Yowanane 7:3 - MUKANDA WA MYIDI MUKULU

³ Bana babu ne Yezu kumuambila ne: — Umuka munemu, uye mu Yudeya bua balongi bebe kabidi bamone midimu iudi ukuata.

Mukanda wa Nzambi Dihungila Dikulukulu ne Dihungila Dihia-dihia 2003

³ Bana babo ba difu dimue bakamuambila ne, Umuka kunoko, ya mu Yudaya bua bayidi bebe kabidi bamone malu a kukema audi wenza.

Yowanane 7:3 ပူးပေါင်းရင်းမြစ်များ

Genese 37:20

tumushipe, tuimanshe tshitalu tshiende mu tshiina. Nefushime ne: mbamudie kudi nyama wa lonji. Nanku netumone tshidi bilota biende bimuenzela.

Yirmeya 12:6

Bualu nansha bantu bena diku diebe, nansha bana benu mene mbakuyile tshitungu. Badi bakunguja bantu ba kukuluisha, wewe kuyi mumanye. Wadimuke padibu bakuambila miaku ya lubombu!

Matayi 12:46

Yezu utshivua wakula ne bantu, ke mamuende ne bana babu ba balume kufika. Bavua bimanyine pambelu, balomba mua kuyukila nende.

Marke 3:21

Baledi bende bumvue nanku, kuyabu bua kumuangata, bualu bavua bamba ne: “Yezu mmumane kujimija lungenyi!”

Marke 3:31

Mamu ne bana babu ne Yezu kufikabu. Bavua bimanyine pambelu. Kutumabu muntu bua kumubikila.

Luke 8:19

Mamu ne bana babu ne Yezu kuya kudiye. Kadi kabavua mua kufika pabuipi nende bua bungi bua bantu.

Luke 8:20

Ke bantu bakuabu kumanyisha Yezu ne: — Mamuebe ne bana benu badi pambelu, bakeba kumonangana nebe.

Yowanane 2:2

Bavua babikilemu kabidi Yezu ne balongi bende.

Yowanane 6:60

Balongi ba bungi bamane kumvua muvua Yezu muambe, kuambabu ne: — Dilongesha edi ndikole be! Udi mua kudilaba nnganyi?

Yowanane 6:66

Biangatshile ku diba adi, bantu ba bungi kumbukabu kudiye. Kabavua bamulonda kabidi to.

Yowanane 7:10

Bana babu ne Yezu bamane kuya ku tshibilu atshi, Yezu kabidi kuyamu mu musokoku, kayi musue kudileja kudi bantu.

Yowanane 7:4

Muntu kena usokoka bidiye wenza padiye musue bua bamumanye. Bu muudi wenza midimu minene nanku, enza bua bantu bonsu bakumone.

Yowanane 7:5

(Bana babu mene kabavua bamuitaba to).

Bienzedi 2:14

Ke Petro kujuka kulu, pamue ne bapostolu bakuabu dikumi ne umue, kuambilaye bantu ne diyi dikole ne: — Nuenu bena Yuda, nuenu bonsu kabidi badi basomba mu Yerushalayime, ntelejayi bimpe, bua nnumvuije bidi bienzeka ebi.

1 Samuele 17:28

Kadi, Eliyabe muanabute, mukulu wa Davide, kumvua muvua Davide wakula ne bena mvita, kufikaye munda, ukonka Davide ne: — Udi mufike kuneku bua tshinyi? Mikoku yebe ayi udi mushile nganyi mu thipela? Ndi mukumanye bimpe. Udi kana ka tshianana, kena lutambishi. Uvua mufike kuneku amu bua kumona mvita!