Yowanane 8:29 - MUKANDA WA MYIDI MUKULU

²⁹ Utua muntume udi pamue nanyi. Kavua mundekelele nkayanyi nansha, bualu ndi ngenza matuku onsu malu adi amusankisha.

Mukanda wa Nzambi Dihungila Dikulukulu ne Dihungila Dihia-dihia 2003

²⁹ Wakuntuma udi neanyi; kakunshia nkayanyi, bualu bua matuku onso ntu ngenza malu adi amusankisha.

Yowanane 8:29 ပူးပေါင်းရင်းမြစ်များ

Yeshaya 42:1

Maweja-Nangila udi wamba ne: Tangila muntu wanyi. Ndi mumukoleshe. Ndi mumunange, mumusungule. Ndi mumuwuje ne Mueyelu wanyi, bua kumanyishaye bukua bisamba bilenga bindi mulongoluele bantu.

Yeshaya 42:21

Maweja-Nangila uvua musue kupandisha bantu bende. Ke pavuaye ubalongesha mikenji yende minene mimpe.

Yeshaya 42:6

“Meme Maweja-Nangila, mvua mukubikile, bua ukumbaje meji andi nawu. Meme ndi nkuambuluisha. Mvua mukuenze, bua utuadile bantu bupole, ukumbaje bimvua mulaye bantu, wikale butoke munkatshi mua matunga.

Matayi 17:5

Patshivua Petro wakula, divuba dikenka kubabuikila. Diyi kumvuika mu divuba ne: — Ewu ke Muananyi menemene, undi munange. Yeye udi unsankisha bikole. Numuteleje.

Matayi 3:15

Kadi Yezu kumuandamuna ne: — Kuanji kubenga to. Tuetu benze bionsu ebi, netukumbaje tshidi Mvidi Mukulu ulomba. Nanku Yowanane kuanyisha.

Matayi 3:17

Ke diyi kumvuika mu diulu, diamba ne: — Ewu ke Muananyi undi munange. Yeye ke udi unsankisha bikole.

Yowanane 14:31

Kadi bidi bimpe bua ba pa buloba bamanye ne: ndi munange Tatu, kabidi ndi ngenza mudi Tatu untumina diyi. Jukayi, tumukayi apa!

Yowanane 15:10

Panudi nutumikila mikenji yanyi, nenushale mu dinanga dianyi, mumvua mutumikile mikenji ya Tatu, nshala mu dinanga diende.

Yowanane 16:32

Kadi tshikondu netshifike, — ntshimane kufika mene — tshianutangalajabu bonsu buenu, muntu yonsu ku nzubu kuende. Nenunshiye nkayanyi. Kadi tshiena nkayanyi to, bualu Tatu udi nanyi.

Yowanane 17:4

Mvua muleje butumbi buebe pa buloba. Ndi mujikije mudimu uuvua mumpeshe bua kuenza.

Yowanane 4:34

Yezu kubambila ne: — Tshianyi tshiakudia nkukumbaja dijinga dia uvua muntume, kabidi nkujikija mudimu uvuaye mumfundile bua kuenza.

Yowanane 5:30

— Tshiena mua kudienzela bualu nansha bumue to. Ndi nkosa nsambu bilondeshile bidi Mvidi Mukulu ungambila. Ndi nkosa nsambu pa yoyi, bualu tshiena nkeba kuenza tshindi musue, kadi amu tshidi uvua muntume musue.

Yowanane 6:38

Bualu ndi mufume mu diulu bua kuenza tshidi udi muntume musue, ki mbua kuenza tshindi meme musue to.

Yowanane 8:16

Kadi nansha meme mukose nsambu, ndi nyikosa amu pa yoyi, bualu tshiena nkayanyi bua kukosa nsambu to, kadi Tatu uvua muntume udi pamue nanyi.

2 Timote 4:17

Kadi Mfumu uvua pabuipi nanyi. Uvua munkoleshe mu maboku, bua mmone mua kukobola Lumu lua Disanka amu mudilu, kulumvuija bantu bonsu ba bisamba bikuabu. Mvidi Mukulu mmumpandishe mukana mua nyama wa ntambue.

2 Timote 4:22

Mfumu ikale nebe. Dinanga dia Mvidi Mukulu dishindame munda muenu.

Ebrewu 4:15

Katuena ne mutuangaji munene udi mupange kukenga netu mu butekete buetu. Kadi mutuangaji wetu munene, bavua bamuteta mu bionsu mudibu batuteta tuetu. Kadi yeye kavua muenze bubi.

Ebrewu 7:26

Nenku Yezu udi mutuangaji munene utuvua tukengela. Udi wa tshijila. Munda muende kamuena bualu bubi nansha bumue. Kena muenze tshilema nansha tshimue. Uvua mutapuluke ne benji ba malu mabi. Kumubandishabu ku mutu kua diulu.

1 Yone 2:1

Bana banyi, ndi nnufundila malu aa, bua kanuenji bibi. Kadi pikala muntu wenza bibi, tudi ne mutulumbuluidi wetu kudi Tatu: ke Yezu Kristu udi kayi ne tshilema.

1 Yone 3:22

Bionsu bitudi tulomba, tudi tubipeta kudiye, bualu tudi tulonda mikenji yende, tuenza tshidiye musue.