Yowanane 7:31 - MUKANDA WA MYIDI MUKULU

³¹ Kadi ba bungi ba ku bavua muaba awu, kumuitaba. Bavua bakonkangana ne: “Pafika Meshiya, neenze bishima bipite bivua muntu ewu muenze anyi?”

Mukanda wa Nzambi Dihungila Dikulukulu ne Dihungila Dihia-dihia 2003

³¹ Bantu ba bungi ba mu tshisumbu bakamuitabusha, bakakonka ne, Halua Kilisto, nenze bimanyinu bitambe ebi bidi muntu eu wenza, anyi?

Yowanane 7:31 ပူးပေါင်းရင်းမြစ်များ

Matayi 12:23

Bantu bonsu bavua bakatshila bivua Yezu wenza, bebejangana ne: — Muntu awu udi mua kuikala Muana wa Davide anyi?

Luke 8:13

Bakuabu, bidi bibenzekela bu mudi ntete idi imata mu buloba bua mabue. Badi bumvua muaku wa Mvidi Mukulu, bawakidila ne disanka. Kadi muaku ewu kawena ushindama munda muabu. Badi bitaba anu bua matuku makese. Padi dikenga dibakuata, badi bajimija ditaba.

Yowanane 11:45

Bena Yuda ba bungi ba munkatshi mua bavua balue kudi Mariya, bamone bivua Yezu muenze, kumuitababu.

Yowanane 12:11

Bualu bena Yuda ba bungi bavua bumuke kudibu bualu buende, bitabe Yezu.

Yowanane 12:42

Kadi nansha munkatshi mua bamfumu ba bena Yuda, ba bungi kuitaba Yezu. Kadi kabavua badileja patoke. Bualu bavua batshina Baparushe bavua mua kubipata mu nzubu wa kutendelela.

Yowanane 2:11

Ke bualu bua dikema bua kumpala buvua Yezu muenze mu Kana mu buloba bua Ngalileya. Nanku kulejaye butumbi buende. Balongi bende kumuitaba.

Yowanane 3:2

Dituku dikuabu kufikaye kudi Yezu butuku, umuambila ne: — Mulongeshi, tudi bamanye ne: Mvidi Mukulu mmukutume bua kutulongesha. Bualu kakuena muntu udi mua kuenza malu a dikema bu muudi wenza wewe, padi Mvidi Mukulu kayi nende!

Yowanane 4:29

— Luayi numone muntu uvua mungambile malu onsu amvua muenze. Bumue udi mua kuikala Meshiya anyi?

Yowanane 4:39

Bena Samariya ba bungi ba mu tshimenga etshi kuitaba Yezu bualu mukaji uvua mubambile ne: “Muntu ewu mmungambile bionsu bimvua muenze.”

Yowanane 6:2

Bantu ba bungi bavua bamulonda. Bualu bavua bamone bishima bivuaye wenza pavuaye ujikija masama a bantu.

Yowanane 7:26

Kadi tangilayi: udi wakula kumpala kua bantu bonsu, kakuyi muntu umuenza bualu! Bamfumu betu mbajadike bulelela ne: udi Meshiya anyi?

Yowanane 9:16

Bamue Baparushe bavua bamba ne: — Muntu uvua muenze bualu bua nenku kena mua kufumina kudi Mvidi Mukulu to. Bualu kena utumikila mikenji ya dituku dia Dikisha. Kadi bakuabu bavua bamba ne: — Muntu muikale muena malu mabi, udi mua kuenza bishima bia nanku anyi? Ke kupanganganabu munkatshi muabu.

Bienzedi 8:13

Simone kabidi kuitaba. Kumutuabu mu mayi. Kushalaye pabuipi ne Filipe. Uvua ukema bua bishima binene ne malu a dikema bivua bienzeka, yeye mumone.

Yakobe 2:26

Bualu bu mudi mubidi ufua padiwu kauyi ne mueyelu wa muoyi, ke mudi ditaba difua, padidi kadiyi didileja mu bitudi tuenza.