Yowanane 7:17 - MUKANDA WA MYIDI MUKULU

¹⁷ Muntu udi musue kuenza tshidi Mvidi Mukulu musue, neajingulule mudi dilongesha dianyi difume kudi Mvidi Mukulu, nansha kundi meme nkayanyi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Bitabusha muntu kuenza bu mudi Nzambi musue, yeye neamanye diyisha edi, ne ndia Nzambi, anyi ndi ndiambila nkayanyi.

Yowanane 7:17 ပူးပေါင်းရင်းမြစ်များ

Misambu 119:10

Wewe ngundi nkeba bua kuitaba ne muoyi wanji mujima, kundekedi bua nsesuke ku meyi ebe.

Misambu 25:12

Maweja-Nangila nealeje muntu udi umunemeka, njila udiye ne bua kusungula.

Misambu 25:14

Badi bitaba Maweja-Nangila, udi ubamanyisha malu ende masokome, ubalongesha mudi ndondu wende.

Nsumuinu 28:5

Bantu babi kabena bajingulula njila ya buakane. Kadi badi batumikila Maweja-Nangila, badi bajingulula bionsu.

Nsumuinu 3:32

Bualu Maweja-Nangila udi udiwula bantu badi benza malu mabi, kadi udi umvuangana ne bantu bakane.

Yeshaya 35:8

Koku aku, nekuikale njila. Nebamuinyike ne: “Njila wa tshijila”. Muntu mupie mikiya kakupitshilaku to. Mutendeledi wa mvidie kakuendakanamu to. Njila awu neikale mutekela bantu ba Maweja-Nangila, patuadijabu luendu luabu.

Danyele 12:10

Nebumbushe bantu ba bungi mikiya. Nebabatokeshe. Makenga neabalengeje. Bantu babi, badi kabayi mua kujingulula malu, nebatungunuke ne dienza dia malu abu mabi. Kadi bantu ba lungenyi nebajingulule malu adi enzeka.

Osheya 6:3

Tuenzayi muetu muonsu bua kumanya Maweja-Nangila, tukumbaje bidiye musue. Difika diende ndimane kujadika, anu bu mudi butuku butshia misangu yonsu. Neafike bua kutuambuluisha, bu mudi mvula mbedi uloka, bua kutalaja buloba.”

Mika 4:2

Bisamba bia bungi bia bantu nebiyemu. Nebambilangane ne: “Tuyayi ku mukuna wa Maweja-Nangila, tubuelayi mu nzubu wa Mvidi Mukulu wa Yakobe. Yeye neatulongeshe tshitudi ne bua kuenza, tuetu netulonde njila udiye utuleja. Bualu dilongesha dia Maweja-Nangila didi difuma mu Siyone, bidiye wamba bidi bipatuka mu Yerushalayime.

Matayi 6:22

— Mesu adi bu muendu wa mubidi. Pikala mesu ebe amona bimpe, mubidi webe mujima udi mu butoke.

Luke 8:15

Kadi bantu bakuabu, bidi bibenzekela bu mudi ntete idi imata mu buloba buimpe. Badi bateleja muaku wa Mvidi Mukulu, bawakidila ne muoyi muimpe, baukumbaja. Bu mudibu bananukila nanku, badi bakuama bimuma.

Yowanane 3:21

Kadi muntu udi wenza malu malelela, udi ufika padi butoke, bua bantu bamone patoke ne: udi wenza malu ende bimpe, utumikila Mvidi Mukulu.

Yowanane 8:43

Tshinudi kanuyi numvuila bindi nnuambila ntshinyi? Bualu kanuena ne mushindu wa kuteleja miaku yanyi.

Yowanane 8:44

Diabolu ke tatuenu. Nudi basue kuenza bidi tatuenu ujinga. Biangatshile ku tshibangidilu uvua mushipianganyi. Katshia ki mmuanji kushala mu bulelela, bualu bulelela kabuena munda muende. Padiye wamba malu a dishima, malu awu ke adi munda muende, bualu udi mudingianganyi, kabidi tatuende wa dishima.

Yowanane 8:47

Muntu wa Mvidi Mukulu udi uteleja miaku ya Mvidi Mukulu. Kadi nuenu kanuena ba Mvidi Mukulu to. Ke panudi kanuyi nunteleja.

Bienzedi 17:11

Bena Bereya bavua bantu ba disanka, bapite bena Yuda ba mu tshimenga tshia Tesalonike. Bavua bateleja muaku wa Mvidi Mukulu ne ntema. Dituku dionsu bavua babala Mikanda ya tshijila, bua kujadika bivua Polu wamba ne bidi bilelela.