Yuda 1:11 - MUKANDA WA MYIDI MUKULU

¹¹ Bantu abu mbena diakabi. mBabuele mu njila wa Kayine; mbapambuke mu njila, bu Balaame, bua lukuka lua biuma. mBabutuke, bualu bavua batomboka, bu muvua Kora muenze.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Mulau wikale kudibo; bualu bua bakaya mu nshila wa Kana, bakadiela lukasa mu dihambuka dia Belama bua difutu, bakajimina mu ditomboka dia Kola.

Yuda 1:11 ပူးပေါင်းရင်းမြစ်များ

2 Bakalenga 16:16

Mutuangaji Uriya kukumbaja bionsu bivua mukalenga Akaze muambe.

Yeshaya 3:11

Bantu babi mbena diakabi. Nebabenzele muvuabu benzela bantu nabu.

Yeshaya 3:9

Bu mudibu bakosa nsambu ne kansungansunga, nebabafunde ku tshilumbu. Bu muvua bantu ba mu tshimenga tshia Sodome benza, ke mudi bena Yuda benza buenzavi, munda munya, kabayi babusokoka. Eyowa, mbena diakabi, bualu badi badilongoluela kabutu kabu!

Yirmeya 13:27

Ndi mbenga malu ebe a bundu, ne tuseku tuebe tuakulobesha natu bantu, tshiendenda tshiebe tshia bundu. Mvua mumone pa mikuna ya mu ditunga mvidie yebe idi kufuisha bundu! Yerushalayime, udi muena diakabi! Neudilengeje diba kaayi?

Yezekiyele 13:3

Meme Maweja-Nangila Mvidi Mukulu, ndi ngamba ne: Dikenga nedikuate bambi batshimbakane aba! Badi balonda amu lungenyi luabu bobu, baleja bantu malu a dishima.

Mika 6:5

Bantu banyi, nuvuluke mianda ya kale! Balake, mukalenga wa bena Mowabe, uvua muele meji a kunuenzela bibi. Nuvuluke bivuabu bamuandamune kudi Balaame, muana wa Beyore. Pashishe mvua muende nenu, biangatshile ku Shitime too ne ku Ngilgale. Nanku nuvua bamone malu mimpe, andi meme Maweja-Nangila munuenzele.”

Zekâya 11:17

Mulami mutshimbakane udi ushiya mikoku yende, mmuena diakabi. Mvita ibutule bukole budi mu maboku ende, ishipe mesu ende, diboku diende ndiedi diuminyine, disu diende dia balume kadiakumona to!

Dibadika 31:16

Nudi bamanye bimpe ne: bakaji ba bena Madiyane aba ke bavua bitabe meji a Balaame, bafikishe bena Izrayele ku ditombokela Maweja-Nangila, bua kutendelela anu mvidie wa ku Peyore. Ke pavua tshipupu tshibutule bantu ba Maweja-Nangila.

Matayi 11:21

— Wewe, Korazine, udi muena diakabi! Wewe, Betsayida, udi muena diakabi! Bualu bishima bidibu benzele muenu, bu biobi bienzekela mu Tire, ne mu Sidone, bena bimenga ebi kuonsu eku bakavua bavuale bilamba bikayapale, badilabe butu, bua kuleja ne: tudi basue kudilengeja.

Dielulula 23:4

Bena Amone ne bena Mowabe kabena mua kubuela muaba udi bantu ba Maweja-Nangila basangile, nansha ndelanganyi yabu ya musangu wa dikumi.

Ebrewu 11:4

Amu bua ditaba, Ebele uvua mulambule Mvidi Mukulu mulambu mupite wa Kayine ku buimpe. Bua ditaba diende Mvidi Mukulu uvua mumubingishe bualu Mvidi Mukulu uvua muanyishe malambi ende. Amu bua ditaba diende, Ebele utshidi wakula nansha yeye mumane kufua.

2 Petro 2:15

Badi bantu bapambuke. mBumuke mu njila mululame bua kulonda njila mubi, uvuabu balonda kudi Balaame, muana wa Bozore, uvua munange makuta avuabu ne bua kumufuta bua malu ende mabi.

1 Yone 3:12

Katuikadi bu Kayine uvua muntu wa Muena bubi, ushipa muanabu. Wakamushipa bua tshinyi? Bualu malu avua Kayine wenza avua mabi. Avua muanabu wenza avua mimpe.

Didimanyisha 2:14

Kadi bualu bundi nkudiwila, mpadi bamue ba kunudi bitabe dilongesha dia Balaame. Balaame uvua ulongesha Balake, bua asake bena Izrayele ku dienza bibi. Ke muyuabu badie minyinyi ya nyama milambula nwidie, benza kabidi malu a bundu.