Yowanane 9:22 - MUKANDA WA MYIDI MUKULU

²² Bavua bandamuna nanku, bualu bavua batshina bamfumu ba bena Yuda. Bualu bamfumu bavua bamane kumyuangana bua kuipata mu nzubu wa kutendelela wa bena Yuda muntu yonsu wajadika ne: Yezu udi Meshiya.

Mukanda wa Nzambi Dihungila Dikulukulu ne Dihungila Dihia-dihia 2003

²² Bamuledi bakamba nunku, bua bakadi batshina Bena Yuda; Bena Yuda bakadi bamane kusangisha dî ne, Wamujukula ne, Kilisto, nebamumushe mu nsunagoga.

Yowanane 9:22 ပူးပေါင်းရင်းမြစ်များ

Nsumuinu 29:25

Udi utshina bantu udi uditeya nkayende. Kadi muntu udi uditeka mu bianza bia Maweja-Nangila udi usomba talalaa.

Yeshaya 51:12

Maweja-Nangila udi wamba ne: Udi unusamba ke meme! Amu meme nkayanyi! Bantu banyi, munudi nutshina muntu mmunyi? Muntu yonsu udi unenga katupa kipi bu bisosa, ufua.

Yeshaya 51:7

“Ntelejayi, nuenu badi bamanye tshindi musue. Nuenu bantu banyi badi bangata meyi anyi ne mushinga, kanutshinyi bantu badi banupenda. Kanutu bundu bua padi bantu banuseka.

Yeshaya 57:11

Udi mukukuatshishe bowa, uudi utshina bikole nanku, bua wewe kunshima, bua wewe kubenga kunzuluka, bua wewe kubenga kungangata ne mushinga, nnganyi? Bu mundi mupuwe mutantshi mule, kuena ungangata kabidi ne mushinga. Udi wela meji ne: biudi wenza mbiakane anyi?

Luke 6:22

“Padi bantu banukina, banubenga, banupenda, banupenda bualu bua Muana wa muntu, nudi bena diakalenga.

Yowanane 1:19

Telejayi muvua Yowanane muandamune bamfumu ba bena Yuda ba mu Yerushalayime pavuabu batume batuangaji ne bena Levi kudiye bua kumukonka ne: — Wewe udi nganyi?

Yowanane 16:2

Nebanuipate mu nzubu ya kutendelela ya bena Yuda. Kabidi tshikondu netshifike tshikata bantu badi banushipa bela meji ne: tudi tukuatshila Mvidi Mukulu mudimu.

Yowanane 19:38

Pashishe, Yozefe muena mu tshimenga tshia Arimateya kulomba Pilate dianyisha dia kuangata tshitalu tshia Yezu. (Yozefe ewu uvua mulongi wa Yezu, kadi mu musokoku, bualu uvua utshina bamfumu ba bena Yuda.) Ke Pilate kuanyisha dilomba adi. Nanku Yozefe kuya kuangata tshitalu tshia Yezu.

Yowanane 20:19

Dilolu mene dia dituku dia lumingu adi, balongi bavua badisangishe mu nzubu, binjile biibi bakanga ne nsapi, bualu bavua batshina bamfumu ba bena Yuda. Ke Yezu kufika, kuimana munkatshi muabu ubela muoyi ne: — Bupole buikale nenu!

Yowanane 7:13

Kadi kakuvua muntu nansha umue uvua umutela patoke, bualu bavua batshina bamfumu ba bena Yuda.

Yowanane 9:18

Kadi bamfumu ba bena Yuda kabavua basue kuitaba ne: muntu ewu uvua mpofu, kadi ukadi umona, kabayi banji kubikila baledi bende,

Yowanane 9:21

Kadi katuena bajingulule mukadiye umona mpindiewu. Katuena bamanye muntu uvua mumutabaje mesu. Numukonke yeye. Ukadi muntu mukole. Udi mua kudilumbuluila!

Yowanane 9:34

Ke Baparushe kumuandamuna ne: — Wewe kantu katela kajima mu bubi, ukadi musue kutulongesha anyi? Kumuipatabu mu nzubu wa kutendelela.

Yowanane 9:35

Yezu kumvua mu wabu bipate mpofu. Kusambakenaye nende, kumukonkaye ne: — Udi witaba Muana wa muntu anyi?

Bienzedi 4:18

Nanku kubabikilabu, kubakanyinabu bikole, bua kabalongeshi, kabatedi nansha dina dia Yezu.

Bienzedi 5:13

Bantu bavua kabayi mu tshisumbu tshiabu, kabavua bafika pavuabu. Kadi bavua amu banyisha bena ditaba.

Bienzedi 5:40

Ke kubikilabu bapostolu, kubatuutshishabu nkodi, kubakandika bua kabatedi kabidi dina dia Yezu. Nanku kubalekelabu.

Didimanyisha 21:8

Kadi bena bukata, bantu badi bavila Mvidi Mukulu, bamutombokela, bashipianganyi, benji ba malu a bundu, benji ba malu a majimbu, batendeledi ba nwidie, ne bena dishima bonsu, nebabele mu mayi manene atema kapia ka mvuanda. Mayi manene aa ke lufu luibidi.