Yowanane 7:30 - MUKANDA WA MYIDI MUKULU

³⁰ Nanku bantu bavua basue kumukuata. Kadi muntu nansha umue kavua mua kumupeta, bualu diba dia kumukuata kadivua dianji kukumbana.

Mukanda wa Nzambi Dihungila Dikulukulu ne Dihungila Dihia-dihia 2003

³⁰ Bakakeba mua kumukuata; kadi muntu kakamulenga tshianza, bualu bua diba diandi kadiakadi dianze kulua.

Yowanane 7:30 ပူးပေါင်းရင်းမြစ်များ

Misambu 76:10

paudi ujuka bua kumanyisha dipangadika diebe, dia kusungidila bantu bapuekele ba pa buloba.

Yeshaya 46:10

Ku tshibangidilu tshia bionsu, ndi mudianze kuamba tshindi ngipatshila. Ndi mudianze kuamba amu ku kale, bivua kabiyi bianji kuenzeka. Ndi ngamba ne: Tshindi ngela meji, ndi ntshikumbaja. Tshionsu tshindi musue, ndi ntshienza.

Matayi 12:14

Ke Baparushe kupatuka mu nzubu, kuya kuelela Yezu tshifufu, bua kumanya muvuabu mua kumushipesha.

Matayi 21:46

Nenku kukebabu muvuabu mua kumukuata. Kadi bavua batshina bantu, bualu bantu bavua bitabe ne: Yezu mmuambi.

Marke 11:18

Batuangaji banene ne balongeshi ba mikenji bumvua bualu abu, kukebabu mushindu wa kushipesha Yezu. Kadi bavua bamutshina, bualu bantu bavule bavua bakema bikole bua dilongesha diende.

Luke 20:19

Balongeshi ba mikenji ne bamfumu ba batuangaji bavua bakeba kukuata Yezu diba adi. Bualu bavua bamanye ne: Yezu mmutuelele tuetu lusumuinu elu. Kadi bavua batshina bantu.

Luke 22:53

Matuku onsu mvua nenu mu nzubu wa Mvidi Mukulu. Kanuena bakebe kunkuata nansha. Kadi diba edi ndienu, didi miidima ileja bukole buayi.

Yowanane 10:31

Bena Yuda kuambula tshiakabidi mabue bua kumuasa.

Yowanane 10:39

Bavua bakeba kabidi kumukuata, kadi yeye kongoloka.

Yowanane 11:57

Bamfumu ba batuangaji ne Baparushe bavua bamane kuela mukenji ne: Muntu yeye mumanye muaba udi Yezu, amanyishe bua tumone mua kumukuata.

Yowanane 7:19

Moshe uvua munuelele mikenji. Ki mmomu anyi? Kadi kakuena muntu wa kunudi nansha umue udi utumikila mikenji eyi. Kadi nudi nukeba kunshipa bua tshinyi?

Yowanane 7:32

Baparushe kumvua bantu bavule banungana bua Yezu. Ke bamfumu ba batuangaji ne Baparushe kutuma basolayi bua kumukuata.

Yowanane 7:6

Yezu kubambila ne: — Dianyi diba kadiena dianji kufika to. Kadi buenu nuenu, diba dionsu ndimpe.

Yowanane 7:8

Nuye nuenu ku tshibilu. Meme tshiena nya ku tshibilu etshi to, bualu dianyi diba kadiena dianji kufika.

Yowanane 8:20

Yezu uvua muambile bantu miaku eyi, pavuaye ulongesha mu nzubu wa Mvidi Mukulu, mu tshibambalu tshiyuabu balamina mishete ya kuela makuta a kulambula Mvidi Mukulu. Muntu nansha umue kavua mumukuate, bualu diba diende kadivua dianji kukumbana.

Yowanane 8:37

Ndi mumanye ne: nudi ndelanganyi ya Abrahame. Kadi nudi nukeba kunshipa, bualu kanuena banyishe dilongesha dianyi.

Yowanane 8:59

Kuambulabu mabue bua kumuasa. Kadi Yezu kusokoma, kupatuka mu nzubu wa Mvidi Mukulu.

Yowanane 9:4

Patutshidi mu munya, tudi ne bua kukuata midimu ya uvua muntume. Butuku bukadi pa kuila, budi muntu nansha umue kayi mua kukuata mudimu.