Zekâya 10:10 - MUKANDA WA MYIDI MUKULU

¹⁰ Nembumushe mu ditunga dia Ejipitu ne dia bena Ashure, nembapingaje kuabu, nenye nabu mu ditunga dia Ngilaade ne dia Lebanone. Kadi nansha mu matunga awu, kabakupeta muaba mukumbane.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Nendue nʼabo kabidi bafume mu buloba bua Ejipitu, nembasangishe hamue, nembaluhule bafume mu buloba bua Ashû; nendue nʼabo mu buloba bua Gilada ne bua Lebanona, ne kabena basanganamu muaba wa kubateka.

Zekâya 10:10 ပူးပေါင်းရင်းမြစ်များ

Yeshaya 60:22

Mu tshiota tshikese, nemuikale bantu tshinunu. Tshiota tshishadile ku bionsu, netshidiunde, tshienze tshisamba tshinene. Ke tshindi ngenza lukasa meme Maweja-Nangila, pakumbana tshikondu.

Yirmeya 22:6

Bua nzubu wa bukalenga bua bena Yuda, Maweja-Nangila udi wamba ne: Nansha meme musakidile nzubu wa bukalenga ewu, mumumone muakane, amu bu mundi nsankidila metu a Ngilaade, nansha nsongu ya mikuna ya Lebanone, ndi nditshipa ne: nzubu ewu neashale tshipela, muaba udi bantu kabayi basombe.

Yirmeya 50:19

Kadi nempingaje bena Izrayele mu lupangu luabu. Nebapete biakudia bivule mu mpata mimpe, pa mukuna wa Karmele ne mu mpata ya Bashane, pa mukuna wa Efrayime ne mu ditunga dia Ngilaade. Kabakupanga tshintu to.

Osheya 11:10

Bena tshimuangi nebalonde Maweja-Nangila. Yeye udi udila bu nyama wa ntambue. Padiye udila, bana bende badi bafika, benda bazakala, batumina dishiya dia mayi manene.

Osheya 11:11

Nebafumine kabidi ku Ejipitu bu mudi nyunyi ya mishamisha, ne ku bena Ashure, bu mudi tshisaku tshia nyunyi ya nkudimba. “Nembapingaje mu ditunga diabu.” Ke mudi Maweja-Nangila wamba nanku.

Obadya 1:20

Bena Izrayele ba ku mutu wa ditunga bayua bumuke mu bupika, bungi bu tshiluilu tshia bushiwa, nebakuate ditunga dia Fenisiya too ne tshimenga tshia Sarepta. Bena Yerushalayime bavua mu bupika mu Sefarade, nebakuate bimenga bia kuinshi mu ditunga.

Mika 7:14

Maweja-Nangila, lombola bantu bebe ne dikombu diebe dia bulami. Badi basomba pa nkayabu, mu buloba budibu kabayi mua kudima, munkatshi mua madimi mimpe adi ku mpenga. Bu muuvua muenze kale, utufikishe mu mpata mimpe ya Bashane, ne mu ditunga dia Ngilaade.

Zekâya 8:7

Ndi nnulaya ne: neusungidile bantu banyi, badi mu bupika mu matunga a kudi diba dipatukila ne kudidi dibuelela.

Zekâya 8:8

Nembumushe ku matunga awu, bua kusombabu mu Yerushalayime. Nebikale bantu banyi, meme nengikale Mvidi Mukulu wabu. Nengikale mukalenga wabu, wa muoyi umue, udi ukosa nsambu pa yoyi.”