Yowanane 7:1 - MUKANDA WA MYIDI MUKULU

¹ Pashishe Yezu kuendakana mu ditunga dia Ngalileya. Kavua musue kualukila mu Yudeya, bualu bamfumu ba bena Yuda bavua basue kumushipa.

Mukanda wa Nzambi Dihungila Dikulukulu ne Dihungila Dihia-dihia 2003

¹ Hakashika malu â, Yesu wakadi wendakana mu Galela; kakadi wendakana mu Yudaya, bualu bua Bena Yuda bakadi bakeba mua kumushiha.

Yowanane 7:1 ပူးပေါင်းရင်းမြစ်များ

Matayi 10:23

Panukengeshabu mu tshimenga kampande, nuye kusokomena mu tshikuabu. Ndi nnujadikila bulelela ne: Muana wa muntu neafike, kanuyi banji kujikija mudimu wenu mu bimenga bionsu bia bena Izrayele.

Matayi 21:38

Kadi bavua ne budimi bamona muana, kuambilanganabu ne: “Ke washala muena budimi wawa. Tuyayi, mmushipe! Nanku netushale ne budimi buende kashidi!”

Marke 11:18

Batuangaji banene ne balongeshi ba mikenji bumvua bualu abu, kukebabu mushindu wa kushipesha Yezu. Kadi bavua bamutshina, bualu bantu bavule bavua bakema bikole bua dilongesha diende.

Yowanane 1:19

Telejayi muvua Yowanane muandamune bamfumu ba bena Yuda ba mu Yerushalayime pavuabu batume batuangaji ne bena Levi kudiye bua kumukonka ne: — Wewe udi nganyi?

Yowanane 4:3

Ke Yezu kumuka mu Yudeya bua kupingana mu Ngalileya.

Yowanane 4:54

Ke bualu bua dikema buibidi buvua Yezu muenze pavuaye mumane kufika mu Ngalileya, utumina ku Yudeya.

Yowanane 6:1

Pashishe, Yezu kuya dishiya dia dijiba dia Ngalileya (didibu binyika kabidi ne: dia Tiberiyade).

Yowanane 7:11

Bamfumu ba bena Yuda bavua bamukeba mu tshibilu atshi, bakonkangana ne: — Udi penyi?

Yowanane 7:13

Kadi kakuvua muntu nansha umue uvua umutela patoke, bualu bavua batshina bamfumu ba bena Yuda.

Yowanane 7:19

Moshe uvua munuelele mikenji. Ki mmomu anyi? Kadi kakuena muntu wa kunudi nansha umue udi utumikila mikenji eyi. Kadi nudi nukeba kunshipa bua tshinyi?

Yowanane 7:25

Bena mu Yerushalayime bakuabu bavua bakonka ne: — Muntu ewu bamfumu bavua bakeba kumushipa, ki mmomumue anyi?

Yowanane 7:35

Bena Yuda kukonkangana ne: — Nkuepi kuayaye kutudi katuyi mua kumumona? Uyaya kudi bena Yuda badi batangalaka mu bena Ngreke bua kulongesha bena Ngreke anyi?

Yowanane 8:37

Ndi mumanye ne: nudi ndelanganyi ya Abrahame. Kadi nudi nukeba kunshipa, bualu kanuena banyishe dilongesha dianyi.

Yowanane 8:40

Kadi mpindiewu nansha mundi mumane kunuambila malu malelela andi mupete kudi Mvidi Mukulu, nudi nukeba kunshipa. Abrahame kavua muenze bualu bua mushindu ewu to.

Bienzedi 10:38

Nudi bamanye Yezu wa muNazarete, uvua Mvidi Mukulu musungule. Uvua mumuwuje ne Mueyelu wende wa Tshijila, kabidi ne bukole buende. Nanku Yezu kuendakana mu ditunga dijima, wenza bilenga, ujikija masama a bantu bonsu, bavuabu bakuate kudi mukishi mubi. Bualu Mvidi Mukulu uvua nende.