Yuda 1:12 - MUKANDA WA MYIDI MUKULU

¹² Padibu nenu ku mesa bua didia dienu bonsu pamue, badi banufuisha bundu, bualu badi basukumina biakudia. Badi bu balami ba nyama badi badivuluka amu bobu nkayabu. Badi bu mavuba masaka kudi lupepele, adi kaayi alokesha mvula. Badi bu mitshi idi kayiyi ikuama bimuma, nansha tshikondo tshiabi tshimane kufika. Badi bu mitshi mifue misangu ibidi, matamba ayi mamane kuuma, mbajule ne miji yayi kabidi.

Mukanda wa Nzambi Dihungila Dikulukulu ne Dihungila Dihia-dihia 2003

¹² Aba mbobo badi mabue masokome mu masanka a bidia bia dinanga hadiabo nʼenu; badi balami ba mikoko badi badidisha kabai ne ditshina; badi matutu adi kâi ne nvula matuala ku mpala kudi tshihehele; badi mitshi ya mu mushihu idi kayi ne mamuma, mifue misangu ibidi mijudibue ne miji;

Yuda 1:12 ပူးပေါင်းရင်းမြစ်များ

2 Kulondolola 7:20

nenkuipate mu buloba bumvua mukupe, nengumuke mu nzubu ewu undi mujidile bua nuenu kuntendelelamu. Nanku bantu ba bisamba bikuabu nebaseke bena Izrayele, bahele bibingu.

Yobe 8:17

Udi muelele miji yawu ne mu mabue, idi ifika too ne munda mua mbuebue.

Misambu 1:3

Udi bu mutshi udi bantu bakuna ku muelelu wa mayi. Mutshi awu udi ukuama bimuma pa tshikondu tshiabi. Mabeji awu kaena mua kufubidila. Bionsu bidi muntu wa nanku wenza bidi amu ne tshipeta.

Misambu 37:2

Bualu nebafube lukasa bu bisoosa, nebuume bu biseki.

Nsumuinu 25:14

Muntu udi uditambisha bua bintu bidiye kayi upeshangana, mmufuanangane ne mavuba ne lupepele bidi kabiyi bilokesha mvula.

Yezekiyele 17:9

Nanku, meme Maweja-Nangila Mvidi Mukulu, ndi nkonka ne: “Muonji wa mvinyo ewu udi mua kukola anyi? Nyunyi wa tshiminyi wa kumpala kena mua kujula miji yawu, kunyanga bimuma biawu, bua ntonga yawu mipiamipia ifube anyi? Tshiminyi katshiakukengela bukole bua bungi, nansha bena mudimu basule, bua kujula muonji ewu to.

Yezekiyele 34:10

Meme Maweja-Nangila ndi nnukanyina ne: nennuluishe, nnunyenga bulami bua mikoku yanyi. Kanuakuyikuba kabidi to. Kanuakupetaku tshintu to. Nennunyenge mikoku yanyi mukana muenu. Kayakuikala kabidi tshiakudia tshienu.

Yezekiyele 34:18

Bavule ba kunudi badi badia bimpe mu mpata milenga. Kadi badi badiata bisosa bidi bishale bua tshinyi? Nudi nupeta mayi mimpe a kunua. Kadi mayi anudi nunua, nudi nuavuandulula ne makasa enu bua tshinyi?

Yezekiyele 34:2

— Muntu, kanyina bamfumu ba bena Izrayele, ubamanyishe mikanu indi mbakanyina nayi meme Maweja-Nangila. Ndi mbambila ne: “Nuenu balami ba mikoku ba bena Izrayele, nudi bena diakabi. Nudi badivuluke amu nuenu nkayenu! Balami kabena ne bua kudisha mikoku anyi?

Yezekiyele 34:8

meme Maweja-Nangila udi ne muoyi ndi nnuambila ne: bidi bintonda pandi mmona mikoku yanyi mu bianza bia bivi. Bu mudiyi kayiyi ne bayilami, ikadi tshiakudia tshia nyama ya ditu. Bualu balami kabena baditatshisha bua mikoku yanyi to. Pa mutu pa kuyikeba bimpe, badi badivuluka amu bobu nkayabu.

Osheya 6:4

Kadi Maweja-Nangila udi unukonka ne: “Bena Efrayime, nennuenzele tshinyi? Bena Yuda, nennuenzele tshinyi? Dinnanga dienu didi dijika lukasa, bu mudi dibungi dia mu dinda, nansha bu mudi lumuma, ludi luuma amu mpindiewu.

Lewitiki 14:43

“Kadi padibu bamane kulamuna mabue a nzubu awu ne matoba avuaku, bakone bimana babishinguila, kadi nzubu awu mukuate kabidi butu,

Matayi 13:6

Kadi munda munya, diba kuosha buloba. Mitshi kuuma, bualu kayi vua ne miji mile.

Matayi 15:13

Yezu kuandamuna ne: — Mutshi onsu udi Tatu wanyi udi mu diulu kayi mukune, nebawujule ne miji yawu.

Marke 4:6

Padi diba dibanda mulu, kuoshadi bisekiseki bivua bitoloke, kumabi bualu kabivua ne miji minene.

Luke 12:45

Kadi pikala muena mudimu awu wamba mundamunda muende ne: “Mfumuanyi kakupingana lukasa to,” utuadija kutuuta bena mudimu nende balume ne bakaji, udia, unua ukuatshika,

Luke 16:19

— Kuvua muena biuma uvuala bilamba bimpe bia mushinga mukole. Dituku dionsu uvua udia bilenga, usanka.

Luke 21:34

— Dimukayi! Kanubuelakanyi amu mu bibilu, mu bunuavi, ne mu ntatu ya panu. Bualu dituku didibu bakosa nsambu ya bantu didi mua kunujikidila diakamue,

Luke 8:6

Minga kumata mu buloba bua mabue. Itoloka, kuumayi diakamue, bualu kayivua muaba wa tshitalela.

Efeze 4:14

Diba adi katuakuikala kabidi bana, badibu batekakaja kudi malongesha mashilangane, mushindu udi mavuala ne mpepele bitekakaja majuwa. Muntu utshidi muana mu ditaba, bena dishima badi bamupambula, banubueja mu ntupakanyi, ne malongesha abu a kudinga nawu bantu.

Filipe 3:19

Kadi nebabutuke, bualu mvidie wabu ke difu diabu. Badi baditemba mu bivua mua kubafuisha bundu. Badi bela meji anu ku bia panu.

1 Timote 5:6

Kadi mukaji mukamba utshidi ne milowu, nansha yeye ne muoyi, mmufue.

Ebrewu 13:9

Kanumbuki mu njila mulelela, bua kuitaba malongesha mashilangane adi kaayi etu. Bidi bimpe bua dinanga didi Mvidi Mukulu utunanga nadi dikoleshe muoyi wetu, mikenji idi itangila biakudia kayena mua kuenza nanku. Badi bitabe mikenji ya mushindu ewu, katshia kabena mua kupeta kantu nansha kakese.

Yakobe 5:5

Nuvua basombe pa buloba mu biuma ne masanka. Nudi nudia nuondoloka. Kadi dituku dia kunushipa dikadi pabuipi.