Yowanane 8:2 - MUKANDA WA MYIDI MUKULU

² Butshia dinda dionsu, kupinganaye mu nzubu wa Mvidi Mukulu. Bantu bavule kutantshila kudiye. Yezu usomba kubangaye kubalongesha.

Mukanda wa Nzambi Dihungila Dikulukulu ne Dihungila Dihia-dihia 2003

² Dinda yeye wakalua mu ntempelo kabidi, bantu bonso bakalua kudiye; wakashikama, wakabayisha:

Yowanane 8:2 ပူးပေါင်းရင်းမြစ်များ

Muambi 9:10

Ukuate mudimu, usanke ne bionsu biudi mua kupeta. Bualu ku bajangi kuwaya kabena benzaku mudimu, kabena belanganaku meji, kabena bamanya malu, kabena bela meji mene to.

Yirmeya 25:3

— Kutuadija ku tshidimu tshia dikumi ne tshinayi tshivua Yoshiya, muana wa Amone, mu bukalenga bua bena Yuda too ne lelu, kukadi bidimu makumi abidi ne bisatu bindi nnubela, tshiyi ndekela, nnuambuluila amu malu adi Maweja-Nangila ummanyisha. Kadi kanuena nuateleja to.

Yirmeya 32:33

Pa mutu pa kupingana kundi meme, badi amu bambenga. Eku meme mvua mbabela amu kubabela. Kadi muntu nansha umue kena muitabe, ki mmuteleje mene mibelu yanyi.

Yirmeya 44:4

Meme kunutumina bambi misangu ne misangu, bena mudimu banyi, bua nulekele kuenza malu mabi andi mubenge.

Matayi 26:55

Diba mene adi Yezu kukonka bantu ne: — Nuvua ne bua kufika ne miele ne mitshi bua kunkuata meme anyi? Ndi muivi anyi? Mvua ndongesha matuku onsu mu nzubu wa Mvidi Mukulu, kadi kanuena bankuate to.

Luke 21:37

Dituku dionsu Yezu uvua ulongesha bantu mu nzubu wa Mvidi Mukulu. Kadi dilolu uvua ubanda pa mukuna wa Olive, ushalamu butuku bujima.

Luke 21:38

Dinda dionsu bantu bonsu bavua bafika mu nzubu wa Mvidi Mukulu bua kumuteleja.

Luke 4:20

Nanku Yezu kuvunga mukanda, kuupingajila uvua muulame. Kusombaye. Bantu bonsu bavua mu nzubu wa ditendelela wa bena Yuda kushala bamulengamena.

Luke 5:3

Yezu kubuela mu buatu bukuabu buvua bua Simone. Kumulombaye ne: “Semena kakese ne buatu mu mayi.” Ke Yezu kusomba mu buatu amu, ulongesha bantu.

Yowanane 4:34

Yezu kubambila ne: — Tshianyi tshiakudia nkukumbaja dijinga dia uvua muntume, kabidi nkujikija mudimu uvuaye mumfundile bua kuenza.

Yowanane 8:20

Yezu uvua muambile bantu miaku eyi, pavuaye ulongesha mu nzubu wa Mvidi Mukulu, mu tshibambalu tshiyuabu balamina mishete ya kuela makuta a kulambula Mvidi Mukulu. Muntu nansha umue kavua mumukuate, bualu diba diende kadivua dianji kukumbana.

Yowanane 8:3

Balongeshi ba mikenji ne Baparushe kumutuadila mukaji uvuabu bajikidile wenda buendenda. Kumutekabu kumpala kua bantu bonsu.

Bienzedi 5:21

Bapostolu kuitaba. Dinda dionsu kubuelabu mu nzubu wa Mvidi Mukulu, kutuadija kulongesha bantu. Pinapu mutuangaji munene ne bavuaye nabu, kusangishabu bakulu ba bena Yuda bonsu mu Tshipangu tshikulu. Pashishe kutumabu bantu bua baye kuangata bapostolu mu nzubu wa lukanu.