimenga tshia Siyone, ela tunkunduluila! Tangila mudi mukalenga webe ukuvuila. Udi uvua kukusungidila, kukosa nsambu pa yoyi. Kadi kena uditambisha to! Udi mubande pa nyama wa mpunde, pa muana wa mpunde mukaji.

Malaki 1:14

Muntu udi ne nyama mimpe mu bimuna biende, undaya nyama muimpe, kadi undinga, undambula nyama udi ne tshilema, mmuena diakabi. Bualu meme ndi mukalenga munene udi bisamba bionsu bitshina. Meme Maweja-Nangila wa bukole buonsu udi njadika nanku.

Matayi 1:23

“Nsongakaji utshidi kamama neimite difu, nealele muana wa balume. Nebamuinyike dina ne: Emanuwele,” (mmumue ne: “Mvidi Mukulu udi netu.”)

Matayi 28:19

Nenku nuye kudi bantu ba bisamba bionsu. Nubenze balongi banyi. Nubatue mu mayi mu dina dia Tatu, dia Muana, ne dia Mueyelu wa Tshijila.

Dielulula 6:4

“Nuenu bena Izrayele, telejayi: Maweja-Nangila, Maweja-Nangila nkayende, ke Mvidi Mukulu wetu. Kakuena mukuabu to.

Didimanyisha 11:15

Pashishe mutumibue wa muanda mutekete kuela mpungi. Meyi makole kumvuika mu diulu, amba ne: “Bumfumu bua kulombola buloba budi kudi Maweja-Nangila wetu ne kudi Meshiya wende. Nebashale mu bukalenga kashidi.”

1 Samuele 2:10

Maweja-Nangila udi udidisha, makubakuba mu diulu, bua kubutula baluishi bende. Udi mulumbuluishi munene wa buloba bujima. Udi ukolesha mukalenga wa bantu bende mu maboku, udiundisha bukalenga bua udiye musungule.