Yuda 1:20 - MUKANDA WA MYIDI MUKULU

²⁰ Kadi nuenu, hetu basuibue, shindamayi amu kushindama pa ditaba dienu dia tshijila tshipite. Nutendelele mu bukole bua Mueyelu wa Tshijila.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Kadi nuenu, bananga, nudibake ha ditabusha dienu ditambe dia tshijila, nutendelele mu Nyuma Muimpe,

Yuda 1:20 ပူးပေါင်းရင်းမြစ်များ

Zekâya 12:10

Nempeshe ndelanganyi ya Davide, ne bena mu Yerushalayime, muoyi wa luse. Nebantendelele. Nebatangile kundi, bavuluka muntu uvuabu basompole. Nebamudile, bu mudibu badila muana wa balume umue mumane kufua. Nebase miadi mikole, bu mudibu basa miadi padi muanabute mufue.

Bienzedi 15:9

mMumushe kansungasunga konsu munkatshi muetu nabu. Ke padiye mujimije mibi yabu, bualu bavua bitaba.

Bienzedi 26:18

bua ubatabaje; ubumushe mu miidima, babuele mu butoke; ubapatule ku bumfumu bua diabolu, babuele mu bumfumu bua Mvidi Mukulu. Nanku bobu bangitabe, nebabajimijile mibi yabu. Nebabuele mu tshisumbu tshia bantu ba Mvidi Mukulu.”

Bienzedi 6:7

Muaku wa Mvidi Mukulu kutanta bikole. Balongi kuelangana mu Yerushalayime. Batuangaji ba bungi bavua batuadija kuitaba.

Bienzedi 9:31

Diba adi Tshisumbu tshia bena ditaba tshivua ne ditalala mu ditunga dijima dia Yudeya, dia Ngalileya, ne dia Samariya. Tshivua tshienda tshikola. Bu muvua bena ditaba balamata Mfumu, batua batanta ne diambuluisha dia Mueyelu wa Tshijila.

Rome 15:2

Kadi yonsu wa kutudi akebe mua kusankisha muntu nende, amuenzele malu mimpe, bua kumukolesha mu ditaba.

Rome 8:15

bualu Mueyelu unudi bapete kawena mueyelu udi unupingaja mu bupika, bua nuikale tshiakabidi ne bowa mesu tente. Kadi Mueyelu udi unuenza bana ba Mvidi Mukulu, bua tumuele mbila ya ne: “Tatu wanyi!

1 Korente 1:8

Yeye neanuambuluishe, bua nushale bashindame ne ku ndekelu, bua muntu kamonyi mua kunuasa tshilumbu nansha tshimue, dituku diafika Mfumu wetu Yezu Kristu.

1 Korente 10:23

Bamue badi bamba ne: “Tudi mua kuenza muonsu mutudi basue.” Eyowa, kadi bionsu kabiena bimpe to. “Tudi mua kuenza muonsu mutudi basue,” kadi bionsu kabiena bilengelela Tshisumbu tshia bena ditaba to.

1 Korente 14:15

Kadi ngenze tshinyi? Nengenze bionsu bibidi, nentendelele pamue ne Mueyelu wanyi, nentendelele kabidi ne lungenyi. Nengimbe misambu ne Mueyelu wanyi, nengimbe misambu kabidi pamue ne lungenyi luanyi.

1 Korente 14:26

Bana hetu, telejayi nkomenu wa bionsu bitudi bambe ebi. Panudi ntendelela Mvidi Mukulu, umue wa kunudi udi wimba musambu, munga udi ulongesha, mukuabu udi umanyisha malu adi Mvidi Mukulu mumuambile, ewu udi wakula mu miakulu idi bantu kabayi bamanye, munga udi uyumvuija. Kadi bionsu ebi bidi ne bua kukolesha bena Tshisumbu mu ditaba diabu.

Ngalate 4:6

Bua kuleja munudi bana bende menemene, Mvidi Mukulu kutuma Mueyelu wa Muanende mu mioyi yetu. Mueyelu awu udi wela diyi ne: “Abba! Tatu wanyi!”

Efeze 4:12

Uvua muenze nanku bua kulongolola bantu ba Mvidi Mukulu, bua bakuatshile Kristu mudimu, bua mubidi wa Kristu utante mu ditaba.

Efeze 4:16

Yeye nkayende ke udi utuangaja bikole bitupa bishilangane bia mubidi, ubisuikakaja ne manungu. Nanku padi tshitupa tshionsu tshia mubidi tshikuata mudimu amu pa wowu, mubidi mujima udi utanta, ukola mu dinanga.

Efeze 4:29

Kanuakudi muaku wa nsenda nansha umue. Kadi nuakule anu miaku milenga, idi ikolesha bantu ku muoyi, ilengelela badi banuteleja.

Efeze 6:18

Kanupu muoyi bua kutendelela Mvidi Mukulu. Nulombe bua anuambuluishe. Tendelelayi diba dionsu mudi Mueyelu wa Tshijila unusaka. Tabalayi, lombelayi bantu bonsu ba Mvidi Mukulu, kanuyi nulekela.

Kolose 2:7

Asayi miji munda muende, shindikayi mioyi yenu kudiye, shindamayi amu kushindama diba dionsu mu ditaba. Kanusesuki ku bivuabu banulongeshe. Nuele Mvidi Mukulu tuasakidila muenu muonsu.

1 Tesalonike 5:11

Nanku nukoleshangane ku muoyi, nuambuluishangane, anu munukadi nuenza amu.

1 Timote 1:4

Kabakebi kumanya mianu ne mena mulongulongu bia bankambua, bidi bijula amu milandu ya patupu. Bionsu abi kabiena bitungunuja mudimu wa Mvidi Mukulu wa kusungidila bantu. Muntu udi upeta lupandu amu ku ditaba.

2 Timote 1:5

Ndi mvuluka ditaba diebe, didi kadiyi ne lubombu. Kakuebe wa bakaji Loyize, ne mamuebe Enike, bakavua nadi kumpala kuebe. Ndi mushindike ne: wewe kabidi udi nadi.

Tite 1:1

Meme Polu, muena mudimu wa Mvidi Mukulu, ne mupostolu wa Yezu Kristu, ndi mfunda mukanda ewu. Bavua bangimikile mudimu wa kufikisha ku ditaba bantu bavua Mvidi Mukulu musungule, ne wa kubamanyisha mudibu mua kunemeka Mvidi Mukulu mu bulelela bilondeshile ditaba diabu.

Yakobe 2:22

Udi mumone ne: ditaba dia Abrahame ne bivuaye muenze bidi bienda pamue. Ditaba diende divua dienda dishindama tshishiki ku malu avuaye wenza.

2 Petro 1:1

Meme Simone Petro, mupostolu ne muena mudimu wa Yezu Kristu, ndi mfundila bonsu bavua bapete ditaba dia mushinga mukole dia mushindu umue ne ditudi nadi. Nudi badipete ku disua dilenga dia Mvidi Mukulu wetu ne dia Musungidi Yezu Kristu.

1 Yone 5:4

Bualu muana yonsu wa Mvidi Mukulu udi mua kutshimuna bukua panu. Nanku netutshimune bukua panu, amu patudi tuitaba.

Yuda 1:3

Betu basuibue, nkavua njinga bikole kunufundila malu a pa lupandu lutudi batekemene bonsu. Kadi ndi mumone ne: ndi ne bua kunutumina kabidi mukanda ewu, bua kunukolesha ku muoyi, bua nuluile ditaba didi Mvidi Mukulu mupeshe bantu bende bua kashidi.

Didimanyisha 13:10

Muntu udibu bafundile lukanu, nebaye nende mu lukanu. Muntu udibu bafundile kufua ku muele wa mvita, neafue ku muele wa mvua. Ke padi bantu ba Mvidi Mukulu ne bua kunanukila mu dikenga, kuleja ditaba diabu.”