Yowanane 7:18 - MUKANDA WA MYIDI MUKULU

¹⁸ Muntu udi wakula mu dina diende nkayende udi udikebela lumu. Kadi muntu udi ukuata mudimu bua kutumbisha uvua mumutume, udi wamba malu malelela. Kena ushima ku bualu nansha bumue to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Wadiambila udi ukeba butumbi buandi; kadi wakeba butumbi bua wakumutuma udi biandi muntu mulelela, kena ne bualu bubi munda.

Yowanane 7:18 ပူးပေါင်းရင်းမြစ်များ

Nsumuinu 25:27

Ki mbimpe kudia buitshi kupitshisha, nansha kukeba lumu kuela ne nseka.

Dibadika 11:29

Moshe kuandamuna ne: — Lekela kungumvuila mukawu! Meme ndi njinga ne: Maweja-Nangila apeshe bena Izrayele bonsu Mueyelu wende bua bikale bonsu bambi!

Matayi 6:9

Nutendelele mushindu ewu: “Tatu wetu udi mu diulu, dina diebe dia tshijila ditumbe;

Yowanane 11:4

Yezu mumane kumvua lumu elu, kuambaye ne: — Disama dia Lazare ki ndia lufu to. Didi bua kuleja mudi bukole bua butumbi bua Mvidi Mukulu, kabidi bua kutumbisha Muana wa Mvidi Mukulu.

Yowanane 12:28

Tatu, tumbisha dina diebe! Kumvuabu diyi difumina mu diulu ne: — Ndi mumane kuditumbisha, nenditambishe tshiakabidi.

Yowanane 12:43

Bavua basue nangananga bua bantu babanyishe, pa mutu pa kukeba bua Mvidi Mukulu abanyishe.

Yowanane 5:41

Meme tshiena nkeba bua bantu bantumbishe.

Yowanane 8:54

Yezu kubandamuna ne: — Bu meme nditumbisha nkayanyi, butumbi buanyi kabuvua mua kuikala ne mushinga to. Udi untumbisha nTatu wanyi, Yeye unudi nuamba ne: “Udi Mvidi Mukulu wetu.”

1 Tesalonike 2:6

Katuvua bakebe bua nuenu, nansha bua bantu bakuabu batutumbishe.

1 Petro 4:11

Muntu udi ulongesha Lumu lua Disanka, amanyishe bantu miaku ya Mvidi Mukulu. Udi wambuluisha bantu, enze mudimu awu ne bukole budi Mvidi Mukulu umupesha. Nanku Mvidi Mukulu neatumbe, mu malu onsu anudi nuenza, kudi Yezu Kristu, udi ne butumbi, kabidi ne bukole tshiendelele! Amene.

1 Yone 2:29

Nudi bamanye ne: Kristu ki mmuenze bualu bubi nansha bumue. Nanku nudi ne bua kumanya kabidi ne: muntu yonsu udi wenza malu mimpe, udi muana wa Mvidi Mukulu.