Zekâya 1:8 - MUKANDA WA MYIDI MUKULU

⁸ Butuku ebu Maweja-Nangila kundeja muntu mubande pa kabalu kakunze. Muntu awu uvua munkatshi mua mitshi ya mirte, ivua muinshi mu tshibandabanda. Tubalu tukuabu tukunze, tua mubidi wa lubundubundu, ne tutoke, tuvua mu nyima muende.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bufuku abu nakamona, ne tangilai, muntu wenda ha nyima ha kabalu kakunze; wakadi muimane munkatshi mua mitshi ya myrtres mu muaba wa dileshi, ne ku nyima kuandi kuakadi tubalu: tukunze, tukunzubile ne tutoke.

Zekâya 1:8 ပူးပေါင်းရင်းမြစ်များ

Genese 20:3

Butuku abu, Mvidi Mukulu kumuenekela Abimeleke mu tshilota, kumutandisha ne: — Wewe udi mudikebele lufu bua mukaji wa bende uudi munyenge ku bukole.

Genese 46:2

Butuku abu Mvidi Mukulu kumumuenekela, umuleja malu. Kumubikilaye ne: — Yakobe, Yakobe! Yeye kuitaba ne: — Ke meme ewu.

1 Bakalenga 3:5

Patshivua Shelomu ku Ngibone, Maweja-Nangila Mvidi Mukulu kumumuenekela butuku mu tshilota, umukonka ne: — Udi musue nkupeshe tshinyi? Lomba tshintu tshiudi musue bua meme kukupa!

Nehemya 8:15

Bavua bamanyisha bualu bua tshibilu etshi mu bimenga bionsu too ne mu Yerushalayime. Bavua balomba bua bantu bonsu baye ku mikuna, bambule kabidi matamba a mitshi ya olive ya ku nzubu yabu, nansha ya mu tshisuku, nansha malala a mabue. Bambule kabidi matamba a mitshi mikuabu ya mabeji a bungi, bua bamone mua kuasa tuzubu tua bisasa.

Yobe 4:13

Bivua amu bu tshilota tshidi tshiluila bantu butuku, tshinyanga tulu tukole tuvuabu natu.

Musambu wa Solomo 2:16

Munanga wanyi, udi amu wanyi meme! Meme kabidi ndi amu wende! Udi upeta biakudia biende, muaba udi bilongu bitoke bivule.

Musambu wa Solomo 6:2

Munanga wanyi mmuye mu lupangu luende, mudi mabula makuna bilongu binunka bimpe; mmuye kudishilamu bimuna, kutulamu bilongu bitoke.

Yeshaya 41:19

Nenkune mu tshipela mitshi ya sedre ne ndunga, mitshi ya mirte ne ya olive. Mu ditunga divua kadiyi mayi, nenkunemu mitshi ya siprese, mitshi ya pine ne mikuabu kabidi.

Yeshaya 55:13

Mitshi ya siprese neitoloke miaba ivua mitshi ya meba. Mutshi wa mirte neutoloke pavua mingonga. Bantu nebatumbishe Maweja-Nangila. Ke mudibu mua kuvuluka kashidi, bivua Maweja-Nangila munuenzele.

Yeshaya 57:15

Udi ku mutu kua bintu bionsu, udi usomba mu nzubu wa kashidi, udibu binyika ne: Wa Tshijila, ke yeye udi wamba ne: “Meme Mvidi Mukulu wa tshijila, ndi nsomba mulu. Kadi ndi ngenda kabidi ne bantu badi mu makenga, badi ne muoyi wa bupuekele. Nanku nempingajile muena bupuekele muoyi, nempingajile mukengi disanka.

Danyele 2:19

Nenku butuku, Mvidi Mukulu kulotesha Daniyele tshilota, kumujinguluila tshia mukalenga. Ke Daniyele kutumbisha Mvidi Mukulu wa mu diulu,

Danyele 7:13

“Mvua ntangila amu kutangila malu avua Mvidi Mukulu undeja butuku: Meme kumona tshintu tshifuanangane ne muntu, ufumina mu mavuba a mu diulu. Kusemenaye mutangile kuvua mununu, kuvuabu bamufila.

Danyele 7:2

“Butuku mvua mumone Mvidi Mukulu undeja lupepele lufumina ku ntengu inayi ya buloba, lupepa pa mayi manene.

Zekâya 1:10

Ke muntu uvua mu mitshi ya mine, kungambila ne: — Maweja-Nangila mmutume bantu aba bua baye kutentekela buloba bujima.

Zekâya 1:11

Ke bantu bawa babande pa tubalu kuambila mutumibue wa Maweja-Nangila ne: — Tudi bendakane buloba bujima. Katuena basangana bantu balubakana to; bonsu badi basomba talalaa.

Zekâya 1:7

Daryaveshe uvua mumane kushala mu bukalenga bidimu bibidi. Mu matuku makumi abidi ne anayi a ngondu wa dikumi ne umue, udibu binyika ne: ngondu wa Shebate, Maweja-Nangila uvua muleje muambi Zekarya, muana wa Berekiya, ne muikulu wa Ido, malu. Zekarya uvua wamba ne:

Zekâya 13:7

Maweja-Nangila wa bukole buonsu udi wamba ne: “Muele wa myita, utape mulami wa mikoku, utuvua tukuata nende mudimu; ushipe mulami wa mikoku, mikoku neitangalake, meme mene nenduishe bana bayi.”

Dibadika 12:6

Maweja-Nangila kubambila ne: — Nuteleje bimpe tshindi nnuambila. Pikala muntu wa kunudi muambi, meme Maweja-Nangila nendimanyishe kudiye, mmuleje malu mu lungenyi, nansha mu tshilota.

Yoshua 5:13

Dituku dikuabu, Yoshuwa uvua pabuipi ne Yeriko. Diakamue kumonaye muntu muimane kumpala kuende. Muntu awu uvua ne muele mupatula mu tshibubu, mukuata ku tshianza. Yoshuwa kutantshila kudiye, umuebeja ne: — Udi ku luseke luetu anyi, udi ku lua baluishi betu?

Didimanyisha 2:1

— Fundila mutumibue wa Tshisumbu tshia bena ditaba ba mu Efeze ne: “Udi mukuate mitotu muanda mutekete mu tshianza tshiende tshia balume, wenda munkatshi mua bitekelu muanda mutekete bia miendu bienza ne mpawungi, udi wamba ne:

Didimanyisha 6:2

Nkenzakana, ke meme kumona kabalu katoke. Uvua mubandepu uvua mukuate buta. Kumupabu tshifulu tshia bukalenga. Kumukaye bu tshilobu, bua kuya kutshimuna kabidi.

Didimanyisha 6:4

Ke kabalu kakuabu kupatuka, kakunze. Uvua mubandepu, bavua bamupesha muele mutue, kabidi ne bumfumu bua kutangalaja mvita pa buloba, bua bantu bashipangane.