Zekâya 13:4 - MUKANDA WA MYIDI MUKULU

⁴ Dituku adi, bambi nebumvue bundu, batshina kuamba malu mu dina dia Mvidi Mukulu, nansha kulonda malu adi Mvidi Mukulu ubaleja. Kabakudinga kabidi bantu, bavuala tshinkutu tshia bambi tshienza ne buoya.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Mu dituku adi baprofete nebakuatshike bundu, muntu ne muntu bua tshikena kumona tshiandi, hambeye mei bu muprofete; kena udiluatshisha ne tshikutu tshia miosa bua kudinga nʼatshi bakuabo.

Zekâya 13:4 ပူးပေါင်းရင်းမြစ်များ

2 Bakalenga 1:8

Kuandamunabu ne: — Uvua muvuale tshilamba tshia miosa ya nyama wa kamelu, musuike mukaba mu tshimonu! Mukalenga Akaziya kuela diyi ne: — Muntu awu mmuambi Eliya, muena Tishebe!

Yeshaya 20:2

Bidimu bisatu kumpala kua dikuata dia tshimenga atshi, Maweja-Nangila kuambila Yeshaya, muana wa Amose, ne: “Vula bilamba bia madilu biudi nabi pambidi, ne bisabata biudi nabi ku makasa ebe.” Yeshaya kuenza nanku. Ukavua wendakana, kayi tshilamba nansha bisabata. Nanku, mu tshikondu tshivuabu bakuate tshimenga tshia Asdode, Maweja-Nangila kuambila muambi Yeshaya bivuaye ne bua kumanyisha bantu ne:

Yirmeya 2:26

Nuenu bena Izrayele: bakalenga ne balombodi ba mu bukalenga, batuangaji ne bambi, matuku makese aa nenuikale ne bundu, bu muivi udibu bajikidila.

Yirmeya 6:15

Bantu aba kabena banyingalala to. Kabena ne bundu nansha bukese bua buenzavi buabu, kabena nansha bamanye kutonda bubi buabu. Nebabutuke pamue ne bantu bakuabu bonsu. Nebajimine musangu umue ne bonsu bandi nnyoka.

Yirmeya 8:9

Bena meji nebafue bundu, nebapampakane padibu babakuata, baya nabu mu bupika. Bu mudibu kabayi bitabe miaku ya Maweja-Nangila. Meji abu neabambuluishe ku tshinyi?

Matayi 3:4

Yowanane uvua uvuala bilamba bia miosa ya nyama wa kamelu, usuika mukaba wa tshiseba mu tshimonu. Uvua udia mpasu ne buitshi bua muitu.

Marke 1:6

Yowanane uvua muvuale tshilamba tshia miosa ya kamelu, ne mukaba wa tshiseba mu tshimonu. Uvua udia mpasu ne buitshi bua muitu.

Ebrewu 11:37

Bavua bashipe bamue ne mabue, bapanda bakuabu ne nsele bipesa bibidi, anyi babashipa ne muele. Bavua baya eku ne eku bavuale biseba bia mikoku anyi bia mbuji. Bavua bapele. Bavua babakengesha, babanyanga bibi.

Didimanyisha 11:3

Meme nentume bajadiki banyi babidi, bavuale bilamba bikayapale. Matuku tshinunu nkama ibidi ne makumi asambombu aa, nebamanyishe bantu bidi Mvidi Mukulu mubambile.