Yowanane 8:41 - MUKANDA WA MYIDI MUKULU

⁴¹ Nudi nuenza midimu ya momumue ne idi tatuenu wenza. Bobu kumuandamuna ne: — Katuena bana balela mu buendenda to. Tudi amu ne Tatu umue, ke Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

⁴¹ Nutu nuenza bienzedi bia tatu wenu. Bakamuambila kabidi ne, Katuena baledibue mu masandi; tudi ne Tatu umue, Nzambi mene.

Yowanane 8:41 ပူးပေါင်းရင်းမြစ်များ

Ekesode 4:22

Wewe umanyishe mukalenga wa bena Ejipitu ne: Maweja-Nangila udi wamba ne: “Izrayele udi muananyi wa balume muanabute.

Yeshaya 63:16

Bualu amu wewe ke udi Tatu wetu. Abrahame nkambua wetu, kena mubimanye. Yakobe kena mutuvuluke. Kadi wewe, Maweja-Nangila, udi Tatu wetu, wewe ke udibu binyika ku kale kuonsu aku ne: “Mutusungidi wetu.”

Yeshaya 64:8

Maweja-Nangila, kutuleji tshiji tshipite bukole. Kuvuluki kashidi ntupakanyi itudi nayi. Tudi tukusengelela ne: vuluka mutudi bonsu bantu bebe.

Yirmeya 3:19

Meme Maweja-Nangila kuamba ne: Eyi, ndi musue, bua wikale muananyi muanabute. Ndi musue kukupa ditunga dimpe, ne bupianyi budi bupite bintu bionsu bia pa buloba! Meme kutekemena ne: Neumbikile ne: “Tatu wanyi.” Kuakumbenga kabidi to.

Yirmeya 31:20

Maweja-Nangila udi wamba ne: Efrayime ke muananyi musuibue, ke muana undi mupite kunanga. Misangu yonsu indi ntela dina diende, ndi mmuvuluka tshiyi mua kumupua muoyi. Ndi mumunange bikole, tshiena ne mushindu wa kubenga kumufuila luse.

Osheya 1:2

Teleja malu avua Maweja-Nangila mutuadije kumanyisha Osheya, bua ambile bena Izrayele. Uvua mumuambile ne: “Uye kusela mukaji muena tshiendenda. Bana bawalela ne mukaji awu, nebalonde bibidilu bibi bia mamuabu. Bualu bena Izrayele bonsu mbambenge meme Maweja-Nangila, basue kuikala bena tshiendenda.”

Malaki 1:6

— Meme Maweja-Nangila wa bukole buonsu, ndi ngambila batuangaji ne: Muana wa balume udi unemeka tatuende, muena mudimu udi unemeka mfumuende. Kadi meme tshiena tatuenu anyi? Tshiena mfumuenu anyi? Nanku kanuena nunnemeka, kanuena nuntshina bua tshinyi? Nudi numpetula, nunkonka ne: “Tudi bakupetule munyi?”

Malaki 2:11

Bena Yuda mbupule ndondu uvuabu batue. Mbenzele malu mabi mu Yerushalayime, ne mu ditunga dijima dia Izrayele. Bualu mbapetule muaba wa tshijila, udi Maweja-Nangila munange. Mbasele bakaji badi batendelela nwidie ya bisamba bikuabu.

Yowanane 8:38

Ndi ngamba bi-vua Tatu wanyi mundeje. Kadi nuenu nudi nuenza bivua tatuenu munuambile.

Yowanane 8:44

Diabolu ke tatuenu. Nudi basue kuenza bidi tatuenu ujinga. Biangatshile ku tshibangidilu uvua mushipianganyi. Katshia ki mmuanji kushala mu bulelela, bualu bulelela kabuena munda muende. Padiye wamba malu a dishima, malu awu ke adi munda muende, bualu udi mudingianganyi, kabidi tatuende wa dishima.

Dielulula 14:1

Nuenu bena Izrayele, panudi mu madilu, kanuena mua kuditapa nsalu, nansha kukungula pa lubombu to. Bualu nudi bana ba Maweja-Nangila Mvidi Mukulu wenu.

Dielulula 32:6

Nudi bantu ba tshianana, kanuyi lungenyi! Munudi nuenzela Maweja-Nangila nanku mbishi? Kena Tatuenu, kena mufuki wenu anyi? Kena munusungule, bua nuikale bantu bende anyi?

1 Yone 3:12

Katuikadi bu Kayine uvua muntu wa Muena bubi, ushipa muanabu. Wakamushipa bua tshinyi? Bualu malu avua Kayine wenza avua mabi. Avua muanabu wenza avua mimpe.