Yowanane 7:37 - MUKANDA WA MYIDI MUKULU

³⁷ Dituku dia ndekelu dia tshibilu divua dituku dinene dipite. Dituku adi, Yezu kuimana kulu kumpala kua bantu tshisumbu tshinene, wela diyi dikole ne: — Pikala muntu ne nyota, alue kundi, anue.

Mukanda wa Nzambi Dihungila Dikulukulu ne Dihungila Dihia-dihia 2003

³⁷ Hakalua dituku dia kunshikidilu dia disanka, diakadi dituku dinene, Yesu wakimana, wakela dî diandi bikole ne, Bikala muntu ne nyota, alue kundi, anue.

Yowanane 7:37 ပူးပေါင်းရင်းမြစ်များ

Nehemya 8:18

Dituku dionsu dia tshibilu, biangatshile dituku dia kumpala too ne dia ndekelu, bavua babala bualu mu mukanda wa mikenji ya Mvidi Mukulu. Tshibilu tshivua tshinenga matuku muanda mutekete. Nanku dituku dia muanda mutekete adi divua dia tshisangilu tshinene, bu muvua mikenji mibafundile.

Misambu 143:6

Ndi ngolola bianza kuudi, ndiumvua ku mesu ebe ne nyota bu buloba buume bukeba mayi.

Misambu 42:2

Bu mudi ngulungu udila, ukeba mayi mimpe a musulu, ke mudi muoyi wanyi ukujinga wewe Mvidi Mukulu wanyi.

Misambu 63:1

Musambu wa mu mukanda wa misambu ya Davide. Mmuusake pavuaye musokome mu tshipela tshia Yuda.

Nsumuinu 1:20

Meji adi ela diyi mu misesu, akula bikole mu bisalu.

Nsumuinu 8:1

Kanuena bumvua anyi? Meji adi ela lubila. Lungenyi ludi luela diyi dikole.

Nsumuinu 8:17

Ndi munange badi bannanga. Badi bankebelamu nebampete.

Nsumuinu 8:3

Miaba yonsu idi bantu bapitshila mu tshimenga, nangananga ku biibi bia tshimenga, Meji adi ela lubila ne:

Nsumuinu 9:3

Meji kutuma bakaji bena mudimu bende, bua baye mu bisalu, babikila bantu, bela diyi ne:

Musambu wa Solomo 5:1

Muanetu wa bakaji, mubangila wanyi, ndi mbuela mu budimi buanyi, mpolamu mire wanyi, ne mitshi ya mupuya muimpe, ndilamu buitshi buanyi, nnuinamu maluvu ne mabele anyi. “Balunda banyi, nudie, nunue, dinanga dinukuate.”

Yeshaya 12:3

Nenusune mayi a disanka, ku mpokolu ya lupandu.

Yeshaya 40:2

Nukoleshe bena Yerushalayime ku muoyi! Nubele mbila, nubambile ne: “Midimu yenu mikole yajiki! Nudi bafute tshibawu tshienu. Maweja-Nangila mmununyoke misangu ibidi dinyoka dijima dinuvua ne bua kupeta.”

Yeshaya 40:6

Diyi didi diamba ne: “Ambila bantu malu!” Meme kuebeja ne: “Mbambile tshinyi?” “Bantu bonsu badi bapita lukasa bu bisosa. Nansha bobu ne bukole, badi bashala nabu katupa, bu tshilongu tshia mu budimi.

Yeshaya 44:3

Bualu nempuekeshe mayi mu ditunga didi kadiyi mayi. Nempatule tusulu mu buloba buume. Nengitshikije Mueyelu wanyi pa bana bebe. Nengele ndelanganyi yebe lupemba.

Yeshaya 55:1

Luayi, nuenu bonsu badi ne nyota. Ndi nnupa mayi a kunua. Nansha nuenu kanuyi ne makuta. Luayi, nuangate biakudia. Kanuena ne bua kubisumba to! Angatayi mvinyo nansha mabele anu tshianana, kanuyi nufuta!

Yeshaya 55:3

Ntelejayi meme. Luayi kundi. Umvuayi diyi dianyi, nenuikale ne muoyi. Maweja-Nangila udi wamba ne: “Ndi ntua nenu ndondu wa kashidi. Ndi musue kunuenzela bilenga bimvua mulaye Davide.

Yeshaya 58:1

Maweja-Nangila udi wamba ne: Ela lubilu lukole. Kulekedi to. Diyi diebe difike kule, bu mudi muadi wa mpungi. Vuluija bantu banyi mudibu bantombokela. Manyishayi ndelanganyi ya Yakobe bilema biayi.

Yirmeya 16:19

— Maweja-Nangila, wewe udi umpesha bukole. Wewe udi undama. Mu tshikondu tshia dikenga, ndi mua kunyemena kuudi. Bantu ba bisamba bikuabu nebafike kuudi wewe, bafuma ku nshikidilu wa buloba. Diba adi nebambe ne: “Bankambua betu bavua anu ne mvidie ya dishima. Mvidie yabu ivua anu lupepele, kayivua mua kuambuluisha muntu nansha umue.

Yirmeya 2:2

— Yirmeya, uye kumanyisha muntu yonsu udi mu Yerushalayime ne: Maweja-Nangila udi wamba ne: Ndi muvuluke mushindu uuvua kale. Ndi muvuluke muuvua mundamate, pautshivua nsongakaji! Uvua munnange bikole, patutshivua babangilangane! Uvua undonda mu tshipela, muaba udi kauyi utoloka tshintu.

Yezekiyele 47:9

Muaba onsu udi mayi awu afika, nyama ya mishindu yonsu, kabidi ne mishipa, neyivulangane. Mayi awu nealengeje mayi manene. Muaba onsu udiwu abuela neafile muoyi.

Lewitiki 23:36

Lumingu alu lujima nundambule milambu ya kuosha ku dituku dionsu. Kadi dituku dia muanda mukulu, kanuenji mudimu to. Nudisange kabidi bua kunnemeka, anu bu munuvua badisange dituku dia kumpala. Nundambule kabidi milambu ya kuosha.

Lewitiki 23:39

“Nanku panuikala bamane kunowa biakudia, matuku dikumi ne atanu a ngondu wa muanda mutekete, nungenzele tshibilu tshia lumingu lujima. Nuikishe dituku dia kumpala, ne dia muanda mukulu dia tshibilu etshi.

Mika 6:9

Telejayi bidi Maweja-Nangila wambila badi basomba mu tshimenga: Badi bangata mibelu yende ne mushinga, neabasungidile. “Nuenu bena tshisamba tshia Yuda, nuenu bonsu badi badisangisha mu tshimenga, telejayi!

Zekâya 9:15

Maweja-Nangila wa bukole buonsu, nealame bantu bende, nealokeshe mvula ya mabue, bua kubutula ne kuzaza baluishi babu. Nebitshikije mashi a baluishi babu panshi, bu mudibu bitshikija pa matumba a tshilambuilu maluvu, nansha mashi a nyama ya milambu, adi tente mu makopu a kumiamina nawu.

Dibadika 29:35

“Kadi dituku dia muanda mukulu, dia tshibilu, ndituku dia kudisangisha musangu wa ndekelu. Dituku adi kanuenji mudimu.

Matayi 11:28

Vuayi kundi, nuenu bonsu badi bapungile ne bujitu bunudi nuambula. Meme nelumpeteshe dikisha.

Matayi 3:3

Yowanane ke muntu uvuabu batele kudi muambi Yeshaya ne: “Ndi ngumvua diyi dia muntu, wela lubila mu tshipela ne: Longoluelayi Maweja-Nangila njila, numuenzele njila milulame!

Matayi 5:6

Bantu badi bajinga muabu muonsu mua kukumbaja bidi Mvidi Mukulu musue, ke bena diakalenga, bualu Mvidi Mukulu neabakumbajile bionsu bidibu bajinga!

Yowanane 1:23

Yowanane kuandamuna ne: — Ndi “Diyi dia muntu udi wela lubila mu tshipela ne: Longololayi njila wa Maweja-Nangila bimpe!” (Ke bivua muambi Yeshaya muambe.)

Yowanane 14:6

Yezu kumuandamuna ne: — Ndi njila, ndi bulelela, ndi muoyi. Muntu nansha umue kena mua kuya kudi Tatu kayi mupitshile kundi.

Yowanane 4:10

Yezu kumuandamuna ne: — Bu wewe mumanye bidi Mvidi Mukulu upeshangana, mumanye kabidi muntu udi ukulomba mayi a kunua, wewe ke uvua mua kumulomba mayi, yeye kukupesha mayi a muoyi.

Yowanane 4:11

Mukaji kumuambila ne: — Mulongeshi, kuena ne mbeketshi, kabidi tshiina tshidi tshiondoke. Kadi mayi a muoyi udi mua kuapeta bishi?

Yowanane 4:14

Kadi wanua mayi andi mmupesha meme, kakumvua kabidi nyota tshiendelele. Bualu mayi andi umupesha, neenze munda muende mpokolu wa muoyi wa tshiendelele.

Yowanane 5:40

Kadi kanuena basue kufika kundi bua kupeta muoyi mulelela.

Yowanane 6:35

Ke Yezu kubambila ne: — Meme ndi diampa dia muoyi. Muntu udi ulua kundi kakufua nzala to. Udi ungitaba kakufua nyota nansha.

Yowanane 6:37

Muntu yonsu wa ku badi Tatu umpesha neafike kundi. Yonsu udi ufika kundi, tshiakumuipata to.

Yowanane 6:55

Bualu mubidi wanyi udi tshiakudia tshilelela, mashi anyi adi tshiakunua tshilelela.

Yowanane 7:28

Diba adi Yezu uvua ulongesha mu nzubu wa Mvidi Mukulu. Kuelaye diyi dikole ne: — Nuenu nudi baajingulule meme, bamanye menemene kundi mfuma anyi? Tshiena mudivuile mu dina dianyi to. Kadi uvua muntume, nudi mua kutekemena kudiye. Nuenu kanuena bamumanye.

1 Korente 10:21

Kanuena mua kunuina mu dikopu dia Mfumu, kunuina kabidi mu dikopu dia mikishi mibi. Kanuena mua kudila ku mesa a Mfumu, kudila kabidi ku mesa a mikishi mibi nansha.

1 Korente 10:4

Bavua banua bonsu biakunua bia momumue bidi kabiyi bimueneka. Bualu bayua banua mayi a ku lubuebue kaluyi lumueneka, luvua luenda nabu. Lubuebue alu ke Kristu.

1 Korente 11:25

Momumue, bobu bamane kudia, kuangataye dikopu, wamba ne: “Dikopu edi didi ndondu mupiamupia wa Mvidi Mukulu, udi mashi anyi ajadika. Misangu yonsu inudi nunuinamu, nuenze nanku bua kumvuluka.”

1 Korente 12:13

Buonsu buetu, bena Yuda nansha bantu ba bisamba bikuabu, bapika nansha bantu badi benza malu mudibu basue, bavua batutue mu mayi, bua tuetu kuenza mubidi umue ku bukole bua Mueyelu wa Tshijila. Mbatuwuje kabidi bonsu ne Mueyelu umuepele ewu.

Efeze 5:18

Kanukuatshiki maluvu. Bualu bunuavi budi bunufikisha anu ku buenzavi. Kadi ikalayi ne Mueyelu wa Tshijila munda muenu tente.

Didimanyisha 21:6

Kuambaye kabidi ne: — Miaku yanyi mmimane kukumbana! Ndi Alfa ne Omega, ntuadijilu ne ndekelu. Udi ne nyota, nemmupeshe tshiakunua, kayi ufuta. Nemmupeshe mayi a ku mpokolu wa mayi a muoyi.

Didimanyisha 22:1

Mutumibue wa Mvidi Mukulu kundeja musulu udi ne mayi a muoyi, ubalakana bu lusoka lua kristale. Musulu awu udi upatuka ku nkuasa wa butumbi wa Mvidi Mukulu, ne wa Muana wa mukoku,

Didimanyisha 22:17

Mueyelu wa Tshijila, ne Mukaji udi ubuela mu dibaka, badi bamba ne: “Luaku!” Udi mumvue muaku ewu, ambe kabidi ne: “Luaku!” Muntu udi ne nyota, asemene pabuipi. Muntu udi ujinga kunua mayi a muoyi, nebamupewu tshianana.