Yowanane 8:18 - MUKANDA WA MYIDI MUKULU

¹⁸ Ndi ndijadikila bualu buanyi, kabidi Tatu uvua muntume udi ujadika bualu buanyi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Meme ndi ndiamba, ne Tatu wakuntuma udi untamba.

Yowanane 8:18 ပူးပေါင်းရင်းမြစ်များ

Dibadika 35:30

“Bua kufundila mushipianganyi tshibawu tshia lufu, anu pikalabu bajadike tshilumbu atshi kudi bantu ba bungi, kadi ki nkudi muntu umue to.

Yowanane 10:11

Ndi mulami muimpe wa mikoku. Mulami muimpe wa mikoku udi ufuila mikoku yende.

Yowanane 10:14

Ndi mulami muimpe wa mikoku. Mudi Tatu mummanye, kabidi mundi mumanye Tatu, ke mundi mumanye mikoku yanyi, mikoku yanyi kabidi idi mimmanye. Ndi mfila kabidi muoyi wanyi bua mikoku yanyi.

Yowanane 10:30

Tatu ne meme tudi tshintu tshimue.

Yowanane 10:9

Ndi tshiibi. Muntu udi ubuelela kundi neapande. Neabuele, neapatuke, neapete kabidi tshiakudia tshiende.

Yowanane 11:25

Yezu kumuambila ne: — Meme ke udi ubisha bantu ku lufu, ubapesha muoyi. Muntu yonsu udi ungitaba, neikale ne muoyi, nansha yeye ufua.

Yowanane 14:6

Yezu kumuandamuna ne: — Ndi njila, ndi bulelela, ndi muoyi. Muntu nansha umue kena mua kuya kudi Tatu kayi mupitshile kundi.

Yowanane 8:12

Yezu kulongesha kabidi bantu, ubambila ne: — Meme ndi butoke bua badi pa buloba. Muntu udi undonda katshia kena wenda mu miidima, kadi neikale ne butoke bua muoyi.

Yowanane 8:25

Kumukonkabu ne: — Wewe udi nganyi? Yezu kubandamuna ne: — Amu mumvua munuambile biangatshile ku tshibangidilu, ke mundi.

Yowanane 8:38

Ndi ngamba bi-vua Tatu wanyi mundeje. Kadi nuenu nudi nuenza bivua tatuenu munuambile.

Yowanane 8:51

Ndi nnujadikila ne: muntu udi utumikila miaku yanyi, katshia kena ufua to.

Yowanane 8:58

Yezu kubandamuna ne: — Ndi nnujadikila ne: kabayi banji kulela Abrahame, meme “ndi mundi”.

Ebrewu 2:4

Mvidi Mukulu uvua kabidi mujadike bulelela bua bivuabu bambe ku bishima ne ku malu a kukema a mishindu yonsu. Uvua muabanye kabidi mapa a kudi Mueyelu wa Tshijila muvuaye musue.