Yuda 1:4 - MUKANDA WA MYIDI MUKULU

⁴ Bualu, bamue bantu babi mbabuele mu musokoku munkatshi muetu. Badi bakudimuna dilongesha didi ditangila dinanga dia Mvidi Mukulu, bua kudibingisha nadi ku buenzavi buabu. Ke padibu babenga Yezu Kristu, Mukalenga ne Mfumu wetu umuepele. Kukadi matuku a bungi, Mikanda ya tshijila mmimane kujadika dinyoka didibu ne bua kunyoka bantu abu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Bualu bua bantu bakuabo bakabombelela munkatshi muenu mu musokoko; bobo bakadi ne malu abo mafundibue diambedi ku dihila edi; badi kabai ba Nzambi, bandamuna ngasa wa Nzambi wetu ku malu a masandi, badi babenga Nfumu wetu umue umuehele, udi kabidi Mukelenge wetu, Yesu Kilisto.

Yuda 1:4 ပူးပေါင်းရင်းမြစ်များ

2 Samuele 22:5

Mavuala a lufu avua ampitshila pa mutu, avua ankuatshisha bowa, bu musulu udi ukeba kumbutala.

Misambu 1:1

Muena diakalenga ngudi ubenga meji adi bantu babi bamuambila, kayi ulonda tshidi bantu bapambuke benza, kayi usomba pamue ne bantu badi baseka Mvidi Mukulu!

Misambu 62:2

Kudi Mvidi Mukulu ke kundi mpeta dikisha, kudiye ke kundi ntekemena lupandu.

Matayi 13:25

Butuku, pavua bantu balala tulu, muena lukuna wende kuvua kumiamina lupeta mu ntete yende ayi. Pashishe kuyaye.

Yowanane 17:3

Muoyi wa tshiendelele udi nunku: bua bakumanye wewe Mvidi Mukulu umue mulelela, bamanye kabidi Yezu Kristu uuvua mutume.

Bienzedi 11:23

Ufika, kumonaye muvua Mvidi Mukulu mukumbaje mudimu ne dinanga munkatshi mua bena ditaba. Nanku kusankaye, ubabela bonsu bua bananukile ne muoyi mukole, bitabe Mfumu.

Bienzedi 15:24

Tudi bumvue ne: bantu bakuabu ba kuetu kunu mbavue kunulubakaja, kunupampakaja kabidi, ne malongesha abu. Kadi katuena babatume ne mukenji nansha.

Ngalate 2:4

Bushuwa bena ditaba bakuabu, bena mpala ibidi, bavua babuelakane netu, bavua basue kumutekesha panshi. Bantu aba mbabuele mu Tshisumbu tshietu bua kututentekela, kumona mutudi tudienzela bitudi basue, bualu tudi tuitaba Yezu Kristu. Nanku bavua basue kutupingaja mu bupika.

Ngalate 5:13

Bana hetu, Mvidi Mukulu mmunubikile, bua nudisunguile tshinudi basue kuenza. Tshiena musue kuamba ne: nudisunguile amu majinga mabi adi anusankisha mu buntu buenu. Kadi nunangangane, nuambuluishangane.

Efeze 4:14

Diba adi katuakuikala kabidi bana, badibu batekakaja kudi malongesha mashilangane, mushindu udi mavuala ne mpepele bitekakaja majuwa. Muntu utshidi muana mu ditaba, bena dishima badi bamupambula, banubueja mu ntupakanyi, ne malongesha abu a kudinga nawu bantu.

1 Timote 5:8

Padi muntu kayi ulama bena diende, nangananga badiye nabu mu nzubu umue, mmuvile ditaba. Udi mupite ku bubi muntu udi kayi mumanye Mvidi Mukulu.

2 Timote 2:12

Bituikala bumvue makenga ne lutuulu, netudie nende bumfumu; Bituamuvila, Yeye kabidi neatuvile;

2 Timote 3:6

Bamue ba kudibu badi babuela mu nzubu ya bende, batekesha bakaji bena bitabataba, badi banyingalala bua mibi ivuabu benze kale, batua eku ne eku ne majinga a mishindu yonsu.

1 Petro 2:16

Nuikale ne nsombelu wa bantu badi benza mudibu basue. Kadi panudi nuenza munudi basue, kanuambi ne: tudi mua kuenza kabidi malu mabi mu musokoku. Nuenze amu malu adi bantu ba Mvidi Mukulu mua kuenza.

1 Petro 2:8

Muaba mukuabu mbafunde kabidi ne: “Ke dibue didi dishinda bantu, lubuebue ludi lubaponesha panshyi.” Bantu bavua batetuka, bualu bavua babenge kuitaba muaku. Ke tshivua Mvidi Mukulu mubalongoluele.

1 Petro 4:18

Bualu mbafunde mu Mukanda wa tshijila ne: “Pikalabi bikole bua muntu wa Mvidi Mukulu kupandaye, kadi bena buenzavi ne benji ba malu mabi nebapande bishi?”

2 Petro 2:10

Neanyoke nangananga badi balonda majinga mabi a buntu buabu panu, babenga bumfumu bua Mvidi Mukulu. Balongeshi ba dishima bamvua mubambile aba, badi bantu ba dikamakama, badiambi. Kabena banemeka bifukibue bia lumu bidi mu diulu, kadi badi babipetula.

2 Petro 2:7

Uvua musungidile Lote, muntu wa malu mimpe, uvua unyingalala bua malu mabi avua bantu bena buenzavi ba tshikondu tshiende benze.

2 Petro 3:7

Kadi diulu ne buloba bia lelu bitshidiku, bualu Mvidi Mukulu mmubilame ku muaku wende awu. Kadi dituku didiye ulumbuluisha bantu, nebibutuke mu kapia, pamue ne bena buenzavi.

1 Yone 2:22

Kadi muena dishima nnganyi? Ke muntu udi wamba ne: “Yezu kena Kristu, Musungidi mutulaya.” Wa nanku ke Muluishi wa Kristu. Udi ubenga Tatu, ne Muana kabidi.

Yuda 1:15

bua kulumbuluisha bantu bonsu, ne bua kunyoka bantu babi bonsu, bua malu mabi avuabu benze, pavuabu batombokele Mvidi Mukulu, ne bua miaku yabu mibi ivuabu bamujane nayi.”

Yuda 1:18

Bavua banuambile ne: ku nshikidilu bantu babi nebanuseke. Nebalonde majinga abu mabi.

Didimanyisha 15:4

Maweja-Nangila, wabenga kukutshina nnganyi? Wabenga kukunemeka udiku anyi? Bualu Wewe nkayebe udi wa tshijila. Bisamba bionsu nebikukukuile, bualu bantu bonsu badi bamona patoke malu mimpe audi wenza.”