Yowanane 6:32 - MUKANDA WA MYIDI MUKULU

³² Yezu kubandamuna ne: — Ndi nnujadikila ne: Moshe kavua munupe mampa a mu diulu nansha. Kadi Tatu wanyi ke udi unupa mampa malelela a mu diulu.

Mukanda wa Nzambi Dihungila Dikulukulu ne Dihungila Dihia-dihia 2003

³² Yesu wakabambila ne. Bulelela, bulelela, udi nuambila ne, Mose kakanuha bidia bia mu diulu, Tatu wanyi udi unuha bidia bilelela bia mu diulu.

Yowanane 6:32 ပူးပေါင်းရင်းမြစ်များ

Misambu 78:23

Kutuminaye mavuba a kulu diyi. Kunzululaye biibi bia diulu.

Ekesode 16:4

Maweja Nangila kuambila Moshe ne: — Ndi musue kukutumina biakudia bia mu diulu. Dituku dionsu, bena Izrayele nebaboye biakudia bikumbane, kadi anu bua dituku adi. Ke mundi nnuteta, bua meme kujadika ne: bena Izrayele nebitabe mikenji yanyi anyi?

Ekesode 16:8

Moshe kuambila bena Izrayele ne: — Maweja-Nangila dilolu edi neanupeshe munyinyi, dinda neanupeshe mampa, nudie nuukute, bualu mmumvue bijanu bienu. Yeye ke unudi nujana. Kanuena nutujana tuetu to. Tuetu tudi tshinyi?

Yowanane 1:9

Butoke ebu ke butoke bulelela budi bufika pa buloba bua kutokesha bantu bonsu.

Yowanane 15:1

— Meme ndi mutshi wa nwinyo menemene. Tatu wanyi ke muena budimi bua nwinyo ebu.

Yowanane 6:31

Bankambua betu bavua badie mana mu tshipela, bu mudibu bafunde mu Mukanda wa tshijila ne: “Uvua mubapeshe mampa mafume mu diulu bua kudiabu.”

Yowanane 6:33

Bualu diampa didi Mvidi Mukulu ufila, ke didi difuma mu diulu, dipetesha bantu muoyi.

Yowanane 6:35

Ke Yezu kubambila ne: — Meme ndi diampa dia muoyi. Muntu udi ulua kundi kakufua nzala to. Udi ungitaba kakufua nyota nansha.

Yowanane 6:41

Bena Yuda kufikila Yezu munda, bualu uvua muambe ne: “Ndi diampa difume mu diulu.”

Yowanane 6:50

Diampa didi difuma mu diulu didi nunku, muntu udi udidia kena ufua to.

Yowanane 6:55

Bualu mubidi wanyi udi tshiakudia tshilelela, mashi anyi adi tshiakunua tshilelela.

Yowanane 6:58

Edi ke diampa difume mu diulu. Kadiena bu divuabu badie kudi bankambua benu bakadi bamane kufua. Muntu udi udia diampa edi neikale ne muoyi tshiendelele.

Ngalate 4:4

Kadi pakafika tshikondu tshivua Mvidi Mukulu mujadike, kutumaye Muanende. Bavua bamulele kudi mukaji. Uvua ne bua kukumbaja kabidi mikenji ya bena Yuda.

1 Yone 5:20

Tudi bamanye ne: Muana wa Mvidi Mukulu mmufike. mMutupeshe lungenyi, bua mmanye Mvidi Mukulu mulelela. Tudi mu bobumue ne Mvidi Mukulu mulelela kudi Muanende Yezu Kristu. Yezu Kristu ke Mvidi Mukulu mulelela. Yeye ke muoyi wa kashidi.