Yowanane 5:39 - MUKANDA WA MYIDI MUKULU

³⁹ Nudi nulonga malu a mu Mikanda ya tshijila, bualu nudi nuela meji ne: netupetelemu muoyi wa tshiendelele. Kadi mikanda ayi menemene ke idi ijadika bulelela buanyi!

Mukanda wa Nzambi Dihungila Dikulukulu ne Dihungila Dihia-dihia 2003

³⁹ Nudi nukeba kujingulula malu adi mafunda mu Mukunda wa Nzambi, bua nudi nuelangana meshi ne, Mu malu â tudi ne muoyo wa tshiendelele; malu au kabidi adi angamba;

Yowanane 5:39 ပူးပေါင်းရင်းမြစ်များ

Misambu 1:2

Muena diakalenga mmuntu udi unanga mikenji ya Maweja-Nangila. Udi uyambululula butuku ne munya, welaku meji.

Misambu 119:11

Ndi ndama mikenji yebe mu muoyi wanyi, bua tshikadi mua kupila ku mesu kuebe.

Misambu 133:3

Bidi bu lumuma, lupueka pa mukuna wa Ermone, pa mukuna wa Siyone. Bualu mu Siyone ke mudi Maweja-Nangila muteke disanka ne muoyi kashidi.

Misambu 16:11

Udi undombola mu njila, bua mpete muoyi. Ndi nsanka bikole muaba uudi, diakalenga dianyi didi amu pabuipi nebe kashidi.

Misambu 21:4

Udi mumuele lupemba, mumuase nsala wa lumu.

Misambu 36:9

Udi utudisha ne bilenga bia mu nzubu muebe, tuukuta, utunuisha ku misulu ya dinanga diebe.

Nsumuinu 6:23

Bualu bidi baledi bakuambila bidi bu muendu. Mibelu yabu idi bu butoke. Malongesha abu adi atuludika mu njila wa muoyi.

Yeshaya 34:16

Paudi ukeba mu mukanda wa Maweja-Nangila, neubalemu ne: Nansha umue wa ku nyama eyi kena ushadila kunyima. Maweja-Nangila udi utuma diyi bua yonsu ikalepu. Mueyelu wende ke udi uyisangisha pamue.

Yeshaya 8:20

wandamuna ne: “Tuetu tudi bualu amu ne mikenji, kabidi ne malongesha a Maweja-Nangila.” Muntu udi kayi ulonda mukenji awu, kena utshisha bufuku to.

Yirmeya 8:9

Bena meji nebafue bundu, nebapampakane padibu babakuata, baya nabu mu bupika. Bu mudibu kabayi bitabe miaku ya Maweja-Nangila. Meji abu neabambuluishe ku tshinyi?

Danyele 12:2

Bantu ba bungi badi mu kandondu nebabike ku lufu, bamue bua kuikalabu ne muoyi wa tshiendelele, bakuabu bua kuikala ne bundu, bashala ne bowa tshiendelele.

Matayi 22:29

Yezu kubandamuna ne: — Nudi batupakane bikole! Bualu kanuena bajingulule tshidibu bafunde mu Mukanda wa tshijila. Kanuena nansha bamanye bukole budi Mvidi Mukulu nabu.

Marke 10:3

Yezu kubebeja ne: — Moshe uvua munuelele mukenji kaayi.

Marke 12:10

Kanuena banji kubala bulelela, mudi Mukanda wa tshijila, wamba ne: “Ke dibue divua bibaki bimanshe, dikadi dibue didi dishindika nzubu.

Luke 16:29

Abrahame kuandamuna ne: “Bana benu badi ne Moshe ne bambi badi mua kubadimuja. Babateleje.”

Luke 16:31

Kadi Abrahame kumuambila ne: “Pikalabu babenga kuteleja Moshe nansha bambi, muntu nansha yeye mubiike ku bafue, kabena mua kumuitaba to.”

Luke 24:25

Nanku Yezu kubambila ne: — Nudi bantu badi kabayi mua kujingulula malu! Bidi binukolela bua kuitaba lukasa bionsu bitua bambi banumanyisha!

Luke 24:27

Diba adi Yezu kubumvuija bionsu bivuabu bafunde bualu buende mu Mikanda ya tshijila, kutuadija ku mikanda ya Moshe, too ne ku ya bambi bonsu.

Luke 24:44

Pashishe kubambilaye ne: — Miaku imvua munuambile, pantshivua nenu, ivua ne: bionsu bivuabu bafunde mu mikenji ya Moshe, ne mu mikanda ya bambi, ne ya misambu, bidi ne bua kukumbana.

Yowanane 1:45

Pashishe Filipe kusambakena ne Natanayele. Kumuambilaye ne: — Tuvua bamone muntu uvua Moshe mutele mu mukanda wa Mikenji, kabidi uvua bambi bambe. Ke Yezu, muana wa Yozefe, muena mu tshimenga tshia Nazarete.

Yowanane 5:32

Kadi muntu mukuabu ke udi unjadikila bualu. Ndi mumanye ne: tshidiye wamba bualu buanyi tshidi tshitetela.

Yowanane 5:36

Kadi meme, malu adi ajadika bulelela buanyi mmapite avua ajadika bulelela bua Yowanane. Malu andi ngenza, adi Tatu mumpeshe bua kuenza, ke adi ajadika bulelela buanyi, aleja kabidi ne: Tatu mmuntume.

Yowanane 5:40

Kadi kanuena basue kufika kundi bua kupeta muoyi mulelela.

Yowanane 5:46

Bu nuenu bitabe Moshe menemene, nuvua mua kungitaba ne meme kabidi. Bualu Moshe uvua mufunde malu aa bualu buanyi.

Yowanane 7:52

Kumuandamunabu ne: — Wewe kabidi udi muena Ngalileya anyi? Longa Mikanda ya tshijila! Neumone ne: muambi nansha umue katshia ki mmuanji kufuma ku Ngalileya. [

Bienzedi 13:27

Bualu bena mu Yerushalayime, ne bamfumu babu, kabavua bamanye ne: Yezu udi nganyi. Nanku kabavua bajingulule miaku ya bambi, ivuabu bababadila dituku dionsu dia Dikisha. Kadi bavua bakumbaje miaku eyi pa kufundila Yezu tshibawu tshia lufu.

Bienzedi 17:11

Bena Bereya bavua bantu ba disanka, bapite bena Yuda ba mu tshimenga tshia Tesalonike. Bavua bateleja muaku wa Mvidi Mukulu ne ntema. Dituku dionsu bavua babala Mikanda ya tshijila, bua kujadika bivua Polu wamba ne bidi bilelela.

Bienzedi 26:27

Mukalenga Agripa, udi witaba bambi anyi? Ndi mumanye ne: udi ubitaba!

Rome 1:2

Mvidi Mukulu uvua mumane kutulaya Lumu lua Disanka elu ku kale mukana mua bambi bende. Bavua balufunde mu Mikanda ya tshijila.

Rome 3:2

Mushinga wa bionsu abi mmunene. Bangabanga bualu Mvidi Mukulu uvua mudianze kumanyisha bena Yuda miaku yende.

Dielulula 18:15

Maweja-Nangila neanutumine muambi mukuabu, bu meme Moshe. Neamusungule amu munkatshi mua bana benu. Nenuteleje bidiye wamba.

Dielulula 18:18

Nanku nembatumine muambi wa munkathi mua bana babu, bu muudi wewe Moshe. Nengikale mmuambila malu, yeye umanyisha bena Izrayele bionsu bingikala mumumanyishe.

Dielulula 32:47

Mikenji eyi kayena anu meyi patupu, kadi idi inupetesha muoyi. Nuenu bayikumbaje, nenushale ne muoyi matuku a bungi mu ditunga dinuyaya kubuela dishiya dia Yardene.

Kolose 3:16

Muaku wa Kristu wase miji munda muenu muawu muonsu mudiwu. Longeshanganayi, belanganayi, ne meji onsu anudi nawu. Ne muoyi wenu mujima, imbilayi Mvidi Mukulu misambu, mitendu ne tusala, mudi Mueyelu wa Tshijila unusaka, kabidi ne muoyi wa dianyisha.

Ebrewu 11:16

Kadi batata bajinga ditunga ditambe buimpe, mbuena kuamba ne: ditunga dia mu diulu. Ke padi Mvidi Mukulu kayi umvua bundu padibu bamubikila ne: mMvidi Mukulu wetu, bualu mmubalongoluele tshimenga.

Ebrewu 11:35

Amu bua ditaba diabu, bakaji kumona muvuabu bapingaje bafue babu bamane kubabisha ku bafue. Bavua bakengeshe bakuabu too ne ku lufu. Kadi bavua babenga bua bantu kababasungididi bua bamone mua kubika ku lufu, bapeta muoyi mupiamupia udi mutambe buimpe.

Yoshua 1:8

Nanku ubalulule amu kubalulula malongesha adi mu mukanda wa mikenji. Udikonke, udiele meji bua malu awu, butuku ne munya, bua ukumbaje bionsu bidibu bafunda mu mukanda awu. Nanku, bionsu biudi muele meji a kuenza nebikumbane. Neupete dikasa dimpe.

Didimanyisha 19:10

Ke meme kudiela ku makasa ende bua kumukukuila. Kadi kungambilaye ne: — Kuenji nanku to! Meme kabidi ndi amu muena mudimu bu wewe, bu bana benu badi bitaba bulelela buvua Yezu mubamanyishe. Kukuila Mvidi Mukulu nkayende! Bulelela budi Yezu ujadika, ke Mueyelu udi umanyisha bambi malu.