Yowanane 8:43 - MUKANDA WA MYIDI MUKULU

⁴³ Tshinudi kanuyi numvuila bindi nnuambila ntshinyi? Bualu kanuena ne mushindu wa kuteleja miaku yanyi.

Mukanda wa Nzambi Dihungila Dikulukulu ne Dihungila Dihia-dihia 2003

⁴³ Munyi kanuena numanya mundi ngamba? Bualu bua kanuena bamanye mua kunvua dî dianyi,

Yowanane 8:43 ပူးပေါင်းရင်းမြစ်များ

Nsumuinu 28:5

Bantu babi kabena bajingulula njila ya buakane. Kadi badi batumikila Maweja-Nangila, badi bajingulula bionsu.

Yeshaya 44:18

Bantu aba badi mu mitu mitupu. Kabena bajingulula tshidibu benza to. Badi ne mesu mabuikila. Kabena basue kumona bimpe. Lungenyi luabu kaluena lukeba bulelela.

Yeshaya 6:9

Maweja-Nangila kuamba kabidi ne: — Uye kuambila bantu aba ne: “Nenuteleje, kadi kanuakumvua to. Nenutangile, kadi kanuakumona to.”

Yirmeya 6:10

Udi mua kunteleja nnganyi? Bena Yerushalayime badi ne matshi mapate. Kabena basue kuteleja ne ntema to. Maweja-Nangila bionsu biudi ubambila, badi babiangata mu bilele, babibenga kashidi.

Osheya 14:9

Bena Efrayime, mpingu idi inuenzela tshinyi? Meme ke udi upesha bena Efrayime bionsu bidibu balomba. Meme ke udi ubalama. Meme ndi mutshi wa siprese udi usasa matuku onsu kauyi uuma to. Meme ke udi ubapesha maminu.

Mika 4:12

Bantu aba kabena bamanye tshidi Maweja-Nangila mujadike. Kabena bajingulula meji ende: udi musue kubakunguja, mudibu basangisha bisumbu bia miepu ya ntete ya kuenza bukula, muaba udibu ne bua kuyishipuila.

Matayi 13:15

Bualu bena tshisamba etshi mbapapishe muoyi wabu, mbadijike matshi, mbabuikile mesu. Bu bobu kabayi benza nanku, mesu abu avua mua kumona, matshi abu avua mua kumvua, lungenyi luabu luvua mua kujingulula malu. Nanku bavua mua kupingana kundi, Meme kujikija masama abu.”

Yowanane 5:25

Ndi nnujadikila ne: tshikondu tshidi kumpala, ntshimane kufika mene, tshidi bantu bafue bumvue diyi dia Muana wa Mvidi Mukulu. Badi badiumvue nebikale ne muoyi.

Yowanane 5:43

Ndi mutumine kudi Tatu wanyi, kadi nuenu kanuena basue kungakidila. Kadi padi muntu mukuabu udiluila kunudi mu dina diende yeye nkayende, nudi numuakidila!

Yowanane 6:60

Balongi ba bungi bamane kumvua muvua Yezu muambe, kuambabu ne: — Dilongesha edi ndikole be! Udi mua kudilaba nnganyi?

Yowanane 7:17

Muntu udi musue kuenza tshidi Mvidi Mukulu musue, neajingulule mudi dilongesha dianyi difume kudi Mvidi Mukulu, nansha kundi meme nkayanyi.

Yowanane 8:27

Kabatua bajingulula ne: utua utela Tatu.

Yowanane 8:33

Bobu kumuandamuna ne: — Tuetu tudi ndelanganyi ya Abrahame. Katuena banji kuikala bapika ba muntu nansha. Mmunyi muudi utuamba ne: Nenuikale bantu badikadile?

Yowanane 8:39

Kumuandamunabu ne: — Tatuetu ke Abrahame. Yezu kubambila ne: — Bu nuenu bikale bana ba Abrahame, nuvua mua kukuata midimu ivuaye mukuate.

Bienzedi 7:51

Nuenu bantu ba mutu mukole, ba muoyi mupape, kanuena nuitaba ku lubila lua Mvidi Mukulu! Nudi amu nutombokela Mueyelu wa Tshijila! Muvua bankambua benu benza, ke munudi nuenza amu!

Rome 3:11

kakuena muntu udi umvua bualu, kakuena nansha umue udi ukeba Mvidi Mukulu.