Zekâya 11:7 - MUKANDA WA MYIDI MUKULU

⁷ Ke meme kushala mulami wa mikoku, ivua bangenda mushinga bakeba kushipa. Nanku meme kuangata makombu abidi. Meme kuinyika dikombu dia kumpala ne: “Bulunda,” dibidi ne: “Bobumue.” Ke meme kulama nawu mikoku bimpe!

Mukanda wa Nzambi Dihungila Dikulukulu ne Dihungila Dihia-dihia 2003

⁷ Nunku nakadisha mikoko yakambabo kushiha, yoyi mene yakadi mihite kunyana. Nakangata milangala ibidi, nakidika mukuabo ne, Diakalengele, nakidika mukuabo ne, Buobumue. Nunku nakadisha mikoko.

Zekâya 11:7 ပူးပေါင်းရင်းမြစ်များ

Misambu 23:4

Nansha mpita mu lupongu lua miidima, tshiena mua kutshina bubi nansha bumue, bualu Maweja-Nangila udi wenda nanyi, undombola, unsungidila ku njiwu, ke bidi binsankisha

Misambu 27:4

Tshimue tshindi njinga menemene, ndomba kudi Maweja-Nangila, se nkusomba mu nzubu wende matuku anyi onsu, nkutumbisha bilenga bidiye mungenzele, nkumanya tshidiye musue.

Misambu 90:17

Maweja-Nangila, Mvidi Mukulu wetu, utuleje muudi umvuangana netu, ufile bipeta bimpe ku midimu yetu.

Yeshaya 11:4

Nealumbuluile bantu badibu bapetula. Neakose tshilumbu tshia bapele ba mu ditunga amu pa tshiotshi. Meji ende adi bu mutshi wa kutekesha nawu bantu ba mu ditunga. Udi ukosa nsambu, ushipesha muena tshibawu.

Yeshaya 40:11

Udi bu mulami wa mikoku, udi usaka mikoku yende. Udi utuma amu tshianza, uyikunguja kaba kamue. Udi wambula bana ba mikoku mu tshiadi tshiende, usaka bitulu bitulu mikoku idi yamusha tuana.”

Yeshaya 61:1

Maweja-Nangila Mvidi Mukulu, mmunguwuje ne Mueyelu wende, bualu mmundabe manyi a tshijila, mmutume bua kumanyisha bapele lumu lua disanka, bua kukolesha ku muoyi badi benda batekete mu maboku, bua kuambila bavuabu baye nabu mu matunga a bende ne: nudi mua kuya kuonsu kunudi basue, ne bua kuambila bena lukanu ne: mbamane kunupatula mu lukanu.

Yirmeya 39:10

Mu ditunga dia bena Yuda kushiyaye amu bantu bapele bavua kabayi ne kantu. Kubabanyinaye mionji ya mvinyo, kubapeshaye ne madimi.

Lewitiki 27:32

Padi muntu ne ngombe, mikoku nansha mbuji, udi ne bua kulambula Maweja-Nangila tshimuna tshimue pa bimuna dikumi.

Mika 7:14

Maweja-Nangila, lombola bantu bebe ne dikombu diebe dia bulami. Badi basomba pa nkayabu, mu buloba budibu kabayi mua kudima, munkatshi mua madimi mimpe adi ku mpenga. Bu muuvua muenze kale, utufikishe mu mpata mimpe ya Bashane, ne mu ditunga dia Ngilaade.

Sefanya 3:12

Nenshiye amu bantu bapuekele ne bapele munkatshi muenu, badi bandomba bua meme kubakuba.

Zekâya 11:14

Pashishe meme kutshibula dikombu dibidi dimvua muinyike dina dia ne: bobumue, bua kushipa buena muntu pankatshi pa bena Yuda ne bena Izrayele.

Zekâya 11:4

Dituku dikuabu, Maweja-Nangila Mvidi Mukulu wanyi kungambila ne: — Ikala mulami wa mikoku idibu bakeba kushipa.

Matayi 11:5

mpofu idi imona, batebuki badi benda, bena nsudi badi bapanda, bena mapapa badi bumvua, bafue badi babika, bapele badi babamanyisha Lumu lua Disanka.

Marke 12:37

Davide mene udi umubikila “Maweja-Nangila.” Mudi Meshiya mua kuikala kabidi wa ku ndelanganyi ya Davide mbishi? Bantu ba bungi bavua bateleja Yezu ne disanka.

Yowanane 10:16

Ndi kabidi ne mikoku mikuabu idi kayiyi mu lupangu elu. Ndi ne bua kuyilombola kabidi. Neyiteleje diyi dianyi. Neyenze tshisumbu amu tshimue, tshikale ne mulami amu umue.

Yakobe 2:5

Bana hetu basuibue, telejayi: Mvidi Mukulu mmusungule bapele ba panu, bua bikale bena biuma mu ditaba, bapete Bukalenga buvua Mvidi Mukulu mulaye badi bamunanga.

1 Samuele 17:40

Ke Davide kuambula dikombu diende. Kuyaye ku muelelu wa musulu bua kuangula nsoka itanu, mifmunuke. Kuyelaye mu nsapu wende wa mulami wa mikoku. Pashishe, kuambulaye ndundu wende munene wa kuela nende nsoka, kuyaye kuvua Ngoliyate.

1 Samuele 17:43

Ngoliyate kuela Davide diyi ne: — Paudi ulua kundi bua kunduisha ne dikombu, udi wela meji ne: meme ndi mbua anyi? Mvidie yonsu ya bena Peleshete ikutshipe!