Yowanane 7:14 - MUKANDA WA MYIDI MUKULU

¹⁴ Matuku a tshibilu akavua pankatshikatshi, ke Yezu kubuela mu nzubu wa Mvidi Mukulu, kubanga kulongesha.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Kadi hankatshi ba matuku a disanka, Yesu wakalua mu ntempelo, wakayisha bantu.

Yowanane 7:14 ပူးပေါင်းရင်းမြစ်များ

Malaki 3:1

Telejayi mudi Mvidi Mukulu wa bukole buonsu unuandamuna ne: “Ndi ntuma muntu wanyi ne mukenji bua kundongoluelaye njila. Maweja-Nangila unudi nujinga neafike lukasa mu nzubu wende. Muntu udi ne mukenji unudi bindile awu, neanumanyishe ndondu undi mutue nenu. Nyeye awu ukadi ulua!”

Dibadika 29:17

“Biangatshile ku dituku dibidi too ne dia muanda mutekete, nundambule dituku dionsu bimuna bidi kabiyi ne bulema pambidi, pamue ne milambu mikuabu. Nusakidile milambu eyi ku mulambu wa kuosha wa ku dituku dionsu: Dituku dibidi: nundambule ngombe dikumi ne ibidi, mikoku ya tshimpanga ibidi, bana ba mikoku dikumi ne banayi, badi bamane kukumbaja tshidimu tshijimu, kabidi ne mbuji wa mpumbu umue. Dituku disatu: nundambule ngombe milume dikumi ne umue, mikoku ya bimpanga ibidi, bana ba mikoku dikumi ne banayi, badi bamane kukumbaja tshidimu tshijima, kabidi ne mbuji wa mpumbu umue. Dituku dinayi: nundambule ngombe milume dikumi, mikoku ya bimpanga ibidi, bana ba mikoku dikumi ne banayi, badi bamane kukumbaja tshidimu tshijima, kabidi ne mbuji wa mpumbu umue. Dituku ditanu: nundambule ngombe milume tshitema, mikoku ya bimpanga ibidi, bana ba mikoku dikumi ne banayi, badi bamane kukumbaja tshidimu tshijima, kabidi ne mbuji wa mpumbu umue. Dituku disambombu: nundambule ngombe milume muanda mukulu, mikoku ya bimpanga ibidi, bana ba mikoku dikumi ne banayi, badi bamane kukumbaja tshidimu tshijima, kabidi ne mbuji wa mpumbu umue. Dituku dia muanda mutekete: nundambule ngombe milume muanda mutekete, mikoku ya bimpanga ibidi, bana ba mikoku dikumi ne banayi, badi bamane kukumbaja tshidimu tshijima, kabidi ne mbuji wa mpumbu umue.

Matayi 21:12

Yezu kubuela mu nzubu wa Mvidi Mukulu. Kuipataye mu nzubu amu bantu bonsu bavua basumbisha bintu, ne bavua babisumba. Kutonkolaye mesa a bashintudi ba makuta, ne nkuasa ya basumbishi ba nyunyi ya nkudimba.

Matayi 26:55

Diba mene adi Yezu kukonka bantu ne: — Nuvua ne bua kufika ne miele ne mitshi bua kunkuata meme anyi? Ndi muivi anyi? Mvua ndongesha matuku onsu mu nzubu wa Mvidi Mukulu, kadi kanuena bankuate to.

Luke 19:47

Matuku onsu Yezu uvua ulongesha mu nzubu wa Mvidi Mukulu. Bamfumu ba batuangaji, balongeshi ba mikenji, ne bakulu ba mu tshisamba, bavua bakeba muvuabu mua kumushipesha.

Yowanane 18:20

Yezu kumuandamuna ne: — Mvua muambile bantu bonsu malu amu patoke. Mvua mulongeshe misangu mivule mu nzubu ya kutendelela ya bena Yuda, ne mu nzubu wa Mvidi Mukulu, muaba udi bena Yuda bonsu basangila. Tshivua muakule bualu nansha bumue mu musokoku.

Yowanane 5:14

Pashishe Yezu kusambakena ne muntu awu mu nzubu wa Mvidi Mukulu. Kumuambilaye ne: — Teleja. Disama diebe ndijike mpindiewu. Kuenji bualu bubi kabidi, bua bualu bupite bubi kabukukuatshi nansha.

Yowanane 7:2

Tshibilu tshia bena Yuda tshia tuzubu tua Bisasa tshikavua pabuipi.

Yowanane 7:28

Diba adi Yezu uvua ulongesha mu nzubu wa Mvidi Mukulu. Kuelaye diyi dikole ne: — Nuenu nudi baajingulule meme, bamanye menemene kundi mfuma anyi? Tshiena mudivuile mu dina dianyi to. Kadi uvua muntume, nudi mua kutekemena kudiye. Nuenu kanuena bamumanye.

Yowanane 7:37

Dituku dia ndekelu dia tshibilu divua dituku dinene dipite. Dituku adi, Yezu kuimana kulu kumpala kua bantu tshisumbu tshinene, wela diyi dikole ne: — Pikala muntu ne nyota, alue kundi, anue.

Yowanane 8:2

Butshia dinda dionsu, kupinganaye mu nzubu wa Mvidi Mukulu. Bantu bavule kutantshila kudiye. Yezu usomba kubangaye kubalongesha.

Yowanane 8:20

Yezu uvua muambile bantu miaku eyi, pavuaye ulongesha mu nzubu wa Mvidi Mukulu, mu tshibambalu tshiyuabu balamina mishete ya kuela makuta a kulambula Mvidi Mukulu. Muntu nansha umue kavua mumukuate, bualu diba diende kadivua dianji kukumbana.