Zekâya 10:12 - MUKANDA WA MYIDI MUKULU

¹² Nenkankamike bantu banyi, nebenze amu malu adi andengelela. Meme Maweja-Nangila, ndi ngamba nanku.”

Mukanda wa Nzambi Dihungila Dikulukulu ne Dihungila Dihia-dihia 2003

¹² Yehowa udi wamba ne, Nembakoleshe mu Yehowa, nebatumbile mu dina dianyi.

Zekâya 10:12 ပူးပေါင်းရင်းမြစ်များ

Genese 24:40

Mfumuanyi Abrahame kungandamuna ne: “Maweja-Nangila undi mvuluka matuku onsu, neakuendeshe diakalenga. Mutumibue wende neakulombole. Neakuleje nsongakaji wa mu tshisamba tshietu, mu diku dia tatu wanyi, uudi mua kuselela muananyi.

Genese 5:24

Yeye mumane kudisanga ne Mvidi Mukulu nanku, Mvidi Mukulu kumuambula, kuya nende, Enoke kayi umueneka kabidi pa buloba to.

Yeshaya 2:5

Nuenu, ndelanganyi ya Yakobe, vuayi, tuende bonsu pamue, mu butoke bua Maweja-Nangila.

Yeshaya 41:10

Mpindiewu, lekela kutshina, bualu ndi nebe. Lekela kukenzakana nseke yonsu ne dipampakana, bualu meme ndi Mvidi Mukulu webe. Ndi mufike bua kukukolesha ku muoyi. Ndi mufike bua kukuambuluisha. Ndi nkulama. Udi mu tshianza tshianyi tshia bukole.

Yeshaya 45:24

Nebambe ne: “Amu kudi Maweja-Nangila nkayende, ke kutudi tupeta bukole, ke kutudi mua kutshimuna.” Bonsu bavua banduishe, nebafike kundi ne bundu.

Yezekiyele 30:24

Nemvudije Bukole bua mukalenga wa mu Babilone. Nemmupeshe muele wanyi mu bianza. Mukalenga wa bena Ejipitu undi mutshibule diboku, neatue mikemu, padiye ufua muluishi wende mutangile.

Mika 4:5

Muntu yonsu mu tshisamba tshiende, udi ukeba kusankisha mvidie yende. Kadi tuetu tudi tukeba kusankisha Maweja-Nangila Mvidi Mukulu wetu tshiendelele.

Zekâya 10:6

Nenkankamike tshisamba tshia Yuda, nensungidile bena Izrayele. Nembapingaje mu ditunga diabu tshiakabidi, nembaleje mundi mubanange. Nebikale tshiakabidi bu tshikondu tshimvua tshiyi muanji kubabenga. Ndi Maweja-Nangila Mvidi Mukulu wabu, nembapeshe bidibu bandomba.

Zekâya 12:5

Bamfumu ba bena Yuda nebambilangane ne: “Bena mu Yerushalayime mbapetele bukole kudi Mvidi Mukulu Maweja-Nangila wa bukole buonsu.”

Efeze 6:10

Nanku, kebayi bukole pa kudisanga ne Mfumu, bualu buende mbupite!

Filipe 4:13

Bu mudi Kristu unkolesha, ndi mua kupitshila mu bionsu amu bimpe.

Kolose 2:6

Nenku panudi bamane kuitaba Yezu Kristu bu Mfumu, nudisange nende.

Kolose 3:17

Bionsu binudi nuenza, nansha binudi nuamba, nubikumbaje mu dina dia Yezu Kristu. Nuele amu kuela Mvidi Mukulu tuasakidila kudiye.

1 Tesalonike 2:12

Tuvua banukoleshe mu maboku, banubele. Tuvua banusengelele bikole, bua nuenze amu bidi Mvidi Mukulu musue. Yeye udi unubikila, bua nupete butumbi mu Bukalenga buende.

1 Tesalonike 4:1

Bana hetu, tuvua banulongeshe binudi ne bua kuenza, bua nusankishe Mvidi Mukulu. Bushuwa nukadi nuenza nanku. Kadi mpindiewu tudi Umulomba, tunusengelela mu dina dia Mfumu Yezu ne: nuenze nupitshishe.

2 Timote 2:1

Muananyi, utantamane mu dinanga dia Mvidi Mukulu ditudi nadi patudi tudisanga ne Yezu Kristu.