Yowanane 7:19 - MUKANDA WA MYIDI MUKULU

¹⁹ Moshe uvua munuelele mikenji. Ki mmomu anyi? Kadi kakuena muntu wa kunudi nansha umue udi utumikila mikenji eyi. Kadi nudi nukeba kunshipa bua tshinyi?

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Mose kakanuha mikenshi, anyi? Kadi kakuena umue wenu udi uyenza. Nudi nukebela kushihela tshinyi?

Yowanane 7:19 ပူးပေါင်းရင်းမြစ်များ

Matayi 12:14

Ke Baparushe kupatuka mu nzubu, kuya kuelela Yezu tshifufu, bua kumanya muvuabu mua kumushipesha.

Matayi 21:38

Kadi bavua ne budimi bamona muana, kuambilanganabu ne: “Ke washala muena budimi wawa. Tuyayi, mmushipe! Nanku netushale ne budimi buende kashidi!”

Marke 11:18

Batuangaji banene ne balongeshi ba mikenji bumvua bualu abu, kukebabu mushindu wa kushipesha Yezu. Kadi bavua bamutshina, bualu bantu bavule bavua bakema bikole bua dilongesha diende.

Marke 3:4

Ke kukonkaye bantu bavua batangila ne: — Mikenji yetu mmianyishe tshinyi? Mbua kuenza malu mimpe dituku dia Dikisha, anyi mbua kuenza malu mabi dituku adi? Mbua kupandisha muntu anyi mbua kumushipa? Kadi bobu kabavua basue kuandamuna.

Marke 3:6

Baparushe kupatuka mu nzubu wa kutendelela wa bena Yuda, kudisangisha diakamue ne bantu badi batua ku tshia Erode, bua kukebabu mushindu udibu mua kushipa Yezu.

Yowanane 1:17

Mvidi Mukulu uvua mutuelele mikenji idi Moshe mutumanyishe. Kadi dinanga ne bulelela mbifika kudi Yezu Kristu.

Yowanane 10:39

Bavua bakeba kabidi kumukuata, kadi yeye kongoloka.

Yowanane 11:53

Biangatshile dituku adi, bamfumu ba bena Yuda kujadikabo bua kushipesha Yezu.

Yowanane 5:16

Bamfumu ba bena Yuda kufikila Yezu munda bikole, bualu uvua muenze bualu ebu dituku dia Dikisha.

Yowanane 5:18

Biangatshile ku diba adi, bamfumu ba bena Yuda bavua bakeba bikole kumushipa, bualu uvua mushipe mukenji wa dituku dia Dikisha, kabidi uvua muambe ne: Mvidi Mukulu ke Tatuanyi menemene, uditeka nanku mulongu umue ne Mvidi Mukulu.

Yowanane 5:45

Kadi kanuedi meji ne: nennufunde kudi Tatu wanyi. Moshe unudi batekemene awu, ke wanufunda.

Yowanane 7:1

Pashishe Yezu kuendakana mu ditunga dia Ngalileya. Kavua musue kualukila mu Yudeya, bualu bamfumu ba bena Yuda bavua basue kumushipa.

Yowanane 7:25

Bena mu Yerushalayime bakuabu bavua bakonka ne: — Muntu ewu bamfumu bavua bakeba kumushipa, ki mmomumue anyi?

Bienzedi 7:38

Moshe ke uvua pamue ne bena Izrayele mu tshipela: uvua pankatshi pa bankambua betu ne mutumibue wa Mvidi Mukulu, uvua wakula nende pa mukuna wa Sinayi. Mvidi Mukulu kumumanyisha miaku idi mua kumpetesha muoyi. Moshe kuyifikisha kutudi.

Ngalate 3:19

Kadi mbele mikenji bua tshinyi? Bavua bayisakidile ku dilaya bua kuleja patoke malu adi Mvidi Mukulu kayi musue. Ivua ne bua kunenga too ne pafika muntu wa ku ndelanganyi ya Abrahame, uvuabu batela mu dilaya adi. Batumibue bavua bafikisha mikenji eyi kudi muntu, bua ayileje bantu bakuabu.

Ngalate 6:13

Bantu aba badi batekangana panshi, kabena balonda mikenji mikuabu. Badi basue bua banuteke panshi, bua bamone mua kuditambisha ne: tuetu ke bavua babenzeje nanku.

Dielulula 1:17

Nukose tshilumbu anu muditshi. Nuteleje muntu yonsu, mubanji ne mupele, kakuyi kansungansunga. Kanutshinyi muntu pa kukosa tshilumbu, bualu nudi nulumbuluisha mu dina dia Mvidi Mukulu. Pikala tshilumbu tshinupita, nufike natshi kundi bua meme kutshiumvua!”

Dielulula 33:4

Mikenji idi Moshe mutupe, ke tshiuma tshia ndelanganyi ya Yakobe.