Yowanane 5:41 - MUKANDA WA MYIDI MUKULU

⁴¹ Meme tshiena nkeba bua bantu bantumbishe.

Mukanda wa Nzambi Dihungila Dikulukulu ne Dihungila Dihia-dihia 2003

⁴¹ Tshiena nkeba kuangata butumbi kudi bantu.

Yowanane 5:41 ပူးပေါင်းရင်းမြစ်များ

Yowanane 12:43

Bavua basue nangananga bua bantu babanyishe, pa mutu pa kukeba bua Mvidi Mukulu abanyishe.

Yowanane 5:34

Meme tshiena nkengela ne: muntu ajadike bualu. Kadi ndi ngamba nanku amu bua numone mua kupeta lupandu.

Yowanane 5:40

Kadi kanuena basue kufika kundi bua kupeta muoyi mulelela.

Yowanane 5:42

Kadi ndi numujingulule. Ndi mumanye ne: kanuena banange Mvidi Mukulu munda muenu.

Yowanane 5:44

Nudi basue kutumbishangana, kadi kanuena nukeba butumbi budi bufuma kudi Mvidi Mukulu nkayende. Munudi mua kuitaba mbishi?

Yowanane 6:15

Yezu kumanya ne: nebankuate ku bukole bua ngikale mukalenga wabu. Nanku kumukaye tshiakabidi, bua kuya ku mukuna nkayende.

Yowanane 7:18

Muntu udi wakula mu dina diende nkayende udi udikebela lumu. Kadi muntu udi ukuata mudimu bua kutumbisha uvua mumutume, udi wamba malu malelela. Kena ushima ku bualu nansha bumue to.

Yowanane 8:50

Tshiena ndikebela butumbi nansha. Kadi kudi mukuabu udi ubunkebela, ukosa kabidi nsambu.

Yowanane 8:54

Yezu kubandamuna ne: — Bu meme nditumbisha nkayanyi, butumbi buanyi kabuvua mua kuikala ne mushinga to. Udi untumbisha nTatu wanyi, Yeye unudi nuamba ne: “Udi Mvidi Mukulu wetu.”

1 Tesalonike 2:6

Katuvua bakebe bua nuenu, nansha bua bantu bakuabu batutumbishe.

1 Petro 2:21

Ke tshidi Mvidi Mukulu munubikidile, bualu Kristu kabidi uvua mukenge bualu buenu, munushile tshilejilu, bua nulonde makasa ende.

2 Petro 1:17

Diba divuaye mupete lumu ne butumbi kudi Mvidi Mukulu Tatu, tuvuapu. Diyi divua difuma ku butumbi bua kulu, diamba ne: “Ewu ke Muananyi undi munange. Udi unsankisha bikole.”