Yowanane 6:9 - MUKANDA WA MYIDI MUKULU

⁹ — Kudi nsongalume muaba ewu udi ne mampa a orje atanu ne mishipa ibidi. Kadi binebi, bua bantu bungi nenku, tshienzabi ntshinyi?

Mukanda wa Nzambi Dihungila Dikulukulu ne Dihungila Dihia-dihia 2003

⁹ Nsongalume mukese udi aha, udi ne mitanda itanu ya bidia bia seola ne mishiha ibidi; kadi bintu ebi ntshinyi tshienzelabi bantu bungi nunku?

Yowanane 6:9 ပူးပေါင်းရင်းမြစ်များ

2 Bakalenga 7:1

Muambi Elisha kuandamuna ne: — Telejayi bonsu! Maweja-Nangila udi wamba ne: “Malaba pa diba ditudi edi, mu tshisalu tshia mu Samariya, bantu nebasumbishangane kilo ya bukula dikumi ne ibidi, nansha kilo ya ntete ya oije makumi abidi ne inayi, anu ku lukanu lumue lua tshiamu tshitoke tshia mushinga mukole.”

Misambu 147:14

Maweja-Nangila udi ubueja bupole mu buloba buebe, ukupesha ntete ya kuenza bukula mimpe ya bungi.

Misambu 78:19

Kujanabu Mvidi Mukulu badikonka ne: “Mvidi Mukulu udi ne bukole bua kutupesha biakudia mu tshipela anyi?

Misambu 78:41

Kutuadijabu tshiakabidi kuteta Mvidi Mukulu. Kutombokelabu Mvidi Mukulu wa Tshijila wa Izrayele.

Misambu 81:16

Pashishe baluishi ba Maweja-Nangila, nebalekele ditambisha diabu, bena Izrayele nebasombe talalaa too ne tshiendelele.

Yezekiyele 27:17

Bena Yuda ne bena Izrayele bavua basumbishangana nebe bintu, bakupesha ntete ya kuenza bukula ya mu tshimenga tshia Minite; batua bakupesha mponda, buitshi, mafuta ne kamonya ka mupuya muimpe.

Matayi 14:17

Balongi kumuambila ne: — Kadi muaba ewu, tudi amu ne mampa atanu, ne minyinyi ibidi ya mu mayi.

Matayi 16:9

Kanuena banji kujingulula malu anyi? Kanutshiena bavuluke mampa atanu, amvua mukosoluele bantu binunu bitanu, ne bisaka bia bisunsukila binuvua basangishe anyi?

Marke 6:38

Ke Yezu kubakonka ne: — Nudi ne mampa bungi munyi? Ndayi nuanji kutangila. Kuyabu kuebeja, kubambilabu ne: — Tudi ne mampa atanu ne mishipa ibidi.

Marke 8:19

Pamvua mutshibule mampa atanu bua bantu binunu bitanu, nuvua bambule bisaka bungi bishi bia bipese bivua bishale? Bobu kuandamuna ne: — Bisaka dikumi ne bibidi.

Luke 9:13

Kadi Yezu kubandamuna ne: — Nuenu mene nubapeshe biakudia. Balongi kumuandamuna ne: — Tudi amu ne mampa atanu ne mishipa ibidi. Kadi udi musue tuye kusumbila bantu bonsu aba biakudia anyi?

Yowanane 11:21

Marte kuambila Yezu ne: — Mfumu, bu wewe muikalepu, muanetu kavua mua kufua to.

Yowanane 11:32

Mariya ufika muaba uvua Yezu, umumona, kudielaye ku makasa ende, wamba ne: — Mfumu, bu wewe muikalepu, muanetu kavua mua kufua.

Yowanane 21:10

Yezu kubambila ne: — Luayi ne mishipa ya ku inudi bakuate.

Yowanane 21:13

Yezu kusemena, kuangata diampa, kubabanyina, kubapesha kabidi ne mishipa.

Yowanane 21:9

Bamane kupatuka mu mayi, kumonabu muaba awu kapia katema ne mishipa mitentekapu, kabidi ne diampa.

Yowanane 6:11

Yezu kuangata mampa. Mumane kuela Mvidi Mukulu tuasakidila, kuabanyinaye bavua basombe panshi abu. Kubapeshaye kabidi mishipa, bungi buvuabu basue.

Yowanane 6:7

Filipe kumuandamuna ne: — Nansha tuetu batula nkanu nkama ibidi ya tshiamu tshitoke tshia mushinga mukole, katuena mua kusumba mampa makumbane bua muntu yonsu wa kudibu kupetaye kapese.

2 Korente 8:9

Bualu nudi bamanye dinanga divua Mfumu wetu Yezu Kristu mutuleje. Uvua ne biuma, kadi mmudienze mupele bualu buenu, bua kununemesha ku bupele buende.

Dielulula 32:14

Ngombe ne mikoku kubapesha mabele. Bana ba mikoku, bimpanga bia mafuta ne mbuji ya mpumbu, kubapetesha munyinyi. Kudiabu bukula buimpe butambe, banua ne maluvu a mvinyo, makunze bu mashi.

Dielulula 8:8

Mu ditunga adi, mudi biakudia bia bungi: ntete mishilangane ya kuenza bukula, mitshi ya mfiku, maluvu a mvinyo, mitshi ya grenade, mafuta a olive ne buitshi.

Didimanyisha 6:6

Meme kumvua bu diyi difuma munkatshi mua Bia muoyi binayi, diamba ne: “Kilo umue wa ntete ya kuenza bukula, nansha kilo isatu ya ntete ya orje ikale difutu dia mudimu wa dituku dimue. Kadi kanunyangi mafuta ne maluvu to.”