Yowele 3:2 - MUKANDA WA MYIDI MUKULU

² Nansha bena mudimu balume ne bakaji, nembapeshe Mueyelu wanyi.

Mukanda wa Nzambi Dihungila Dikulukulu ne Dihungila Dihia-dihia 2003

² nensangishe ba mu bisamba bionso, nempueke nʼabo mu tshibanda tshia Yehoshafata; nembalumbuluishilema bua bantu banyi, buhianyi buanyi, Bena Isalele, bakamuangalashabo munkatshi mua bisamba bia bantu. Bakabanyangana buloba buanyi,

Yowele 3:2 ပူးပေါင်းရင်းမြစ်များ

2 Kulondolola 20:26

Dituku dinayi, kusangilabu mu tshibandabanda tshia Beraka. — Muaba awu, batshidi bawinyika dina edi too ne lelu, bualu mmuaba uvuabu belela Maweja-Nangila tuasakidilae. —

Yeshaya 66:16

Ku kapia ne ku muele wa mvita, ke kudi Maweja-Nangila ukosela nsambu mu bukua bantu. Bantu nebafue bapite bungi.

Yeshaya 66:18

Udi mumanye malu mabi adibu benza, ne meji adibu bela. Maweja-Nangila udi wamba ne: Ndi makasa mu njila. Nkadi pa kusangisha bantu ba mu bisamba bionsu, ba miakulu yonsu, bua bamone lumu lundi nalu.

Yirmeya 12:14

Maweja-Nangila udi wamba ne: Bavua mutumba ne bantu banyi kabavua ne bundu to. Bavua banyanga ditunga dijima dimvua mupeshe bantu banyi bena Izrayele bua kashidi. Nanku nengipate bena mutumba aba mu ditunga diabu. Kadi nansha bena Yuda nembipate kabidi!

Yirmeya 25:31

Mutoyi udiye wenza udi ufika kudi bantu bonsu ba pa buloba, too ne ku ndekelu kua buloba. Maweja-Nangila udi wasa bisamba bionsu tshilumbu, ubibikila ku kabadi kende. Kadi bantu bonsu bena tshibawu neabashipe. Ke tshivua Mvidi Mukulu mungambile.

Yirmeya 49:1

Bua bidi bitangila bena Amone, Maweja-Nangila udi wamba ne: “Mvidie Milkome uvua mukuate, buloba bua Ngade bua tshinyi? Bena Amone badi basomba mu bimenga bia bena Izrayele bua tshinyi? Bena Izrayele kabena ne bana badi mua kupiana buloba buabu anyi?”

Yirmeya 50:17

Bena Izrayele bavua bu mikoku mipambuke, ivua nyama ya ntambue ipatshila. Mukalenga wa bena Ashure uvua wa kumpala, uvua muyidie. Pashishe, Nebukadnesare, mukalenga wa bena Babilone, uvua muyitshibule mifuba.

Yezekiyele 25:8

“Meme Maweja-Nangila Mvidi Mukulu ndi ngamba ne: Bena Mowabe bavua bamba ne: bena Yuda badi anu tshisamba bu mudi bisamba bikuabu bionsu.

Yezekiyele 34:6

Eyowa, mikoku yanyi mmilalakane mu mikuna minene ne mikese, pashishe mmitangalake miaba yonsu pa buloba bujima, kakuyi muntu udi nayi bualu, uya kuyikeba.

Yezekiyele 35:10

“Nuenu bena Edome nuvua nufuuna ne: ‘Netudie bukalenga mu Izrayele ne mu Yuda. Nebikuate matunga abidi aa, nansha Maweja-Nangila usombamu.’

Yezekiyele 36:1

— Wewe Yezekiyele, umanyishe mikuna ya mu Izrayele, iteleje bindi meme muyambile ne:

Yezekiyele 36:5

Meme Maweja-Nangila Mvidi Mukulu ndi ngamba ne: Tshiji tshidi tshingenza. Nanku ndi ntandisha bisamba bidi ku mutumba, nangananga bena Edome. Bantu aba bavua bakuata ditunga dianyi, biba biakudia bivua mu mpata. Bavua basanka kabayi ne luse.”

Yezekiyele 38:22

Nembatumine bipupu bia masama a tshiambu. Nembashipe. Neanulokeshile mvula wa tshipupu, wa mabue, ne wa kapia, pambidi pebe wewe, pa tshiluilu tshiebe, ne pa bantu ba mu bisamba bivule biudi nabi.

Yezekiyele 39:11

“Malu onsu mamane kuenzeka, nempeshe Ngoge muaba mu Izrayele wa kujika bafue. Muaba awu newikale mu tshibandabanda tshia muaba wa Bapitshi ba mu njila, luseke ludi diba dipatukila lua Mayi manene a Luepu. Mu tshibandabanda amu, nebajikemu Ngoge ne bena mvita bende. Nkita eyi neyijikile bantu njila. Nebinyike muaba awu ne: ‘Tshibandabanda tshia bena mvita ba bungi ba Ngoge.’

Amosa 1:11

Teleja tshidi Maweja-Nangila wamba ne: “Ndi ndumbuluisha bena Edome, mbapisha bua malu mabi mavule, kadi nangananga, bualu bavua balondakaja, ne muele wa mvita mu bianza, bana babu bena Izrayele. Kabavua ne luse nansha lua kana. Bavua balamina bana babu lukuna kashidi, babafikila munda, bakeba kubabutula. Nanku tshiena mua kubafuila luse! Nenkumbaje bindi mujadike ne:

Mika 4:12

Bantu aba kabena bamanye tshidi Maweja-Nangila mujadike. Kabena bajingulula meji ende: udi musue kubakunguja, mudibu basangisha bisumbu bia miepu ya ntete ya kuenza bukula, muaba udibu ne bua kuyishipuila.

Sefanya 3:8

Maweja-Nangila udi wamba ne: “Nuindile dituku dindi mfika bua kunupisha, kununyoka. Ndi mujadike ne: nensangishe bisamba ne makalenga, bua kubiosha ne kapia ka tshiji tshianyi. Buloba bujima nebupie, ku kapia ka tshiji tshianyi.”

Didimanyisha 11:18

Bantu ba bisamba bikuabu bavua bakutombokele ne tshiji. Kadi diba dikadi dimane kukumbana dia Wewe kuleja tshiji tshiebe, dia Wewe kulumbuluisha bafue bonsu. Diba ndimane kufika dia kusankisha bambi bebe bavua bakukuatshila mudimu, ne bantu bebe bonsu badi bakunemeka, baneme ne bashadile. Diba ndimane kufika dia kubutula badi babutula buloba!”

Didimanyisha 16:14

Ke mikishi ya diabolu idi yenza malu a dikema. Mikishi isatu ayi ivua iya kumonangana ne bakalenga ba pa buloba bujima, ikeba kubasangisha bua mvita ya dituku dinene dia Mvidi Mukulu wa bukole buonsu.

Didimanyisha 16:16

Mikishi kusangisha bakalenga muaba udibu binyika ne: Armagedone, mu buena ebrewu.

Didimanyisha 16:6

Bualu bavua bapumune mashi a bantu ba Mvidi Mukulu, ne a bambi. Mpindiewu Wewe udi mubanuishe mashi. mBapete bivuabu ne bua kupeta!”

Didimanyisha 20:8

Neaye kudinga bantu bonsu ku ntengu inayi ya buloba, ke Ngoge ne Magoge. Neabasangishe bua kuluangana mvita. Nebikale bungi bu lusenga lua ku muelelu wa mayi manene.