Yowanane 8:53 - MUKANDA WA MYIDI MUKULU

⁵³ Tatu wetu Abrahame ukadi mumane kufua. Wewe udi wela meji ne: udi mumupite anyi? Bambi kabidi mbamane kufua. Kadi wewe udi udimona bu nganyi?

Mukanda wa Nzambi Dihungila Dikulukulu ne Dihungila Dihia-dihia 2003

⁵³ Udi mutambe tatu wetu Abalahama wakafua, anyi? Baprofete kabidi bakafua, wewe udi udivuisha nganyi?

Yowanane 8:53 ပူးပေါင်းရင်းမြစ်များ

Yeshaya 9:6

Bukalenga buende nebutangalake, bena ditunga bende nebasombe mu bupole kashidi. Neashindame mu nkuasa wa lumu lua Davide, mpindiewu ne tshiendelele. Bumfumu buende nebutungunuke kashidi, bualu udi ulongolola malu bimpe, amu mudi Mvidi Mukulu ujinga. Ke bidi Maweja-Nangila muena bukole buonsu ukumbaja, bualu udi utunanga, kayi upungila.

Matayi 12:6

Kadi ndi nnujadikila ne: unudi nende apa mmupite ne nzubu wa Mvidi Mukulu!

Matayi 3:9

Kadi lekelayi kuela meji ne: “Tudi mua kupanduka ku dinyoka, bualu Abrahame nnkambua wetu.” Bualu ndi nnujadikila ne: mabue aa, Mvidi Mukulu udi mua kuandamuna ndelanganyi ya Abrahame!

Yowanane 10:33

Bena Yuda kuandamuna ne: — Katuena basue kukushipa ne mabue bua mudimu muimpe uudi ukuata, kadi bualu udi usendeka Mvidi Mukulu. Wewe udi amu muntu, kadi udi musue kudienza Mvidi Mukulu.

Yowanane 12:34

Bantu bavule kumuandamuna ne: — Tudi balonge mu Mikanda ya mikenji yetu ne: Meshiya neashale ne muoyi tshiendelele. Nanku muudi mua kuamba ne: Muana wa muntu nebamuele kulu mbishi? Awu Muana wa muntu nnganyi?

Yowanane 19:7

Bena Yuda kumuandamuna ne: — Tudi ne mikenji, bilondeshile mikenji eyi, muntu ewu udi ne bua kufua. Bualu uvua muambe ne: ndi Muana wa Mvidi Mukulu.

Yowanane 4:12

Nkambua wetu Yakobe ke uvua mutupeshe tshiina etshi. Yeye mene uvua munue mayi a mu tshiina atshi ne bana bende, kabidi ne bimuna biende. Wewe udi mupite Yakobe anyi?

Yowanane 5:18

Biangatshile ku diba adi, bamfumu ba bena Yuda bavua bakeba bikole kumushipa, bualu uvua mushipe mukenji wa dituku dia Dikisha, kabidi uvua muambe ne: Mvidi Mukulu ke Tatuanyi menemene, uditeka nanku mulongu umue ne Mvidi Mukulu.

Yowanane 8:58

Yezu kubandamuna ne: — Ndi nnujadikila ne: kabayi banji kulela Abrahame, meme “ndi mundi”.

Rome 9:5

Badi ba ku ndelanganyi ya bankambua. Kristu mu buntu buende udi wa ku tshisamba tshiabu. Yeye Mvidi Mukulu, udi ku mutu kua bionsu, atumbe kashidi. Amene.