Zekâya 11:10 - MUKANDA WA MYIDI MUKULU

¹⁰ Meme kuangata dikombu dimvua muinyike dina ne: bulunda, kuditshibula, bua kuupula ndondu uvua Maweja-Nangila mutue ne bisamba bionsu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Nakangata mulangala wanyi, Diakalengele, nekaukosa hankatshi bua kushiha bianyi tshihungidi tshinakahunga ne ba mu bisamba bionso.

Zekâya 11:10 ပူးပေါင်းရင်းမြစ်များ

Misambu 50:2

Mvidi Mukulu udi umueneka, bamunyungulule kudi bukenke, mu Siyone, tshimenga tshipite buimpe.

Misambu 89:39

Kadi wewe udi mubenge mukalenga uuvua mujidile, udi mumulekele, udi mumufikile munda.

Misambu 90:17

Maweja-Nangila, Mvidi Mukulu wetu, utuleje muudi umvuangana netu, ufile bipeta bimpe ku midimu yetu.

Yirmeya 14:21

Kadi, vulukabiuvua mutulaye. Bua lumu lua dina diebe, kupepeji Yerushalayime, tshimenga tshidi ne nkuasa webe wa butumbi.

Yezekiyele 24:21

nuenu bena Izrayele, ne: “Meme Maweja-Nangila Mvidi Mukulu nennyange nzubu wanyi wa tshijila. Nudi nudisua nende, numutangila nusanka. Ke muaba unudi nutekemena bua kupetela muoyi. Nebashipe bana benu ba balume ne ba bakaji banuvua bashiye mu Yerushalayime.

Danyele 9:26

Ku nshikidilu kua bidimu muanda mutekete bivudija misangu makumi asambombu ne ibidi ebi, nebashipe muntu wa tshijila, kakuyi udi umusungidila. Pashishe mfumu mukuabu neafike ne tshiluilu tshiende. Neabutule tshimenga ne muaba wa tshijila. Kadi mfumu ewu neajimine ku tshiji tshia Mvidi Mukulu. Kadi too ne ku lufu luende, nealuangane mvita ya tshinyangu bu muvuabu babijadike.

Osheya 1:9

Maweja-Nangila kuambila Osheya ne: “Muana awu, umuinyike ne: Lowami, mmumue ne: Muenyi. Bualu nuenu bena Izrayele, kanuena kabidi bantu banyi. Meme tshiena kabidi wenu to.”

Zekâya 11:7

Ke meme kushala mulami wa mikoku, ivua bangenda mushinga bakeba kushipa. Nanku meme kuangata makombu abidi. Meme kuinyika dikombu dia kumpala ne: “Bulunda,” dibidi ne: “Bobumue.” Ke meme kulama nawu mikoku bimpe!

Dibadika 14:34

Nuvua batentekele ditunga adi matuku makumi anayi. Nenku, bua bubi buenu, ndi nnunyoke bidimu makumi anayi. Mmumue ne: dituku dimue nedienze tshidimu tshijima tshia tshibawu. Nenujadike ne: ki mbimpe kuntombokela meme Maweja-Nangila to.

Luke 21:32

Ndi nnujadikila bulelela ne: bena lelu kabakuanji kufua, malu onsu aa kaayi menzeke.

1 Samuele 2:30

Bu muudi wenza nanku, teleja tshindi nkuambila, meme Maweja-Nangila Mvidi Mukulu wa bena Izrayele: Mvua mulaya bena nzubu webe ne bena diku diebe, bua bikale batuangaji banyi kashidi. Kadi mpindiewu, ndi nkujadikila ne: kabitshiena nanku to. Meme ndi nnemeka amu bantu badi bannemeka meme. Kadi bantu badi bampepeja, meme nembapepeje.