Zekâya 12:7 - MUKANDA WA MYIDI MUKULU

⁷ Maweja-Nangila neadianze kuambuluisha meku a Yuda, bua ndelanganyi ya Davide, ne bena Yerushalayime, kabadimonyi ne: tudi ku mutu kua bena Yuda bakuabu.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Yehowa neadianjile kuhandisha ba mu ntenta ya Bena Yuda, bua butumbi bua tshiota tshia Davidi ne butumbi bua badi bashikame mu Yelushalema kabutambi bua Bena Yuda.

Zekâya 12:7 ပူးပေါင်းရင်းမြစ်များ

Yobe 19:5

Nudi nuditambisha, numpepeja meme. Dikenga dianyi didi dinujadikila mundi muena tshibawu.

Misambu 35:26

Badi basanka bua diakabi dianyi, bundu bubakuate, bupuke lumu! Badi baditambisha, bampepeja, bafue bundu disu tente!

Misambu 38:16

Maweja-Nangila, ndi mutekemene kuudi, Maweja-Nangila, Mvidi Mukulu wanyi, wewe nkayebe neubandamune.

Misambu 55:12

Munda muatshi mudi amu dibutulangana. Dishima ne ditatshishangana bidi miaba yonsu.

Yeshaya 23:9

Amu Maweja-Nangila muena bukole buonsu ke udi mujadike bualu ebu, bua kujikija ditambisha, dia bantu badi badipa lumu, bua kupepeja bantu aba, badibu banemeka pa buloba.

Yirmeya 30:18

Maweja-Nangila udi wamba ne: — Bena meku a Izrayele, nennupingaje mu ditunga dienu! Nemfuile meku enu onsu luse. Nenuasulule bimenga bienu, nenuibakulule nzubu yenu milenga miaba yayi ya kale.

Amosa 9:11

Maweja-Nangila udi wamba ne: “Tshimenga tshia Davide, tshidi bu nzubu mumane kupuka. Kadi dituku dikuabu, nengasulule tshimenga. Nengibakulule bitupa bia tshimana tshiatshi, bivuabu bashimbule mu mvita. Nendongolole nzubu yonsu bimpe, tshimenga tshipete lumu luatshi lua kale.

Zekâya 11:11

Ndondu kunyanguka dituku adi. Bangenda mushinga ba mikoku eyi bavua bantangile. Kujingululabu ne: Maweja-Nangila ke udi utuambila malu ku bidi muambi wenza.

Luke 10:21

Diba adi Yezu kuwula ne disanka dia kudi Mueyelu wa Tshijila, kuamba ne: — Tatu, Mfumu wa diulu ne buloba, ndi nkuela tuasakidila, bualu udi mumanyishe bantu bashadile malu, audi musokoke bena meji, ne bantu bavua balonge mikanda. Eyowa, Tatu, ke muuvua musue ne: bienzeke nanku!

Rome 3:27

Nanku kutshidi tshintu tshidi bantu mua kuditemba natshi anyi? Nansha kakese! Katshienaku nansha tshimue. Katshienaku bua tshinyi? Badi mua kuditemba bua mikenji idi ibafundila mudimu wa kuenza anyi? Nansha kakese! Amu mikenji idi ibafikishaku ditaba ke idi ne bualu.

Yakobe 2:5

Bana hetu basuibue, telejayi: Mvidi Mukulu mmusungule bapele ba panu, bua bikale bena biuma mu ditaba, bapete Bukalenga buvua Mvidi Mukulu mulaye badi bamunanga.

Yakobe 4:6

Kadi bu mudi Mvidi Mukulu utunanga, udi utusankisha kabidi bipite. Ke padi Mikanda ya tshijila yamba ne: “Mvidi Mukulu udi ubenga bena ditambisha, kadi udi wanyisha bapuekele.”