Yowanane 7:15 - MUKANDA WA MYIDI MUKULU

¹⁵ Bena Yuda bavua bakatshila, bamba ne: — Mmunyi mudi muntu ewu mumanye malu bungi nenku, kayi mulonge mikanda.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Bena Yuda bakakema ne, Muntu eu udi mumanye mikanda, kai muanze kuiyila, munyi?

Yowanane 7:15 ပူးပေါင်းရင်းမြစ်များ

Yeshaya 29:12

Badi baupesha kabidi muntu udi kayi mumanye mua kubala ne: “Tubadileku mukanda ewu.” Kadi yeye neandamune ne: “Tshiena mumanye mua kubala mukanda to.”

Matayi 13:54

kuyaye mu tshimenga tshiyuabu bamukoleshe. Uvua ulongesha mu nzubu wa kutendelela. Bantu bonsu bavua bamuteleja, bavua bakema, bebejangana ne: — Meji a nanku mmuapete kuepi? Munyi mudiye mua kuenza bishima bia mushindu ewu?

Matayi 22:22

Bamane kumvua muvua Yezu muandamune, kukemabu bikole. Kumushiyabu, kuya.

Matayi 22:33

Bantu bavule bavua bamuteleja, kukemabu bikole bua bivuaye mulongeshe.

Luke 2:47

Bantu bonsu bavua bamuteleja, bavua bakema lungenyi luende, ne ngandamuna avuaye wandamuna.

Luke 4:22

Bantu bonsu bavua bamukema, bakatshila bua miaku ya pa dinanga ivuaye muambe. Bavua bakonkangana ne: — Yeye ki mmuana wa Yozefe anyi?

Yowanane 1:19

Telejayi muvua Yowanane muandamune bamfumu ba bena Yuda ba mu Yerushalayime pavuabu batume batuangaji ne bena Levi kudiye bua kumukonka ne: — Wewe udi nganyi?

Yowanane 7:11

Bamfumu ba bena Yuda bavua bamukeba mu tshibilu atshi, bakonkangana ne: — Udi penyi?

Yowanane 7:13

Kadi kakuvua muntu nansha umue uvua umutela patoke, bualu bavua batshina bamfumu ba bena Yuda.

Yowanane 7:46

Basolayi kuandamuna ne: — Katshia muntu kena muanji kuakula bu muntu ewu!

Bienzedi 26:24

Patshivua Polu ndilumbuluila nanku, Festuse kumuela diyi dikole ne: — Polu, udi mupale anyi? Malu mapite bungi audi mulonge mmanyange lungenyi luebe!

Bienzedi 4:13

Bena Tshipangu tshikulu bavua bakema bikole, pavuabu bumvua Petro ne Yowanane badilumbuluila bimpe, bashindika bivuabu bamba. Bualu bavua bamanye ne: bantu aba mbantu bashadile, kabayi balonge mikanda. Bavua bajadike kabidi ne: ke bantu bavua bendakana ne Yezu.

1 Samuele 10:11

Bantu bonsu bavua bamane kumanya Shawule kuonsu eku, bamumona uja maja, wela mbila munkatshi mua bambi, kukonkanganabu ne: “Tshidi tshienzekela muana wa Kishe ntshinyi? Kadi Shawule pende ukadi muambi anyi?”