Yowanane 5:3 - MUKANDA WA MYIDI MUKULU

³ Mu bitanda ebi, babedi ba bungi bavua balalamu: ke bampofu, batebuki, bena tuneke. [Bavua bindile bua mayi avunduluke bikole.

Mukanda wa Nzambi Dihungila Dikulukulu ne Dihungila Dihia-dihia 2003

³ Mu bitanda amu muakadi mulale tshisumbu tshia bakadi batekete ne bafofo ne balema ne banyane. [

Yowanane 5:3 ပူးပေါင်းရင်းမြစ်များ

1 Bakalenga 13:4

Mukalenga Yerobowame umvua bionsu bivua muambi wamba, muvuaye ubenga tshilambuilu atshi tshivua mu Betele, kuololaye diboku pa mutu pa tshilambuilu, wela diyi ne: — Kuatayi muntu ewu! Kadi, diboku diende kushala ditandabala, diuminyine, kayi ne mushindu wa kuditunya kabidi to.

Nsumuinu 8:34

Bantu badi banteleja, badi bimana dituku dionsu ku tshiibi tshianyi, batshishila ku nzubu kuanyi, mbena diakalenga.

Muadi 3:26

Bidi bimpe kuindila ne lutulu lupandu ludi Maweja-Nangila ukutumina.

Zekâya 11:17

Mulami mutshimbakane udi ushiya mikoku yende, mmuena diakabi. Mvita ibutule bukole budi mu maboku ende, ishipe mesu ende, diboku diende ndiedi diuminyine, disu diende dia balume kadiakumona to!

Matayi 15:30

Bantu ba bungi kufika kudiye ne batebuki, bampofu, bena tuneke, tumama, ne babeedi bakuabu ba bungi. Kubatekabu ku makasa a Yezu. Yezu kujikija masama abu.

Matayi 4:24

Mu ditunga dijima dia Siriya, kutuadijabu kuyukidilangana bualu bua Yezu. Bavua bafika kudiye ne bantu bonsu bavua kabayi bumvue bimpe, bikale ne masama ne ntatu bishilangane. Munkatshi muabu muvua bavuabu bakuate kudi diabolu, bena tshiseke, ne bena tuneke. Yezu uvua ujikija masama abu onsu.

Luke 7:22

Ke kuandamunaye bantu bavua Yowanane mutume ne: — Nupingane kudi Yowanane, numulondele bionsu binudi bamone, ne binudi bumvue: mpofu idi imona, batebuki badi benda biakane, bena nsudi badi bakana mibidi, bena mapapa badi bumvua, bafue badi babiika ku lufu, bapele badi bumvua Lumu lua Disanka.

Yowanane 5:2

Mu tshimenga atshi mudi dijiba ne bitanda bia makunji bia kuikishila bitanu. Dijiba adi didi pepi ne tshiibi tshia Mikoku, badinyike mu buena ebrewu ne: Betzata.

Yowanane 5:4

Bualu mutumibue wa Maweja-Nangila uvua upueka meba makuabu mu dijiba amu, uvundulula mayi bikole. Mubedi uvua ubuela mu mayi kumpala pavuawu avunduluka bikole, disama diende divua dijika, nansha diodi dikole bishi.]

Rome 8:25

Kadi patudi tutekemena tshitudi katuyi bamone, tudi tutshindila ne lutuulu.

Yakobe 5:7

Bana hetu, ikalayi ne lutuulu too ne pafika Mfumu. Monayi mudi tshidime windila ne lutuulu biakudia bidibu nabi dikenga menemene, too ne diba didi buloba mua kubipatula. Udi utekemena mvulambedi ne wa ndekelu.