Zekâya 10:2 - MUKANDA WA MYIDI MUKULU

² Mvidie inudi nukonka malu, idi inuambila malu a dishima. Batempi ba mbuku badi banudinga, bilota bidibu bawilangana bidi bia patupu. Badi basamba bantu ne miaku ya patupu. Ke pavua bantu balalakana, bu mikoku idi ikenga, kayiyi ne mulami.

Mukanda wa Nzambi Dihungila Dikulukulu ne Dihungila Dihia-dihia 2003

² Bualu bua mpingu ya telafima idi yamba mei a hatuhu, batempi ba mbuku badi batempa ne mashimi; badi balota bilota badi bawilangana bilota bia mashimi, badi basambangana ne busambi hua tshianana. Bua malu â bantu badi batatakana bu mikoko, badi bakenga kabayi ne mulami.

Zekâya 10:2 ပူးပေါင်းရင်းမြစ်များ

Genese 31:19

Kadi pavua Labane muye kukosa miosa ya mikoku yende, Rakele kuiba mpingu ileja mvidie ivua bena diku dia tatuende Labane batendelela.

1 Bakalenga 22:17

Ke muambi Mika kumuambila ne: — Ndi mumone bena Izrayele. Bonsu mbamuangalake mu mikuna. Bu mudi tshisumbu tshia mikoku katshiyi ne mulami. Kabidi Maweja-Nangila udi wamba ne: “Bena Izrayele kabatshiena ne mfumu to. Muntu yonsu apingane ku nzubu kuende talala.”

Yobe 13:4

Kadi nuenu bu munudi nupanga kufila meji, nudi nufuikakaja malu a dishima. Nudi bu baminganga badi kabayi mua kuondapa muntu.

Yobe 21:34

Nuenu munudi basue kunsamba ne miaku ya bupale mbishi? Bionsu binudi nuamba bidi patupu, bidi anu bua kudinga bantu.

Yeshaya 41:29

Bonsu buabu badi tshianana. Bidibu benza bidi patupu. Mvidie yabu idi lupepele, kayiyi ne bukole nansha bukese.

Yeshaya 44:25

Kadi mpindiewu malu onsu, adi bena mbuku bamba, ndi ngakudimuna a patupu. Bonsu badi bamanyisha malu atshidi kumpala, ndi mbapangisha malu abu. Ndi mbenga meji a bena meji, ndi ndeja mudi meji abu a bantu batshimbakane.

Yeshaya 44:9

Bantu bonsu badi benza mpingu, bayitendelela, mbantu tshianana. Bintu biabu bidibu banange, kabiena bibambuluisha nansha kakese. Wewe muebeje batendeledi ba mvidie, bivua mvidie yabu yenza, nebafue bundu. Bualu ki mbanji kumona, ki mbanji kumvua, bualu buvua mvidie wabu muenze.

Yeshaya 46:5

Nenumfuanyikije ne nganyi? Nenungidikije ne nganyi? Nenumfuanyikije ne nganyi, bua tuetu kufuanangana nende?

Yirmeya 10:8

Bantu bonsu badi anu bidingidingi. Tshidi mvidie ya mitshi mua kubalongesha ntshinyi?

Yirmeya 14:13

Ke meme kuandamuna ne: — Eyi Maweja-Nangila Mvidi Mukulu, bambi badi babambila ne: “Kanuakuikala ne mvita nansha tshiyole tshia nzala to. Bualu Mvidi Mukulu mmunulaye ne: nenusombe anu talalaa mu ditunga dienu.”

Yirmeya 14:22

Ku mvidie yonsu ya patupu ya pa buloba, udi mua kulokesha mvula mvidie kaayi? Tshibuashibuashi nkayatshi katshiena mua kulokesha mvula, kadi amu wewe Maweja-Nangila. Mvidi Mukulu wetu, tudi bakutekemena, bualu amu wewe ngudi wenza malu onsu.

Yirmeya 23:17

Bantu badi baseka tshindi ngamba, bambi badi ne dikamakama dia kubambila ne: ‘Bionsu nebiende amu bimpe.’ Bantu batshimbakane badi batungunuka ne tshitunu tshiabu, bambi badi babambila ne: ‘Dikenga kadiakunukuata to.’

Yirmeya 23:32

Ndi nduisha bambi badi bamba malu avuabu bamone mu ndota, bapambuisha bantu banyi, babadinga. Meme tshiena mubapeshe mudimu nansha umue, tshiena mubelele mukenji nansha umue. Kabena bambuluisha bantu banyi. Meme Maweja-Nangila ndi ngamba nanku.

Yirmeya 27:10

Badi banudinga. Nuenu babateleje, nebaye nenu muaba mule. Nennuipate mu buloba buenu, nennubutule.

Yirmeya 27:14

Kanuteleji bambi badi banuambila ne: kanuena mua kuenzela mukalenga wa mu Babilone mudimu to. Badi banudinga.

Yirmeya 27:9

Nanku, nuenu kanuteleji bambi benu to. Kanuteleji batshidi banuambila malu adi kumpala, banudinga ne: ke atuvua bamone mu ndota, mu mbuku, ne mu majimbu. Bualu bonsu badi banuambila ne: Kanuitabi ku diyi dia mukalenga wa Babilone.

Yirmeya 28:15

Pashishe, Yirmeya kuambila muambi Ananiya ne: — Ananiya, teleja bimpe. Maweja-Nangila kena mukutume to. Wewe udi usaka bantu aba bua bitabe malu a dishima.

Yirmeya 29:8

“Maweja-Nangila wa bukole buonsu, Mvidi Mukulu wa Izrayele, udi wamba kabidi ne: Kanuitabi malu a dishima adi bambi ba munkatshi muenu bamba, nansha malu adibu banuambila kudi bantu bua matuku atshidi kumpala. Kanuitabi badi banumvuija ndota yenu.

Yirmeya 37:19

Bambi benu bavua banuambila ne: mukalenga wa mu Babilone kena ubuela mu ditunga edi bua kunuluisha, wewe ne bena ditunga edi, lelu badi penyi?

Yirmeya 50:17

Bena Izrayele bavua bu mikoku mipambuke, ivua nyama ya ntambue ipatshila. Mukalenga wa bena Ashure uvua wa kumpala, uvua muyidie. Pashishe, Nebukadnesare, mukalenga wa bena Babilone, uvua muyitshibule mifuba.

Yirmeya 51:23

Meme kushipa nebe balami ba mikoku ne mikoku yabu, babidime ne nyama ivuabu badima nayi, balombodi ba ditunga ne bamfumu bakuabu.

Yirmeya 6:14

Dikenga dia bantu banyi bena Izrayele kadiena ditanda bantu aba to. Badi bamba ne: “Kakuena bualu to, malu onsu adi amu mimpe.” Eku malu onsu mmamane kunyanguka.

Yirmeya 8:11

Dikenga dia bantu banyi bena Izrayele, kadiena ditonda bantu aba to. Badi bambila bena Izrayele ne: “Kakuena bualu to. Malu onsu adi mimpe”, eku malu onsu mamane kunyanguka.

Muadi 2:14

Bambi bebe mbakuambile anu meyi a dishima ne a tshianana. Kabavua bakusokoluela bubi buebe. Bualu ebu ke buvua mua kukudimuna dikenga diebe. Meyi avuabu bakuambile avua anu a dishima a kukudinga nawu.

Yezekiyele 21:21

Wewe muele mutue, ushipe bantu ku dia balume, ubashipe ku dia bakaji, ubashipe nseke yonsu!

Yezekiyele 21:29

Ke pandi meme Maweja-Nangila mbambila ne: “Nudi numvuluija bubi buenu matuku onsu, ku malu mabi anudi nuenza patoke. Malu onsu anudi nuenza, adi amvuluija munudi bena tshibawu. Nanku, bu munudi kanuyi basue kudilengeja, nenubuele mu bianza bia baluishi!

Yezekiyele 34:5

Nanku mikoku kupanga mulami, kutangalaka. Kuyikuatabu, kuyidiabu kudi nyama ya muitu.

Yezekiyele 34:8

meme Maweja-Nangila udi ne muoyi ndi nnuambila ne: bidi bintonda pandi mmona mikoku yanyi mu bianza bia bivi. Bu mudiyi kayiyi ne bayilami, ikadi tshiakudia tshia nyama ya ditu. Bualu balami kabena baditatshisha bua mikoku yanyi to. Pa mutu pa kuyikeba bimpe, badi badivuluka amu bobu nkayabu.

Osheya 3:4

Nanku, bena Izrayele nebashale matuku a bungi kabayi ne mukalenga, kabayi ne bamfumu, kabayi ne milambu, nansha makunji a tshijila, kabayi kabidi ne binta bionsu bidi biambuluisha bua kumanya disua dia Mvidi Mukulu.

Mika 2:12

Maweja-Nangila udi wamba ne: “Nuenu ndelanganyi ya Yakobe, nennusangishe bonsu. Nuenu badi bashale ne muoyi mu Izrayele, nennukunguje. Nennusangishe muaba umue, bu mikoku mu lupangu luayi, bu tshisumbu tshia nyama mu mpata. Nennuenze tshisumbu tshimue tshia bantu bavule.

Abakuke 2:18

Mpingu inudi badienzele bua kutendelela nwidie, neyinuambuluishe ku tshinyi? Idi amu bintu binudi nusonga, nansha nufula, kabiyi biakula, bidinga bantu. Mudibi mua kunuambuluisha mbishi?

Zekâya 11:17

Mulami mutshimbakane udi ushiya mikoku yende, mmuena diakabi. Mvita ibutule bukole budi mu maboku ende, ishipe mesu ende, diboku diende ndiedi diuminyine, disu diende dia balume kadiakumona to!

Dibadika 27:17

udi mua kubalombola miaba yonsu, bua bantu bebe kabikadi bu mikoku idi kayiyi ne muyilami.

Matayi 9:36

Ke Yezu kumvua luse bua bungi bua bantu bavuaye mumone, bualu bavua bapungile, bakengakana, bu mikoku idi kayiyi ne mulami.

Marke 6:34

Padi Yezu upatuka mu buatu, kumonaye bantu bavule. Kubumvuilaye luse, bualu bavua bu mikoku idi kayiyi ne mulami. Kubangaye kubalongesha malu a bungi mutantshi mule.

Dielulula 13:2

Dituku dikuabu, pikala muambi nansha muntu udi Mvidi Mukulu uleja malu munumuenekela, nnumanyisha tshishima,

Balombodi 18:14

Bena mvita batanu bavwa bamane kutentekela buloba bua Layishe, kuambilabu balunda babu ne: — Numanye ne: ku nzubu eyi, kudi nzubu mukuabu muikale ne lupingu, ne bintu bia kubuka nabi. Mudi kabidi lupingu lukuabu lua tshiamu tshienguluke. Nuenu nkayenu nujadike tshinudi ne bua kuenza.