Yowanane 9:16 - MUKANDA WA MYIDI MUKULU

¹⁶ Bamue Baparushe bavua bamba ne: — Muntu uvua muenze bualu bua nenku kena mua kufumina kudi Mvidi Mukulu to. Bualu kena utumikila mikenji ya dituku dia Dikisha. Kadi bakuabu bavua bamba ne: — Muntu muikale muena malu mabi, udi mua kuenza bishima bia nanku anyi? Ke kupanganganabu munkatshi muabu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Bafalese bakuabo bakamba ne, Muntu eu kena mufume kudi Nzambi, bualu bua yeye katu wajila dituku dia Lumingu. Kadi bakuabo bakakonka ne, Muntu udi mubi udi mumanye mua kuenza bimanyinu ebi munyi? Nunku bakatahuluka munkatshi muabo.

Yowanane 9:16 ပူးပေါင်းရင်းမြစ်များ

Matayi 12:10

Muntu uvuamu, muikale ne tshianza tshifulame. Bantu bavua muaba awu, bavua bakeba mua kufunda Yezu ne: mmuenze bibi. Ke pavuabu bamukonka ne: — Mikenji yetu idi yanyisha bua bajikije disama dia muntu dituku dia Dikisha anyi?

Matayi 12:2

Baparushe bamona nanku, kuambilabu Yezu ne: — Tangila, balongi bebe badi benza bualu, budi mikenji yetu mikandike dituku dia Dikisha.

Luke 13:14

Kadi mfumu wa nzubu wa kutendelela kufika munda, bualu Yezu mua mujikije disama dia mamu awu dituku dia Dikisha. Ke kuambilaye bantu ne: — Kudi matuku asambombu anudi mua kukuata mudimu. Nufike bua kujikija masama a bantu matuku awu, kadi ki ndituku dia Dikisha nansha!

Yowanane 10:19

Bena Yuda kutapulukangana tshiakabidi ku meyi aa.

Yowanane 14:11

Pandi nnuambila ne: ndi munda mua Tatu, kabidi Tatu udi munda muanyi, nungitabe. Nuitabile nansha bua malu aa andi ngenza.

Yowanane 15:24

Bu meme tshiyi muenzele munkatshi muabu midimu idi katshia muntu nansha umue kayi muanji kuenza, kabatua mua kupila nansha. Kadi mpindiewu mbamone midimu yanyi, kabidi badi batukina, Tatu wanyi ne meme.

Yowanane 2:11

Ke bualu bua dikema bua kumpala buvua Yezu muenze mu Kana mu buloba bua Ngalileya. Nanku kulejaye butumbi buende. Balongi bende kumuitaba.

Yowanane 3:2

Dituku dikuabu kufikaye kudi Yezu butuku, umuambila ne: — Mulongeshi, tudi bamanye ne: Mvidi Mukulu mmukutume bua kutulongesha. Bualu kakuena muntu udi mua kuenza malu a dikema bu muudi wenza wewe, padi Mvidi Mukulu kayi nende!

Yowanane 5:10

bamfumu ba bena Yuda kuambila muntu uvuabu bajikija disama diende ne: — Dituku edi ndia Dikisha. Mikenji yetu kayena mianyishe bua wewe kuambula tshiata tshiebe to.

Yowanane 5:36

Kadi meme, malu adi ajadika bulelela buanyi mmapite avua ajadika bulelela bua Yowanane. Malu andi ngenza, adi Tatu mumpeshe bua kuenza, ke adi ajadika bulelela buanyi, aleja kabidi ne: Tatu mmuntume.

Yowanane 6:52

Yeye mumane kuamba nanku, bena Yuda kuelangana mpata bikole, bakonkangana ne: — Mmunyi mudi muntu ewu mua kutupesha mubidi wende tuetu kuudia?

Yowanane 7:12

Bantu bavua belangana mpata bikole bualu buende. Bamue bavua bamba ne: “Mmuntu wa malu mimpe.” Bakuabu ne: “To, udi udinga bantu.”

Yowanane 7:23

Panudi nuteka muana wa balume panshi dituku dia Dikisha, bualu kanuena basue kunyanga mikenji ya Moshe, kadi nudi numfikila munda bua tshinyi, pandi meme mujikije disama dijima dia muntu dituku dia Dikisha?

Yowanane 7:43

Nanku bantu kuditapulula bua Yezu.

Yowanane 9:24

Baparushe kubikila muntu uvua mpofu awu tshiakabidi, kumuamba ne: — Uditshipe kumpala kua Mvidi Mukulu bua kuamba malu malelela. Tuetu tudi bamanye ne: muntu ewu udi muenji wa malu mabi.

Bienzedi 14:4

Ke bena mu tshimenga kuabulukangana: bamue banyisha bena Yuda, bakuabu bitaba bapostolu.