Yowanane 8:20 - MUKANDA WA MYIDI MUKULU

²⁰ Yezu uvua muambile bantu miaku eyi, pavuaye ulongesha mu nzubu wa Mvidi Mukulu, mu tshibambalu tshiyuabu balamina mishete ya kuela makuta a kulambula Mvidi Mukulu. Muntu nansha umue kavua mumukuate, bualu diba diende kadivua dianji kukumbana.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Yeye wakamba mei â mu muaba wa tshibutshilu tshia mu ntempelo, hakadiye uyisha bantu mu ntempelo; muntu kakamukuata, bualu bua diba diandi kadiakadi dianze kulua.

Yowanane 8:20 ပူးပေါင်းရင်းမြစ်များ

1 Kulondolola 9:26

Balami ba biibi bavua ne bamfumu babu banayi. Bavua bena Levi, bavua ne mudimu wa kulama bibambalu ne biuma bia mu nzubu wa Mvidi Mukulu.

Matayi 26:55

Diba mene adi Yezu kukonka bantu ne: — Nuvua ne bua kufika ne miele ne mitshi bua kunkuata meme anyi? Ndi muivi anyi? Mvua ndongesha matuku onsu mu nzubu wa Mvidi Mukulu, kadi kanuena bankuate to.

Matayi 27:6

Bamfumu ba batuangaji kuangula nkanu ayi, bamba ne: — Mikenji yetu kayena mianyishe bua kuela nkanu eyi mu tshibutshilu tshia mu nzubu wa Mvidi Mukulu, bualu mmushinga mufume ku mashi a bantu.

Marke 12:41

Yezu uvua musombe buludiludi ne mushete wa milambu ya mu nzubu wa Mvidi Mukulu, kumonaye muvua bantu bavule belamu makuta. Bantu babanji ba bungi bavua bela makuta a bungi.

Marke 12:43

Ke Yezu kubikila balongi bende, ubambila ne: — Ndi nnujadikila ne: mukaji mukamba mupele ewu mmuele mu mushete mulambu mupite wa bantu bakuabu bonsu.

Luke 20:19

Balongeshi ba mikenji ne bamfumu ba batuangaji bavua bakeba kukuata Yezu diba adi. Bualu bavua bamanye ne: Yezu mmutuelele tuetu lusumuinu elu. Kadi bavua batshina bantu.

Luke 21:1

Yezu ukenzakana, kumonaye bena biuma bela milambu yabu mu mushete mu nzubu wa Mvidi Mukulu.

Yowanane 10:39

Bavua bakeba kabidi kumukuata, kadi yeye kongoloka.

Yowanane 2:4

Kadi Yezu kumuandamuna ne: — Mamu, wewe ke ukadi ungambila tshindi ne bua kuenza anyi? Diba dianyi ki ndianji kukumbana.

Yowanane 7:14

Matuku a tshibilu akavua pankatshikatshi, ke Yezu kubuela mu nzubu wa Mvidi Mukulu, kubanga kulongesha.

Yowanane 7:30

Nanku bantu bavua basue kumukuata. Kadi muntu nansha umue kavua mua kumupeta, bualu diba dia kumukuata kadivua dianji kukumbana.

Yowanane 7:44

Bamue ba kudibu bavua basue kumukuata. Kadi muntu nansha umue kavua umulenga pambidi.

Yowanane 7:8

Nuye nuenu ku tshibilu. Meme tshiena nya ku tshibilu etshi to, bualu dianyi diba kadiena dianji kufika.

Yowanane 8:2

Butshia dinda dionsu, kupinganaye mu nzubu wa Mvidi Mukulu. Bantu bavule kutantshila kudiye. Yezu usomba kubangaye kubalongesha.

Yowanane 8:59

Kuambulabu mabue bua kumuasa. Kadi Yezu kusokoma, kupatuka mu nzubu wa Mvidi Mukulu.