Yowele 1:4 - MUKANDA WA MYIDI MUKULU

⁴ Tshintu tshiyuabu bashiye mu madimi kudi meshi, nebatshidie kudi mpasu; tshiwa mpasu mishiye, nebatshidie kudi mintuntu; tshivua mintuntu mishiye, nebatshidie kudi mpasu ya mikumbi.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Tshintu tshiakashiyabo kudi mukumbi udi ukosa ntshiakudiabo kudi mukumbi udi ulela bana bavule; tshidi mukumbi udi ulela bana bavule mushiye ntshiakudiabo kudi mukumbi udi utuhika; tshidi mukumbi udi utuhika mushiye ntshiakudiabo kudi mukumbi udi uhohola.

Yowele 1:4 ပူးပေါင်းရင်းမြစ်များ

1 Bakalenga 8:37

“Padi tshiyole tshia nzala tshibuela mu ditunga, nansha tshipupu tshia disama dia tshiambu, nansha padi munanga mumishe ntete ya kuenza bukula, nansha mvula muboleshe bia pa madimi, nansha mpasu ya mukumbi, nansha ya mushindu mukuabu, mibuele mu ditunga mipite bungi, nansha baluishi bakengesha bena Izrayele, nansha mu bimenga biabu bidibu bakolesha ne bimana, padi tshipupu nansha disama dia tshiambu bibuele mu ditunga, nansha biobi bia mushindu kaayi,

2 Kulondolola 6:28

“Padi tshiyole tshia nzala tshibuela mu ditunga, nansha tshipupu tshia disama dia tshiambu, padi munanga mumishe ntete ya kuenza bukula, nansha padi mvula unyanga bia pa madimi, padi mpasu ya mukumbi nansha ya mishindu mikuabu, mibuele mu ditunga mipite bungi, baluishi bakengesha bena Izrayele, babipata ne muaba mene udibu basokome mu bimenga biabu bivuabu bakoleshe ne bimana, tshipupu nansha disama dia tshiambu bibuela mu ditunga,

2 Kulondolola 7:13

Dituku dikuabu pangikala mukange diulu, mvula kayi uloka, nansha pangatuma mpasu bua kunyanga ditunga, nansha pangatumina bantu banyi bena Izrayele tshipupu tshia disama dia tshiambu,

Misambu 105:34

Mvidi Mukulu utuma diyi dikuabu, mpasu ya mikumbi kufika kayiyi kubala.

Misambu 78:46

Mikumbi kunyanga bia pa madimi. Bivuabu banowa, kubidiabu kudi mpasu.

Ekesode 10:4

Kadi pawikala ubenga anu kubenga bua kulekela bantu banyi, malaba ndi ntuma mpasu mu ditunga dijima dia Ejipitu.

Ekesode 10:5

Mpasu ayi neyikile panshi, ipafikishe fitutuu. Neyidie bintu bionsu bivua bishale pa madimi, bivua mabue a mvula kaayi nenyange, too ne mitshi yonsu idi imena mu madimi enu.

Yeshaya 33:4

Diba adi, netupawule bintu, mudi mpasu imata panshi, idia bisosa. Tudi tudiela pa bia baluishi betu, mudi mikumbi ikila pa bia mu madimi.

Yirmeya 51:14

Maweja-Nangila wa bukole buonsu mmuditshipe wamba ne: “Bu mundi Mvidi Mukulu mulelela, nentume bantu bapite bungi, bu mukongolu wa mpasu. Nebabuele mu ditunga diebe, nebele bibingu bia mvita.”

Yirmeya 51:27

Nuele diyi bua babange kuluisha Babilone. Nuele mpungi bua bantu ba bisamba bionsu bumvue. Nutuadije mvita. Nubikidishe bantu ba mu bukalenga bua Ararate, bua Mini ne bua Ashekenaze, Nusungule bantu badi mua kulombola bena mvita. Nutume ku mvita nyama ya tubalu bungi bu mukongolu wa mpasu ya mukumbi.

Yowele 2:25

Maweja-Nangila udi wamba ne: “Nennupingajile bintu bienu, biwabu badie kudi meshi, mintuntu, ne mpasu ya mikumbi, bimvua munutumine bisumbu ne bisumbu bua kunukengesha.

Amosa 4:9

Mvua mutumine bia pa madimi emu mabeedi, bua bifube, bibolele mu madimi. Ndi munyange mitshi yenu, ne mionji ya mvinyo; mpasu kudia mitshi ya mfiku, ne ya olive. Kadi kanuena bapingane kundi. Meme Maweja-Nangila ndi njadika nanku.

Amosa 7:1

Teleja bivua Maweja-Nangila Mvidi Mukulu mundeje: meme kumona muvuaye mufuke mpasu mipite bungi. Bantu bakavua bamane kunowa bidibu ne bua kulambula mukalenga wa ditunga. Bisosa bi-kavua bituadija kutoloka tshiakabidi.

Malaki 3:11

Nenkandike bishi bua kabinyangi bia pa madimi, kabipangishi mionji yenu ya nwinyo bua kukuamayi. Meme Maweja-Nangila wa bukole buonsu ndi nnulaya nanku.

Dielulula 28:38

Nenukune maminu a bungi mu madimi enu. Kadi nenunowe biakudia bikese, bualu nebabidie kudi mpasu.

Dielulula 28:42

Mitshi yonsu ne biakudia bionsu bia mu madimi enu, nebabidie anu kudi mpasu ya mukumbi.