Zekâya 10:9 - MUKANDA WA MYIDI MUKULU

⁹ Mvua mubatangalaje mu bisamba bikuabu, bu mudibu bamiamina maminu. Kadi nebamvulukile mu matunga a kule. Nanku nebakoleshe bana mu matunga awu, pashishe nebapingane nabu mu ditunga diabu.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Nansha bingikala mubatangalashe munkatshi mua bisamba bia bantu, nebanvuluke mu miaba ya kule; nebakoleshe bana bakalelabo, nebahingane.

Zekâya 10:9 ပူးပေါင်းရင်းမြစ်များ

Nehemya 1:9

Kadi, nuenu bapingane kundi, bakumbaje mikenji yanyi, nansha nuenu mu bupika ku ndekelu kua buloba, meme nennukebe, nnupingaje muaba umvua mumane kusungula bua meme kusomba.’

Estere 8:17

Ku ditunga dionsu, mu tshimenga tshionsu, ne konsu kuvua mukanda ewu ufika, bena Yuda bavue amu ne disanka. Bavua benzeja didia dinene dia tshibilu. Bantu ba bisamba bikuabu bavua babuela mu tshisumbu tshia bena Yuda, bua bowa buvuabu babakuatshisha kudi bena Yuda.

Yeshaya 44:21

“Wewe Izrayele, tshisamba tshia Yakobe, vuluka bimpe ne: Udi muntu wanyi. Ndi mukufuke, bua unkuatshile mudimu. Izrayele, tshiena nkupua muoyi to.

Yeshaya 64:4

Wewe udi wakidila bantu badi benza muudi wewe musue, badi bitaba ku diyi diebe ne disanka, badi bakeba kulonda njila iudi mubaleje. Uvua mufika munda, bualu tuvua bakutombokele. Kadi netupande, patuikala tulonda njila webe utuvua balonde kale.

Yeshaya 65:23

Kabakukuata kabidi midimu amu patupu. Kabakulela kabidi bana, bua bana kufuabu to. Bualu bobu ne bana babu, nebikale bena tshisamba tshindi ngela lupemba.

Yeshaya 65:9

Meme nemvudije bena tshisamba tshia Yakobe, ne bena diku dia Yuda. Bonsu aba bandi musungule, nebasombe pa mikuna yanyi minene, nebapiane ditunga. Bantu badi bandamate nebasemu nzubu yabu.

Yirmeya 31:27

Maweja-Nangila udi wamba ne: Dituku adi, nenguwuje Bukalenga bua Izrayele ne bua Yuda ne bantu, kabidi ne nyama, mudibu bamiamina ntete mu budimi.

Yirmeya 51:50

Nuenu bavua bapambuke mu mvita, umukayi nuye, kanushadi apa nansha. Muaba unuikala awu, nuele meji kudi Maweja-Nangila, mwuluke Yerushalayime.

Yezekiyele 6:9

Nebanwuluke munkatshi mua bisamba mudibu basombela mu bupika. Nebakuluke mumvua mubanyoke, bualu muoyi wabu uvua mumbenge. Bavua banange, batangile anu mvidie ya tshianana. Diba adi nebanyingalale bikole, nebadiwule bua malu mabi avuabu benza.

Osheya 2:23

Maweja-Nangila udi wamba ne: dituku adi nenkumbaje bionsu bidi bantu banyi balomba. Nenkumbaje tshidi diulu dikengela: mvula nealoke pa buloba.

Amosa 9:9

Mpindiewu ndi ntuma diyi: batangalaje bena Izrayele munkatshi mua bisamba bikuabu, bua kubasenga, mudibu basenga ntete, nsoka yonsu mishale mu munyingu.

Mika 5:7

— Bena Izrayele badi bashala ne muoyi munkatshi mua bisamba bia bungi, nebikale ne bukole bu bua nyama wa ntambue munkatshi mua nyama ya muitu, nansha munkatshi mua tshisumbu tshia mikoku. Muaba onsu udiye upita, udi uyikuata, uyisunsula, kakuyi muntu umunyengayi.

Bienzedi 8:1

Shawule uvua muanyishe pende lufu lua Stefane alu. Dituku mene adi, kutuadijabu kukengesha bikole Tshisumbu tshia bena ditaba tshivua mu Yerushalayime. Bena ditaba bonsu kutangalaka. Kuyabu mu buloba bua Yudeya ne bua Samariya. Bapostolu kudishadila.

Bienzedi 8:4

Bantu bavua batangalaka, bavua bendakana miaba yonsu, balongesha Lumu lua Disanka.

Rome 11:24

Wewe muntu wa tshisamba tshikuabu, udi ditamba divua muaba wadi ku mutshi wa olive uvua muitu. Bavua bakose ditamba adi, badilamika ku bukole pa muaba uvua kauyi wadi, ku mutshi wa olive uvuabu bakune mu budimi. Bena Yuda ke matamba avua muaba wawu ku mutshi wa olive uvuabu bakune mu budimi. Nanku mudimu wa kubalamika tshiakabidi ku mutshi ukavua wabu mmutekete menemene.