Zekâya 12:4 - MUKANDA WA MYIDI MUKULU

⁴ Dituku adi, nenkuatshishe tubalu tuabu bowa bukole, nempadishe babandi ba pa tubalu ne bowa. Nentabalele bena Yuda, kadi nemfofamije tubalu tua bantu ba bisamba bikuabu. Meme ndi ngamba nanku.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Yehowa udi wamba ne, Mu dituku adi nenkuatshishe kabalu konso ne buowa, nempadishe mubandi wa ha nyima haku. Nembulule mesu anyi kudi Bena Yuda, nenfofomeshe mesu a tubalu tuonso tua ba ha buloba!

Zekâya 12:4 ပူးပေါင်းရင်းမြစ်များ

1 Bakalenga 8:29

Tabala! Tangila nzubu ewu butuku ne munya ne muoyi wa kalolu. Bualu udi mumane kuamba ne: ‘Ke muaba unudi mua kumonangana nanyi. Teleja mundi nkutendelela muaba ewu.

2 Bakalenga 6:14

Mukalenga wa bena Siriya kutuma bena mvita ba bukitu ku Dotane. Bena mvita abu, bavua baye ne matempu a mvita ne nyama ya tubalu. Kufikabu mu tshimenga atshi butuku, kutshinyungulula.

2 Bakalenga 6:18

Kadi, bena mvita ba bena Siriya kusemena pabuipi ne muambi Elisha. Muambi Elisha kutendelela kabidi Maweja-Nangila, wamba ne: — Maweja-Nangila, ufofamije mesu a bena mvita aba. Ke Maweja-Nangila kufofamija mesu abu, bu muvua muambi Elisha mulombe.

2 Kulondolola 6:20

Utabale, ulame nzubu ewu bimpe, butuku ne munya, amu ne muoyi wa kalolu. Bualu uvua mumane kuamba ne: ke muaba undi ndilejila kudi bantu. Teleja mundi nkutendelela mu nzubuemu.

2 Kulondolola 6:40

“Mvidi Mukulu wanyi, tabala! Umvua mundi nkutendelela mpindiewu mu nzubu emu.

2 Kulondolola 7:15

Mpindiewu ndi mbatabalela. Nenteleje ditendelela diabu dionsu didibu bantendelela mu nzubu ewu.

Nehemya 1:6

Maweja-Nangila Mvidi Mukulu, mpindiewu, untangile, unteleje, umvua mundi nkutendelelela, meme muntu webe. Butuku ne munya, ndi anu nkulomba bualu buetu tuetu bena Izrayele, bantu bebe. Ndi nkulomba bua wewe kutufuilaku luse, bua bibi bionsu bitudi benze. Eyowa, meme ne bankambua banyi tudi benza bibi.

Yeshaya 24:21

Dituku adi Maweja-Nangila neanyoke makole a mulu, ne bakalenga badi pa buloba.

Yeshaya 37:17

Maweja-Nangila, telejaku mudi bantu ba mukalenga Senakeribe bakupenda, wewe Mvidi Mukulu wa muoyi! Tangila dikenga ditudi nadi!

Yirmeya 24:6

Eyowa, ndi mbatangila ngunwua luse lua bungi. Nanku, nembapingaje mu ditunga edi. Tshiena musue kabidi kubabutula. Kadi nembafululule. Tshiena musue kubatula ne miji yabu, kadi ndi nkeba mundi mua kubakuna tshiakabidi.

Yezekiyele 38:4

Nenkuele nkanu ku binyanganyanga bua mmone mua kuya nebe kundi musue. Nenkupatule mu ditunga diebe, wewe ne tshiluilu tshiebe tshijima, ne nyama yebe ya tubalu, ne babandi ba pa nyama yebe ya tubalu, badi batuala bimpe, ne bisumbu bia bungi bia bena mvita bebe badi bambula ngabu ne miele ya mvita.

Yezekiyele 39:20

Ku tshibilu tshianyi nenudie minyinyi ya nyama ya tubalu ne ya bantu badi babandapu, ya bena mvita ba bisumbu bishilangane. Nenukute. Meme Maweja-Nangila Mvidi Mukulu, ndi njadika nanku.

Danyele 9:18

Mvidi Mukulu wanyi, teleja, tangila ne ntema. Umone mudi tshimenga tshietu tshibutuke, tshimenga tshidi tshikujidila. Katuena tukusengelela bualu tudi bantu bimpe to, kadi bualu wewe udi ne dinanga dia kashidi.

Zekâya 10:5

Nebikale bilobu. Nebadiate badi babaluisha, bu mudibu badiata bitotshi mu njila. Nebaluangane nanku, bualu Maweja-Nangila udi nabu. Baluishi badi babanda pa tubalu, nebafue bundu.

Zekâya 12:11

Dituku adi, madilu manene neikale mu Yerushalayime, amu bu muvuabu benzela madilu a Adade-Rimone mu tshibandabanda tshia Megido.

Zekâya 12:3

Dituku adi, nengenze Yerushalayime dibue dinene dia bujitu, didi bantu bakeba kuambula. Kadi bonsu badi badiambula nebatapike. Nenku bisamba bionsu bia pa buloba nebidisangishe bua kuluisha Yerushalayime.

Zekâya 12:5

Bamfumu ba bena Yuda nebambilangane ne: “Bena mu Yerushalayime mbapetele bukole kudi Mvidi Mukulu Maweja-Nangila wa bukole buonsu.”

Zekâya 12:6

Dituku adi, nengenze bamfumu ba bena Yuda, bu tshikutu tshia kapia mu ditu, nansha bu tshikunyi tshia kapia muinshi mua bisumbu bia miepu ya ntete ya kuenza bukula. Nebabutule nseke yonsu bisamba bidi bibanyunguluke. Kadi bena mu Yerushalayime nebasombe amu mu tshimenga tshiabu.

Zekâya 14:15

Nyama yonsu idi mu mitanda ya baluishi, tubalu, mpunde, tumelu ne mpunde mikaji, neyipete bipupu bia momumue nebivuabu bakengesha nabi bantu.

Zekâya 9:8

Nendame ditunga dianyi, bua baluishi kabafikimu, muntu nansha umue kakengeshi bantu banyi, bualu mpindiewu ndi mubatabalele.”

Bienzedi 17:30

Mvidi Mukulu kena musue kuvuluka bikondu bivua bantu kabayi bamumanye. Kadi mpindiewu udi ubikila bantu bonsu miaba yonsu, ubalomba bua badilengeje.

Dielulula 28:28

Neanutumine kabidi disama dia mukupa, dia bumfofu ne dia lungenyi lunyanguke.