Yowanane 8:31 - MUKANDA WA MYIDI MUKULU

³¹ Ke Yezu kuambila bena Yuda batua bamuitaba ne: — Panudi nuitaba muenu muonsu dilongesha dianyi, nenuikale bulelela balongi banyi.

Mukanda wa Nzambi Dihungila Dikulukulu ne Dihungila Dihia-dihia 2003

³¹ Yesu wakambila Bena Yuda bakuitabusha dî diandi ne, Binuashala mu di dianyi, nudi bayidi banyi bulelela;

Yowanane 8:31 ပူးပေါင်းရင်းမြစ်များ

Matayi 24:13

Kadi wananukila too ne ku ndekelu, nebamusungidile.

Yowanane 1:47

Yezu umona Natanayele ufika kudiye, kuambaye ne: — Ke muena Izrayele mulelela udi kayi ne dishima nansha dikese munda muende.

Yowanane 2:2

Bavua babikilemu kabidi Yezu ne balongi bende.

Yowanane 6:55

Bualu mubidi wanyi udi tshiakudia tshilelela, mashi anyi adi tshiakunua tshilelela.

Yowanane 8:36

Padi Muana unupikula, nenuikale bantu badikadile bulelela.

Bienzedi 13:43

Ditendelela dimane kujika, bena Yuda bavule, ne bantu ba bisamba bikuabu bavua bamane kubuela mu Tshisumbu tshia bena ditaba ba bena Yuda, kulondabu Polu ne Barnabase. Bobu abu bavua bayukila nabu, babakolesha ku muoyi, bua bashindame mu ditaba divuabu bapete kudi Mvidi Mukulu.

Bienzedi 14:22

Bavua bakolesha balongi ku muoyi, bua bananukile mu ditaba, babambila ne: — Tudinebua kumvua makenga mavule, bua tuetu kubuela mu Bukalenga bua Mvidi Mukulu.

Bienzedi 26:22

Kadi Mvidi Mukulu uvua mundame too ne ku lelu. Ke muntshidi mua kujadikila bantu bonsu, bana ne bakulumpe, malu a Mvidi Mukulu. Ndi ndongesha amu bivua bambi ne Moshe bamanyishe bantu ne:

Rome 11:22

Tangilayi mudi Mvidi Mukulu ne luse, kabidi ne disu dikole. Udi ne disu dikole kudi bavua balenduka, ukufuila wewe luse. Kadi wewe udi ne bua kunanukila ne dimunanga. Tshianana udi mua kukukosa ne wewe kabidi, kukumusha ku mutshi.

Rome 2:7

Bavua bananukila mu dienza dia malu mimpe ke bavua bakeba butumbi, lumu, ne bidi kabiyi bifua. Neabapeshe muoyi wa tshiendelele.

Kolose 1:23

Kadi nudi ne bua kunanukila mu ditaba, bashindamemu, kanuyi nutenkakana. Kanujimiji ditekemena dinu-vua bapete, katshia banumanyisha Lumu lua Disanka. Ke Lumu lua Disanka luvuabu balongeshe bantu bonsu, kabidi lundi meme Polu ngenzela mudimu, muvua Mvidi Mukulu musue.

1 Timote 2:15

Kadi nebasungidile mukaji bua buledi buende, padiye unanukila mu ditaba ne mu dinanga, wenza amu ne bupuekele malu a tshijila adi Mvidi Mukulu musue.

1 Timote 4:16

Udilame biakane. Ulongolole bimpe dilongesha diebe. Unanukilemu. Wewe muenze nanku, neudisungidile, neusungidile kabidi bantu badi bakuteleja.

2 Timote 3:14

Kadi wewe, vuluka amu bimpe bivuabu bakulongeshe, biuvua muitabe, mujadike. Udi mumanye kabidi bavua bakulongeshabi.

Ebrewu 3:14

Bualu tudi tuenda pamue ne Kristu mu njila, patudi tulama ne muoyi umue ditekemena dietu dia ku tshibangidilu too ne ku ndekelu.

Ebrewu 8:9

Kakuikala bu ndondu umvua mutue ne bankambua babu, dituku dimvua mubakuate ku diboku, bua kubapatula mu Ejipitu. Kabavua balame ndondu ewu umvua mutue nabu. Nanku meme kubalengulula. Ke mundi meme Maweja-Nangila njadika nanku.

Yakobe 1:25

Kadi muntu udi ukenketa ne ntema mikenji mimpe idi itupikula, kayi uyiteleja patupu amu bua kuyipua muoyi, kadi uyenza, muntu awu Mvidi Mukulu neamuele lupemba mu midimu yende.

1 Yone 2:19

Bantu aba kabavua hetu menemene to. Bobu bikale hetu, bavua mua kushala netu. Kadi mbumuke kutudi. Ke padibu baleje patoke ne: nansha umue wa kudibu kavua wetu menemene.

1 Yone 2:24

Nanku nulame bimpe munda muenu miaku inuvua bumvue biangatshile ku ntuadijilu. Pikala miaku inuvua bumvua biangatshile ku ntuadijilu ayi mishale munda muenu, nuenu kabidi nenushale mu bobumue ne Muana, kabidi ne Tatu.

2 Yone 1:9

Muntu yonsu udi kayi witaba ne dinanukila bidi Kristu ulongesha, kadi uya kua tshianana, kena ne Mvidi Mukulu to. Muntu udi witaba amu bidi Kristu ulongesha, udi ne Tatu, kabidi ne Muana.

1 Samuele 12:14

Mpindiewu, nenuikale bena diakalenga anu panuikala banemeka Maweja-Nangila Mvidi Mukulu wenu, numuenzela mudimu, numutumikila kanuyi numutombokela, nukumbaja mikenji yende, nuenu ne mukalenga wenu, numulonda.