Yuda 1:6 - MUKANDA WA MYIDI MUKULU

⁶ Nuvuluke muvua batumibue ba Mvidi Mukulu bapetula muanzu uvuabu bapete, kabidi muvuabu bapatuka muaba uvuabu basombe. Ke mudi Mvidi Mukulu ubalama, basuika nkanu ya kashidi, mu miidima ya mu kandondu ka buloba, bua amone mua kubalumbuluisha dituku dinene dia Tshilumbuluilu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Ne banjelo bakadi kabai balamate bukelenge buabo, kadi bakashia muaba wabo mene wa kuikalamu, yeye wakubalama mu nkanu ya tshiendelele mu midima tô ne halua dituku dinene dia dilumbuluisha.

Yuda 1:6 ပူးပေါင်းရင်းမြစ်များ

Matayi 10:15

Ndi nnuambila bulelela ne: dituku dia tshilumbuluilu, Mvidi Mukulu neanyoke bena tshimenga etshi bipite dinyoka dia bena Sodome ne bena Ngomore.

Matayi 25:41

Pashishe mukalenga neambile bantu badi ku diende dia bakaji ne: “Umbukayi pandi, nuenu badi Mvidi Mukulu muele mulawu! Nuye mu kapia ka tshiendelele, kavuabu balongoluele diabolu ne batumibue bende!

Matayi 8:29

Ke bobu kuela mbila ne: — Muana wa Mvidi Mukulu, butudi nebe mbunganyi? Udi mufike bua kutunyoka, diba kadiyi dianji kukumbana, bua tshinyi?

Yowanane 8:44

Diabolu ke tatuenu. Nudi basue kuenza bidi tatuenu ujinga. Biangatshile ku tshibangidilu uvua mushipianganyi. Katshia ki mmuanji kushala mu bulelela, bualu bulelela kabuena munda muende. Padiye wamba malu a dishima, malu awu ke adi munda muende, bualu udi mudingianganyi, kabidi tatuende wa dishima.

Rome 2:5

Kadi udi ne muoyi mupape. Kuena musue kudilengeja. Ke muudi udikebela dinyoka dipite bunene, dituku diamueneka tshiji tshia Mvidi Mukulu, diakosaye nsambu pa yoyi.

Efeze 6:12

Bualu katuena tuluangana mvita ne bantu, kadi amu ne makole mabi a mulu adi kaayi amueneka, kabidi ne mamfumu makuabu mashilangane, adi alama buloba mu midima.

Ebrewu 10:27

Diba adi tshitudi mua kuenza kabidi ntshinyi? Amu kuindila ne bowa malu atshidi kumpala, momumue ne: Dikosa dia nsambu, ne kapia kakole kadi ne bua kubutula baluishi ba Mvidi Mukulu.

2 Petro 2:4

Bualu Mvidi Mukulu kena mufuile batumibue bavua benza bibi luse. Uvua mubele mu kandondu, mudiye mubalame mu lukanu mu miidima, too ne ku diba didibu ne bua kubalumbuluisha.

2 Petro 2:9

Bualu Mfumu udi mumanye mua kupatula mu makenga bantu badi bamutumikila. Udi mumanye kabidi mua kulama bantu badi benza bibi, bua kubanyoka dituku dia kubalumbuluisha.

Yuda 1:13

Badi baleja malu abu mabi, bu mudi mavuala a mayi manene atutuka ntutu. Badi bu mitotu ya milanjilanji idi ituka mulu: Mvidi Mukulu mmubalongoluele muaba mu miidima mikole, bua bashalemu kashidi.

Didimanyisha 20:10

Diba adi, nebele diabolu uvua mubadinge mu mayi manene avua atema kapia ka mvuanda. mukavuabu bamane kuela nyama ne muambi wa dishima. Nebabakengeshe muaba awu munya ne butuku kashidi.

Didimanyisha 20:2

Kukuataye nyoka wa tshidika, nyoka wa kale: ke diabolu nansha Satane. Kumusuikaye bua bamulame mu lukanu bidimu tshinunu.