Zekâya 11:16 - MUKANDA WA MYIDI MUKULU

¹⁶ Bualu ndi musue kutuma mulami mukuabu wa mikoku mu ditunga: kakutangila mikoku idibu bakeba kushipa, kakukeba idi mijimine, kakuondapa idibu batape, kakudisha itshidi mishale ne bukole. Kadi neadie munyinyi wa idi ne manyi; neayiboze bikonu, bua kayinyemi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Mona, ndi ngamba kubisha mulami ha buloba, ne yeye kena umona mikoko idi mijimine, kena ukeba mikoko idi mitangadike, kena ukolesha idi mitahike mputa; kena udisha idi mimane ne bukole, kadi neadie munyinyi wa idi ne manyi, neabande bikono biai bihesa.

Zekâya 11:16 ပူးပေါင်းရင်းမြစ်များ

Genese 31:38

Ndi mukukuatshile mudimu bidimu makumi abidi. Mbuji yebe nansha mikoku yebe kabivua bitula mafu to. Tshivua mudie bimpanga bia ku bimuna biebe.

Genese 33:13

Yakobe kuandamuna ne: — Udi mumanye ne: ndi ne bana bapuekele. Mikoku ne ngombe kabidi bidi ne bana batshidi bamua mabele. Kabiena mua kuenda lukasa lukasa to. Patupu, mu luendu lukole, nansha lua dituku dimue, bidi mua kufua bionsu.

Yeshaya 40:11

Udi bu mulami wa mikoku, udi usaka mikoku yende. Udi utuma amu tshianza, uyikunguja kaba kamue. Udi wambula bana ba mikoku mu tshiadi tshiende, usaka bitulu bitulu mikoku idi yamusha tuana.”

Yirmeya 23:2

Bua balami ba mikoku aba, Maweja-Nangila wa Izrayele udi wamba ne: “Nuvua banyishe bua mikoku yanyi ipambuke, itangalake. Kanuvua nayi ne bualu to. Eyowa, meme ndi musue kununyoka, bualu bulami buenu bua mikoku yanyi mbubi. Meme Maweja-Nangila ndi njadika nanku!

Yirmeya 23:22

Bu bobu babuele mu tshipangu tshianyi, bavua mua kuambila bantu banyi malu onsu amvua muambe. Nanku bavua mua kuambuluisha bantu bua badilengeje.

Yezekiyele 34:10

Meme Maweja-Nangila ndi nnukanyina ne: nennuluishe, nnunyenga bulami bua mikoku yanyi. Kanuakuyikuba kabidi to. Kanuakupetaku tshintu to. Nennunyenge mikoku yanyi mukana muenu. Kayakuikala kabidi tshiakudia tshienu.

Yezekiyele 34:16

Nenkebe mukoku uvua mujimine, nempingaje mu tshikumbi uvua mupambuke, nensuike buanga pa mputa wa uvua mutapike, nemfululule uvua usama. Kadi nembambishe udi ne mafuta mapite bungi, nansha udi ne bukole bua bungi, bua kauyi kutatshisha mikoku mikuabu. Nendame mikoku yanyi anu bimpe.”

Yezekiyele 34:21

Mikoku idi kayiyi ne bukole, nudi nuyisakila ne dikaya nansha ne tshikundukundu. Nudi nuyituta ku nsengu, nuyitangalaja, nuyipata mu tshisumbu.

Danyele 11:36

“Mukalenga neenze mudiye musue. Neaditambishe. Neadimone bu udi ku mutu kua mvidie. Neadiwule Mvidi Mukulu wa mvidie yonsu ne meji mapite bubi. Neakume dikasa dimpe, too ne pamueneka tshiji tshia Mvidi Mukulu. Diba adi, Mvidi Mukulu neakumbaje tshivuaye mupangidi ke.

Yowanane 10:1

— Ndi nnujadikila bulelela ne: muntu udi kayi ubuelela ku tshiibi tshia lupangu lua mikoku, kadi usambukila muaba mukuabu pa tshimana, mmuivi kabidi mmuena mutshima.