Zekâya 10:8 - MUKANDA WA MYIDI MUKULU

⁸ Nembikile bantu banyi, nembasangishe pamue, bualu ndi mujadike bua kubapikula. Nebavulangane bungi buvuabu kale.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Nembele muoso, nembasangishe hamue; bualu bua nakubahandisha, nebavulangane bu muakadibo diambedi.

Zekâya 10:8 ပူးပေါင်းရင်းမြစ်များ

1 Bakalenga 4:20

Bena Izrayele ne bena Yuda bavua bungi bu lusenga ludi ku muelelu wa mayi manene, ludi muntu kayi mua kubala. Kadi bavua ne biakudia ne bia kunua bia bungi, basomba anu ne disanka.

Ekesode 1:7

Pashishe ndelanganyi ya bena Izrayele kutanta, kuvulangana kupita bungi mu Ejipitu. Kushalabu bantu ba bukole.

Yeshaya 44:22

Nkadi mukupule buntomboji buebe, ne bilema biebe, bu mudi divuba dipite lubilu, dijimine. Ndi mukupandishi webe. Pingana kundi.”

Yeshaya 48:20

Patukayi mu Babilone. Nyemayi lubilu lukole. Nuele mbila ya disanka, numanyishe bualu ebu, too ne ku nshikidilu kua buloba. Buambayi, bumanyishayi, nuambe ne: “Maweja-Nangila mmuangate bualu bua Izrayele, muntu wende, ne manza abidi.”

Yeshaya 5:26

Maweja-Nangila udi wasa tshimanyinu, ubikila tshisamba tshidi kule. Udi wela monzu ku ntengu ya buloba, mudi muntu ubikila mbua. Monayi tshisamba etshi tshidi tshifuma kule, tshienda lukasa lukasa, tshiambuluja bua kufika!

Yeshaya 51:11

Maweja-Nangila neapikule bantu bende. Bantu abu nebapingane mu Yerushalayime. Nebabuelemu, benda bela bibingu bia disanka. Disanka didi kadiyi dijika nedikenkeshe mpala yabu. Musangelu ne diakalenga ne biuwule mu muoyi wabu tente. Ntatu ne makenga nebijike.

Yeshaya 7:18

Dimue dituku, Maweja-Nangila neele kashiba, abikile njiji ya ku muaba udi musulu wa Nile ubuelela mu mayi manene, ne mbulubulu ya mu ditunga dia bena Ashure.

Yeshaya 7:19

Bishi bionsu ebi nebifike, nebikile mu mbuwa, mu milundu ya mbuebue, mu bipuka bia meba, ne mu bijibajiba bionsu.

Yirmeya 33:22

Nemvudije ndelanganyi ya muntu wanyi Davide ne ndelanganyi ya Levi, badi bangenzela mudimu wa butuangaji. Nebikale bavule bu mitotu ya mulu idibu kabayi mua kubala, nansha bu lusenga ludi ku muelelu wa mayi manene ludi bantu kabayi mua kubala.

Mika 2:12

Maweja-Nangila udi wamba ne: “Nuenu ndelanganyi ya Yakobe, nennusangishe bonsu. Nuenu badi bashale ne muoyi mu Izrayele, nennukunguje. Nennusangishe muaba umue, bu mikoku mu lupangu luayi, bu tshisumbu tshia nyama mu mpata. Nennuenze tshisumbu tshimue tshia bantu bavule.

Zekâya 9:11

Maweja-Nangila udi wamba ne: “Bualu bua ndondu undi mutue nenu, udi mashi a nyama ya milambu mashindike, nempikule bana benu badi mu lukanu, badi basomba mu bupika bu mu tshina katshiyi ne mayi.

Matayi 11:28

Vuayi kundi, nuenu bonsu badi bapungile ne bujitu bunudi nuambula. Meme nelumpeteshe dikisha.

Didimanyisha 22:17

Mueyelu wa Tshijila, ne Mukaji udi ubuela mu dibaka, badi bamba ne: “Luaku!” Udi mumvue muaku ewu, ambe kabidi ne: “Luaku!” Muntu udi ne nyota, asemene pabuipi. Muntu udi ujinga kunua mayi a muoyi, nebamupewu tshianana.

Didimanyisha 7:9

Malu aa mamane kupita, meme kutangila kabidi, kumona bantu bapite bungi, kabayi kubala. Bavua ba mu matunga onsu, ba meku onsu, ba bisamba bionsu, ne ba miakulu yonsu. Bavua bimane kumpala kua nkuasa wa butumbi, ne kumpala kua Muana wa mukoku, bavuale mintumpu mitoke, bakuate malala mu tshianza.