Zekâya 10:3 - MUKANDA WA MYIDI MUKULU

³ “Balami ba bisamba bikuabu, badi balombola bantu banyi, babakengesha, ndi mubafikile munda; nembanyoke. Eyo, meme Maweja-Nangila wa bukole buonsu, ndi ngamba nanku. Meme nkayanyi nendame mikoku yanyi, tshisamba tshia bena Yuda. Nenye natshi mu mvita, bu kabalu kanyi kadi katshimuna.

Mukanda wa Nzambi Dihungila Dikulukulu ne Dihungila Dihia-dihia 2003

³ Tshiji tshianyi tshidi kudi balami, nenkengeshe balombodi; bualu bua Yehowa wa misumba udi ulama mikoko yandi, Bena Yuda mene, neabavuishe bu kabalu kandi ka lumu mu nvita.

Zekâya 10:3 ပူးပေါင်းရင်းမြစ်များ

Yobe 39:25

Diba didi mpungi udila, kadi kela muadi katshidi kule. Kakadi kumvua mupuya wa mvita, ne mbila idi balombodi ba mvita ne bantu babu bela.

Ekesode 4:31

Bantu bamona nanku, kuitababu. Kujadikabu ne: Maweja-Nangila wamonyi makenga etu, watusambi. Kutuabu binu panshi bua kumutendelela.

Nsumuinu 21:31

Badi bavuadika nyama ya tubalu bia kuluangana nabi, bua kuya mu mvita. Kadi anu Maweja-Nangila ke udi utshimuna.

Musambu wa Solomo 1:9

Munanga wanyi, ndi nkufuanyikija ne nyama muimpe wa kabalu mukaji, udi ukoka ditempu dia lumu dia mukalenga wa bena Ejipitu.

Yeshaya 10:12

Pikala Maweja-Nangila mumane kujikija mudimu wende pa mukuna wa Siyone ne mu Yerushalayime, neanyoke kabidi mukalenga wa bena Ashure, bualu udi uditambisha, upepeja bantu bakuabu.

Yeshaya 24:21

Dituku adi Maweja-Nangila neanyoke makole a mulu, ne bakalenga badi pa buloba.

Yirmeya 10:21

Balombodi betu mbenze tshilema. Bavua bu bantu ba bidingidingi. Kabena bakonka Maweja-Nangila malu. Ke muvuabu bapange malu bikole. Ke muvuabu batangalaje bana betu bena tshisamba tshietu bonsu.

Yirmeya 11:22

Nanku, Maweja-Nangila udi wandamuna ne: “Nennunyoke. Bansongalume benu nebafue mu mvita. Tshiyole tshia nzala netshishipe bana benu ba balume ne ba bakaji.

Yirmeya 25:12

Maweja-Nangila udi wamba kabidi ne: Pajika bidimu bionsu makumi muanda mutekete ebi, nentangile tshibawu tshia Nebukadnesare, mukalenga wa bena Babilone, ne tshia bantu bende. Nenyoke ditunga diabu. Nedishale kashidi tshipela tshienza bowa.

Yirmeya 25:34

Asayi muadi, elayi nshiba, nuenu balombodi ba bantu. Nubunguluke panshi mu lupuishi, nuenu balami ba bantu. Bualu matuku akumbanyi a nuenu kuya ku tshishipelu. Nebanushipe mudibu bashipe bimpanga bimpe.

Yirmeya 50:6

Bantu banyi bavua bu tshisumbu tshia mikoku mipambuke. Balami bayi ke bavua bayipambuishe. Ke bavua bayilekelela, itambakana eku ne eku pa mikuna, kayiyi ivuluka kabidi lupangu luayi.

Yezekiyele 34:11

“Meme Maweja-Nangila ndi ngamba ne: biangatshile mpindiewu, meme nkayanyi nendiangatshile bulami bua mikoku yanyi.

Yezekiyele 34:12

Nenyisangishe muaba umue amu bu mudi mulami wenza padi mikoku yende mitangalake. Nennye kukeba mikoku yanyi miaba yonsu ivuayi numuangalake dituku dia tshipepele tshikole.

Yezekiyele 34:2

— Muntu, kanyina bamfumu ba bena Izrayele, ubamanyishe mikanu indi mbakanyina nayi meme Maweja-Nangila. Ndi mbambila ne: “Nuenu balami ba mikoku ba bena Izrayele, nudi bena diakabi. Nudi badivuluke amu nuenu nkayenu! Balami kabena ne bua kudisha mikoku anyi?

Danyele 11:32

Mukalenga ewu nkayende, ne miaku yende ya lubombu, neafikishe bantu ku dishipa dia ndondu. Kadi bantu bonsu badi bitaba Mvidi Mukulu ne muoyi umue, nebashindame mu malu adibu benza.

Sefanya 1:8

Maweja-Nangila udi wamba ne: “Dituku didibu balambula mulambu, nennyoke bakalenga ba matunga, bamfumu, ne bonsu badi bavuala mvuadilu wa bantu benyi.

Sefanya 2:7

Bena Yuda badi bashale ne muoyi, nebakuate ditunga dienu. Nebadishilemu bisumbu bia nyama yabu. Butuku nebaye kulala mu nzubu ya mu Askalone. Maweja-Nangila Mvidi Mukulu wabu neabenzele bimpe, neakudimune dikenga diabu, dienza disanka.

Zekâya 11:17

Mulami mutshimbakane udi ushiya mikoku yende, mmuena diakabi. Mvita ibutule bukole budi mu maboku ende, ishipe mesu ende, diboku diende ndiedi diuminyine, disu diende dia balume kadiakumona to!

Luke 1:68

— Maweja-Nangila Mvidi Mukulu wa bena Izrayele atumbe! mMuvue kusamba ne kupikula bantu bende.

1 Petro 2:12

Nuenze malu mimpe munkatshi mua bantu ba bisamba bikuabu. Nanku nansha bobu banushiminyina ne: nudi benji ba malu mabi, pafika Mvidi Mukulu nebajingulule malu enu mimpe. Diba adi nebatumbishe Mvidi Mukulu.

Rute 1:6

Patshivuabu mu Mowabe, Nowemi kumvua ne: Maweja-Nangila mmutuadije kutabalela bena tshisamba tshiabu, mubavudijile biakudia mu madimi. Nanku, kudilongololaye bua kumuka mu buloba bua Mowabe ne bakaji ba bana bende, kupingana mu buloba bua Yuda.