Zekâya 11:12 - MUKANDA WA MYIDI MUKULU

¹² Meme kubambila ne: — Panudi bamona ne: mbimpe kumfuta, numfute; tshianana nulekele. Ke bobu kubala nkanu ya tshiamu tshitoke tshia mushinga mukole makumi asatu, kumfuta.

Mukanda wa Nzambi Dihungila Dikulukulu ne Dihungila Dihia-dihia 2003

¹² Nakayambila ne, Bikala bualu ebu buimpe ku mesu kuenu, numpe difutu dianyi; kadi binuamanya ne, Kambimpe, nubulekele. Nunku bakabidikishila bituha bia argent makumi asatu bu difutu dianyi.

Zekâya 11:12 ပူးပေါင်းရင်းမြစ်များ

Matayi 26:15

Kubakonkaye ne: — Nenumpeshe tshinyi pandi mfila Yezu kunudi? Kubalabu nkanu ya tshiamu tshitoke tshia mushinga mukole makumi asatu, kumupeshabu.

Ekesode 21:32

Pikala ngombe mulume mutuute mupika mulume nansha mukaji ku nsengu, nebafute mfumu wa mupika awu nkanu ya tshiamu tshitoke tshia mushinga mukole makumi asatu. Kadi ngombe nebamushipe ku mabue.

Genese 37:28

Pamonubu bangenda mushinga ba bena Madiyane bapita, kupatulabu Yozefe mu tshiina, kumusumbishabu kudi bena Ismayele ku nkanu ya tshiamu tshitoke tshia mushinga mukole makumi abidi. Bena Ismayele kuya nende mu Ejipitu.

Yowanane 13:2

Yezu ne balongi bende bavua mu didia dia dilolu. Diabolu ukavua mumane kuitabijija Yudase muana wa Simone Iskariyote, bua elele Yezu tshitungu.

1 Bakalenga 21:2

Dituku dikuabu, mukalenga Akabe kuambila Nabote ne: — Umpe budimi buebe bua mvinyo ebu, bua meme kuenzamu budimi bua biseki. Bualu budimi ebu budi pabuipi ne nzubu wanyi wa bukalenga. Nenkupe budimi bukuabu bua mvinyo buimpe bupite buebe ebu. Anyi ndi mua kukusumba budimi ebu, pawikala musue.

Matayi 27:9

Nanku miaku ya muambi Yirmeya kukumbanayi ya ne: “Kuangatabu nkanu makumi asatu ya tshiamu tshitoke tshia mushinga mukole (ke mushinga uvua bena Izrayele bumvuangane bua kufuta bualu buende),

Matayi 27:10

kusumbabu nayi budimi bua mufumbi wa ngesu, bu muvua Maweja-Nangila mungambile bua kuenza.”

Genese 23:16

Abrahame kuitaba bivua Efrone muakule, kumubadilaye nkanu bungi buvuaye utela, bana babu bumvue. Nanku kumupeshaye nkanu ya tshiamu tshitoke tshia mushinga mukole nkama inayi, bilondeshile mishinga ya basumbishi ba bintu.

1 Bakalenga 5:6

Mukalenga Shelomu uvua kabidi ne nyama ya tubalu binunu dikumi ne bibidi, kabidi ne bikumbi bikumbane bua kutekamu nyama ya tubalu binunu makumi anayi ivua ikoka matempu ende a mvita.

Yirmeya 32:9

Nanku, meme Yirmeya kusumba budimi bua Anameyele buvua ku Anatote, kufuta nkanu dikumi ne muanda mutekete ya tshiamu tshitoke tshia mushinga mukole.

Malaki 3:5

Mvidi Mukulu wa bukole buonsu udi ujadika ne: “Nemfike munkatshi muenu bua kunulumbuluisha. Nempishe lukasa bantu badi benza malu a majimbu, badi benda tshiendenda, badi baditshipa mitshipu ya dishima, badi babenga kufuta muena mudimu, badi bakengesha bakaji bakamba, bana ba nshiya ne benyi, nansha bonsu badi kabayi bantshina meme.”

Lewitiki 27:4

Bua mukaji nebafute Maweja-Nangila nkanu ya tshiamu tshitoke tshia mushinga mukole makumi asatu.