Yowanane 9:24 - MUKANDA WA MYIDI MUKULU

²⁴ Baparushe kubikila muntu uvua mpofu awu tshiakabidi, kumuamba ne: — Uditshipe kumpala kua Mvidi Mukulu bua kuamba malu malelela. Tuetu tudi bamanye ne: muntu ewu udi muenji wa malu mabi.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Bakabikila wakadi mulela mufofo tshiakabidi, bakamuambila ne, Utumbishe Nzambi; iudi bamanye ne muntu eu udi mubi.

Yowanane 9:24 ပူးပေါင်းရင်းမြစ်များ

Ezela 10:11

Mpindiewu, nutonde bubi buenu kumpala kua Maweja-Nangila Mvidi Mukulu wa bankambua benu, nuitabe ku diyi diende. Kanumvuanganyi kabidi ne bena bisamba ebi to. Nubenge bakaji benyi banudi basele.

Yeshaya 66:5

Nuenu badi bateleja diyi dia Maweja-Nangila ne luzakalu, bamuitaba, umvuayi tshidiye unuambila. Nudi ne bena kuenu, badi banudiwula, banuipata munkatshi muabu, bualu nudi balamate Mvidi Mukulu. Badi banuamba, baseka ne: “Maweja-Nangila aleje bukole buende tumone munudi basanka!” Kadi bobu nebafue bundu.

Marke 15:27

Bavua bapopele bantomboji babidi ku nseke yonsu ya Yezu: umue ku dia balume diende, mukuabu ku dia bakaji diende. [

Luke 15:2

Kadi Baparushe, ne balongeshi ba mikenji, bavua basodia, bamba ne: — Kia! Muntu ewu udi wakidila bantu ba lumu lubi, udia nabu!

Luke 19:7

Bantu bonsu bavua bamone nanku, kufikabu munda, bamba ne: — Muntu ewu mmuye kutula kua muenji wa malu mabi.

Luke 7:39

Muparushe uvua mubikile Yezu, umona nanku, kuelaye meji ne: “Bu muntu ewu muambi wa Mvidi Mukulu bulelela, uvua mua kujingulula mukaji ewu, kumanya ne: mmuena malu mabi.”

Yowanane 14:30

Tshiena mua kuyukila nenu kabidi bia bungi to. Bualu mfumu wa pa buloba ebu udi ulua. Kena mua kuntumina diyi to.

Yowanane 16:2

Nebanuipate mu nzubu ya kutendelela ya bena Yuda. Kabidi tshikondu netshifike tshikata bantu badi banushipa bela meji ne: tudi tukuatshila Mvidi Mukulu mudimu.

Yowanane 18:30

Kumuandamunabu ne: — Bu yeye kayi muenzayi, katuvua mu kumufila kuudi to.

Yowanane 19:6

Kadi bamfumu ba batuangaji ne balami bamumona, kuelabu mbila ne: — Umupopele ku mutshi mutshiamakane! Umupopele ku mutshi mutshiamakane! Pilate kubambila ne: — Muangatayi nuenu nkayenu, numupopele ku mutshi mutshiamakane. Bualu meme tshiena musangane bualu nansha bumue bundi mua kumufundila tshibawu.

Yowanane 5:23

bua bantu bonsu banemeke Muana bu mudibu banemeka Tatu. Udi kayi unemeka Muana, kena unemeka Tatu uvua mumutume.

Yowanane 8:46

Wa munkatshi muenu udi mua kuntuisha ne: Uvua muenze bibi, nnganyi? Pandi ngamba bulelela, kanuena nungitaba bua tshinyi?

Yowanane 8:49

Yezu kubandamuna ne: — Meme tshiena ne mukishi mubi munda to. Kadi meme ndi nnemeka Tatu wanyi. Nuenu kanuena nunnemeka to.

Yowanane 9:16

Bamue Baparushe bavua bamba ne: — Muntu uvua muenze bualu bua nenku kena mua kufumina kudi Mvidi Mukulu to. Bualu kena utumikila mikenji ya dituku dia Dikisha. Kadi bakuabu bavua bamba ne: — Muntu muikale muena malu mabi, udi mua kuenza bishima bia nanku anyi? Ke kupanganganabu munkatshi muabu.

Yowanane 9:25

Kuandamunaye ne: — Ne udi muenji wa malu mabi, ne kena muenji wa malu mabi, tshiena mumanye to. Kadi tshindi mumanye tshidi amu ne: mvua mpofu, nkadi mmona mpindiewu.

Rome 8:3

Mvidi Mukulu mmukumbaje bivua mikenji ya Moshe kayiyi mua kupeta bualu bua butekete bua bantu. Bua kutshimuna bubi buvua ne bumfumu mu bantu, Mvidi Mukulu kutuma Muanende wa menemene, bua angate buntu bufuanangane ne bua benji ba malu mabi, bua amone mua kumushamu bubi.

2 Korente 5:21

Kristu kavua muenze bualu bubi to. Kadi Mvidi Mukulu mmuteke bubi buetu pambidi pende, bua amone mua kutubingisha kumpala kuende, patudi badisange ne Kristu.

Yoshua 7:19

Yoshuwa kumuambila ne: — Mulunda wanyi, umanye bukole bua Maweja-Nangila Mvidi Mukulu wa bena Izrayele. Ungambile bushiwa. Unjadikile tshiuvua muenze, kushimi to.

Didimanyisha 11:13

Diba adi, tshikumina tshikole kuenzeka. Tshia dikumi tshia tshimenga kupuka. Bantu binunu muanda mutekete kufua ku tshikumina atshi. Bavua bashale ne muoyi kutshina bikole. Kutumbishabu Mvidi Mukulu wa mu diulu.