Zekâya 13:9 - MUKANDA WA MYIDI MUKULU

⁹ Nengumushe mikiya ya badi bashala ne muoyi. Nembatete, mudibu bateta tshiamu tshia mpawungi, ne tshiamu tshitoke tshia mushinga mukole, mu kapia. Nanku nebantendelele; nenkumbaje bidibu balomba. Nembabikile ne: ‘Bantu banyi,’ bobu nebangambe ne: ‘Maweja-Nangila ke Mvidi Mukulu wetu.’ ”

Mukanda wa Nzambi Dihungila Dikulukulu ne Dihungila Dihia-dihia 2003

⁹ Nengele tshituha etshi tshisatu mu kahia, nembafule bu mudibo bafula tshiamu tshia argent, nembatete bu mudibo bateta tshiamu tshia or. Nebambikile mu dina dianyi, nembunvuile. Nengambe bianyi ne, Bobo badi bantu banyi; bobo nebambe ne, Yehowa udi Nzambi wetu.

Zekâya 13:9 ပူးပေါင်းရင်းမြစ်များ

2 Samuele 7:24

Wewe kuangata bena Izrayele, bua bashale tshisamba tshiebe kashidi. Maweja-Nangila wewe kushala Mvidi Mukulu wa bena Izrayele.

Yobe 23:10

Kadi Mvidi Mukulu udi mumanye bimpe njila undi ndonda, kuntetaye. Meme kupatuka mu kapia anu bu tshiamu tshia mpawungi tshitoke zezeze.

Yobe 28:1

Bantu mbamanye muaba udibu bumbula tshiamu tshitoke tshia mushinga mukole, miaba idibu basukula tshiamu tshia mpawungi.

Misambu 144:15

Tshisa tshidi ne bintu ebi, tshikale ne disanka! Tshisa tshidi tshitangila Maweja-Nangila bu Mvidi Mukulu watshi, tshikale ne disanka!

Misambu 43:4

Mvidi Mukulu wewe udi disanka dianyi, nensemene ku tshilambuilu tshiebe, nkutumbishe ne lunzenze, bualu wewe ke Mvidi Mukulu wanyi!

Misambu 50:15

Pakukuata dikenga, umbikile nenkusungidile. Nenku neuntumbishe!

Misambu 91:15

Pambikilaye bua kumuambuluisha, nemmuambuluishe, mu dikenga nengikale pabuipi nende, nemmusungidile, nemmutumbishe.

Nsumuinu 17:3

Mpawungi ne tshiamu tshitoke tshia mushinga mukole, badi babiteta mu kapia, kadi Maweja-Nangila udi uteta mushinga udi nawu muntu.

Musambu wa Solomo 2:16

Munanga wanyi, udi amu wanyi meme! Meme kabidi ndi amu wende! Udi upeta biakudia biende, muaba udi bilongu bitoke bivule.

Yeshaya 43:2

Pawapitshila mu mayi, nengikale nebe. Pawasabuka misulu, kuena udiinamu to. Pawikala mupitshile mu kapia, kuena upiamu. Ndimi ya kapia kayena ikosha.

Yeshaya 48:10

Mvua mukutete. Tshiena mukutete mu kapia, bu mudibu bateta tshiamu tshitoke tshia mushinga mukole. Kadi mvua mukupitshishe mu makenga.

Yeshaya 58:9

Panuambikila, nennuitabe. Panudi nulomba diambuluisha, nennuambile ne: “Ndi mfika!” Panudi nulekela kukengesha bantu, panudi nubenga kupetula bakuabu, kubafunkuna munu, kubajana,

Yirmeya 24:5

— Meme Maweja-Nangila Mvidi Mukulu wa Izrayele, ndi bu bantu badi ne disanka dinene padibu batangila bimuma bimpe. Ke mundi ntangila ne disanka bena Yuda badi mu bupika, bamvua mumushe apa bua baye nabu mu Babilone.

Yirmeya 30:22

Nuenu nenuikale tshiakabidi bantu banyi. Meme nengikale Mvidi Mukulu wenu.

Yirmeya 31:33

Kadi Maweja-Nangila udi wamba ne: ndondu indi ntua ne bena Izrayele neikale nenku: Nemfunde mikenji yanyi mu muoyi wabu wa munda. Tshiena nyifunde kabidi pa mabue to. Nenyifunde munda muabu. Nengikale Mvidi Mukulu wabu, bobu nebikale bantu banyi.

Yirmeya 32:38

Nebikale tshiakabidi bantu banyi. Meme nengikale Mvidi Mukulu wabu.

Yirmeya 9:6

Nanku, Maweja-Nangila wa bukole buonsu udi wamba ne: “Ndi musue kubengulula mu kapia. Nembatete mbalengeje. Ke tshindi ne bua kuenzela bantu bena Izrayele, bua tshikisu tshiabu.

Yezekiyele 11:20

Nanku nenukumbaje mikenji imvua munupeshe. Nenulonge meyi anyi, nuakumbaje. Nenuikale bantu banyi. Meme nengikale Mvidi Mukulu wenu.

Yezekiyele 14:11

Nanku bena Izrayele kabakumuka kabidi kundi muaba mule bua kuya kujimina. Kabakupeta kabidi mikiya bua buenzavi buabu bupite bunene. Kadi nebikale bantu banyi, meme nengikale Mvidi Mukulu wabu. Meme Maweja-Nangila Mvidi Mukulu, ndi ngamba malu onsu aa.”

Yezekiyele 20:38

Nengumushe munkatshi muenu bantu bavua bantombokela kabayi bangitaba. Nembumushe mu matunga adibu basombe. Kadi kabena bapingana mu buloba bua Izrayele bua kusombamu to. Nanku nenujadike ne: meme ndi Maweja-Nangila.

Yezekiyele 36:28

Nanku, nenusombe mu ditunga dimvua mupeshe bankambua benu. Nenuikale bantu banyi. Meme nengikale Mvidi Mukulu wenu.

Yezekiyele 37:27

Nensombe munkatshi muenu. Nengikale Mvidi Mukulu wenu. Nuenu nenuikale bantu banyi.

Danyele 11:35

Bantu ba bungi nebafue munkatshi mua bantu ba meji. Lufu luabu nelumbushe mikiya ya bantu. Nelubalengeje, lubatokeshe too ne pafika tshikondu tshia ku nshikidilu wa malu. (Bualu tshikondu tshia ku nshikidilu ki ntshianji kufika.)

Danyele 12:10

Nebumbushe bantu ba bungi mikiya. Nebabatokeshe. Makenga neabalengeje. Bantu babi, badi kabayi mua kujingulula malu, nebatungunuke ne dienza dia malu abu mabi. Kadi bantu ba lungenyi nebajingulule malu adi enzeka.

Lewitiki 26:12

Nengendakane nenu. Meme nengikale Mvidi Mukulu wenu, nuenu nenuikale bantu disanka dinene, nenku mushinga wabu kawena mua kushintuluka to banyi.

Zekâya 10:6

Nenkankamike tshisamba tshia Yuda, nensungidile bena Izrayele. Nembapingaje mu ditunga diabu tshiakabidi, nembaleje mundi mubanange. Nebikale tshiakabidi bu tshikondu tshimvua tshiyi muanji kubabenga. Ndi Maweja-Nangila Mvidi Mukulu wabu, nembapeshe bidibu bandomba.

Zekâya 12:10

Nempeshe ndelanganyi ya Davide, ne bena mu Yerushalayime, muoyi wa luse. Nebantendelele. Nebatangile kundi, bavuluka muntu uvuabu basompole. Nebamudile, bu mudibu badila muana wa balume umue mumane kufua. Nebase miadi mikole, bu mudibu basa miadi padi muanabute mufue.

Zekâya 8:8

Nembumushe ku matunga awu, bua kusombabu mu Yerushalayime. Nebikale bantu banyi, meme nengikale Mvidi Mukulu wabu. Nengikale mukalenga wabu, wa muoyi umue, udi ukosa nsambu pa yoyi.”

Bienzedi 2:21

Kadi muntu yonsu wabila Maweja-Nangila, neapande.”

Ebrewu 8:10

Maweja-Nangila udi wamba ne: ndondu ungatua ne bena Izrayele kunyima kua matuku awu, udi nenku: Nenteke mikenji yanyi mu lungenyi luabu. Nenyifunde mu mioyi yabu. Nengikale Mvidi Mukulu wabu, bobu nebikale bantu banyi.

Yakobe 1:12

Muntu udi ulama ditaba padibu bamuteta, mmuena diakalenga. Yeye mumane kuleja muoyi mukole, neapete nsala wa kalumbandi. Nsala awu ke muoyi udi Mvidi Mukulu mulaye bonsu badi bamunanga.

1 Petro 4:12

Bana hetu basuibue, kanukemi bua diteta dikole didi dinukuata. Ki mbualu bupiabupia budi kabuyi buanji kuenzeka.

Didimanyisha 21:7

Tshidi muntu mua kupeta kundi padiye utshimuna ntshietshi: Nengikale Mvidi Mukulu wende, yeye neikale muananyi.

Didimanyisha 8:10

Ke mutumibue muisatu kuela mpungi. Mutotu munene, uvua utema bu tshimunyi tshia kapia, kukuluka mu diulu. Kuponenawu pa tshia bisatu tshimue tshia misulu ne pa mpokolu ya mayi.

Didimanyisha 8:11

(Dina dia mutotu ewu divua Bululu.) Tshia bisatu tshia mayi kuandamuka mayi a bululu. Bantu ba bungi kufua, bualu bavua banua mayi avua ne lulengu.

Didimanyisha 8:12

Mutumibue muinayi kuela mpungi. Kutuutabu tshia bisatu tshia diba, tshia ngondu, ne tshia mitotu. Nanku tshia bisatu tshia bukenka buabi kujimina. Muvua amu miidima tshia bisatu tshia dituku, ne tshia bisatu tshia butuku kabidi.

Didimanyisha 8:7

Mutumibue wa kumpala kuela mpungi. Mvula wa mabue ne kapia, bisambakana ne mashi, kulokabi pa buloba. Tshia bisatu tshimue tshia buloba, tshia mitshi, ne bisosa bibishi bionsu kupiabi.

Didimanyisha 8:8

Pashishe mutumibue muibidi kuela mpungi. Tshintu tshienza bu mukuna munene utema kapia, kudielatshi mu mayi manene. Tshia bisatu tshia mayi manene kuandamuka mashi.

Didimanyisha 8:9

Tshia bisatu tshia bionsu bidi ne muoyi mu mayi manene kufua. Tshia bisatu tshia majuwa onsu kunyanguka.