Yowanane 8:54 - MUKANDA WA MYIDI MUKULU

⁵⁴ Yezu kubandamuna ne: — Bu meme nditumbisha nkayanyi, butumbi buanyi kabuvua mua kuikala ne mushinga to. Udi untumbisha nTatu wanyi, Yeye unudi nuamba ne: “Udi Mvidi Mukulu wetu.”

Mukanda wa Nzambi Dihungila Dikulukulu ne Dihungila Dihia-dihia 2003

⁵⁴ Yesu wakabakudimuna ne, Binaditumbisha, butumbi buanyi budi tshianana; udi untumbisha nTatu wanyi; nuenu nudi numuamba ne, Yeye udi Nzambi wetu;

Yowanane 8:54 ပူးပေါင်းရင်းမြစ်များ

Nsumuinu 25:27

Ki mbimpe kudia buitshi kupitshisha, nansha kukeba lumu kuela ne nseka.

Yeshaya 66:5

Nuenu badi bateleja diyi dia Maweja-Nangila ne luzakalu, bamuitaba, umvuayi tshidiye unuambila. Nudi ne bena kuenu, badi banudiwula, banuipata munkatshi muabu, bualu nudi balamate Mvidi Mukulu. Badi banuamba, baseka ne: “Maweja-Nangila aleje bukole buende tumone munudi basanka!” Kadi bobu nebafue bundu.

Osheya 1:9

Maweja-Nangila kuambila Osheya ne: “Muana awu, umuinyike ne: Lowami, mmumue ne: Muenyi. Bualu nuenu bena Izrayele, kanuena kabidi bantu banyi. Meme tshiena kabidi wenu to.”

Yowanane 17:1

Yezu mumane kuakula nanku, kutangilaye mulu, wamba ne: — Tatu, diba ndimane kufika. Leja butumbi bua Muanebe, bua Muana aleje kabidi butumbi buebe.

Yowanane 17:5

Tatu, mpindiewu umpeshe ku mesu kuebe butumbi bumvua nabu kabayi banji kufuka buloba.

Yowanane 2:11

Ke bualu bua dikema bua kumpala buvua Yezu muenze mu Kana mu buloba bua Ngalileya. Nanku kulejaye butumbi buende. Balongi bende kumuitaba.

Yowanane 5:41

Meme tshiena nkeba bua bantu bantumbishe.

Yowanane 7:18

Muntu udi wakula mu dina diende nkayende udi udikebela lumu. Kadi muntu udi ukuata mudimu bua kutumbisha uvua mumutume, udi wamba malu malelela. Kena ushima ku bualu nansha bumue to.

Yowanane 7:39

(Yezu uvua uleja nanku Mueyelu wa Tshijila uvua bantu bavua bamuitaba ne bua kupeta. Bualu diba adi bantu kabavua banji kupeta Mueyelu wa Tshijila to, bualu Yezu kavua muanji kupeta butumbi buende).

Yowanane 8:41

Nudi nuenza midimu ya momumue ne idi tatuenu wenza. Bobu kumuandamuna ne: — Katuena bana balela mu buendenda to. Tudi amu ne Tatu umue, ke Mvidi Mukulu.

Yowanane 8:50

Tshiena ndikebela butumbi nansha. Kadi kudi mukuabu udi ubunkebela, ukosa kabidi nsambu.

Bienzedi 3:13

Kabiena nanku to! Mvidi Mukulu wa Abrahame, wa Izake, ne wa Yakobe, Mvidi Mukulu wa bankambua betu, mmuleje patoke butumbi budi muntu wende Yezu nabu. Nuenu kumufila kudi bamfumu, kumubenga kumpala kua Pilate. Kadi Pilate uvua musue kumulekela.

2 Korente 10:18

Bualu muntu udi udianyisha, kena ne mushinga nansha, kadi amu udi Mfumu muanyishe.

1 Petro 1:12

Mvidi Mukulu uvua mutanduile bambi abu ne: mukenji unudi ne bua kumanyisha bantu, kanuena nuulongesha bualu buenu to, kadi bua bantu bakuabu. Ke mudi bakobodi ba Lumu lua Disanka banumanyishelu mpindiewu ku bukole bua Mueyelu wa Tshijila udi Mvidi Mukulu mulume. Batumibue ba Mvidi Mukulu mene badi bajinga kumanya mukenji awu.

1 Petro 1:21

Kudi Kristu ke kunudi nuitabila Mvidi Mukulu, uvua mumubishe ku lufu, mumupe butumbi buende. Ke panudi nuitaba Mvidi Mukulu, nutekemena kabidi kudiye.

2 Petro 1:17

Diba divuaye mupete lumu ne butumbi kudi Mvidi Mukulu Tatu, tuvuapu. Diyi divua difuma ku butumbi bua kulu, diamba ne: “Ewu ke Muananyi undi munange. Udi unsankisha bikole.”